আবিলেচ্ 5:14 - Chakma Bible

¹⁴ শঅর-গেদো ইধু বুড়ো নেতাগুনে আর ন-বজন্; গাবুজ্যেগুনে বাজনা বাজানা থামেয়োন্।

আবিলেচ্ 5:14 Iomraidhean Croise

ইয়োব 30:1

মাত্তর ইক্কিনে যিগুনে মত্তুন্ বয়জে চিগোন্ তারা মরে ঈচ্ গরন্; তারা বাপ্পুনোরে মুই ভেড়া পাল্ চুগিদিয়্যে কুগুরুনো সমারে রাগাদেয়ো ঘিনেম্।

ইয়োব 30:31

মর্ বীণাবোত্তুন্ ইক্কিনে দুঘোর্ সুর্ এজের্, আর বাশীবোত্তুন এজের্ আবিলেজর্ সুর্।

যিরমিয় 16:9

কিত্তে মুই ইস্রায়েলর গোজেন বেগত্তুন্ খেমতাবলা লগেপ্রভু কঙর্, মুই এ জাগানর্ মানুচ্চুনোর চোগো মুজুঙোত্ আর তারার জিংকানিত্ ফুত্তি আর হুজির রঅ আর নূয়ো বৌ-নূয়ো জামের্ মুয়োর্ কধানি বন্ধ গুরি দিম।

যিরমিয় 25:10

মুই তারা ভিদিরেত্তুন্ ফুত্তি আর হুজির্ রঅ, নেগ আর মোগোর রঅ, মিশিনোর্ রঅ আর চেরাগ পহর্ দূর্ গুরি দিম।

যিরমিয় 7:34

মুই যিহূদার শঅরানিত্ আর যিহূদার বেক্ পধে পধে হুজি আর ফুত্তির্ রঅ আর নেগ-মোগোর মুয়োর রঅ বন্ধ গুরি দিম, কিত্তে দেজ্‌চান ভস্তর জাগা ওই যেবঅ।” ‌‌‌‍

আবিলেচ্ 1:19

মঅ লাঙেগুনোরে মুই ডাগিলুং মাত্তর্ তারা মল্লোই বেঈমানী গুরিলাক্। মর্ ধর্মগুরুগুন আর বুড়ো নেতাগুন নিজোরে বাঁজেই রাগেবাত্তে হানা তগাদে তগাদে শঅর ভিদিরে শেজ্ ওই গেলাক্।

আবিলেচ্ 1:4

সিয়োনর পথ্‌‌তানিয়ে আবিলেচ্ গরের্, কিত্তে ঠিগ্ গোজ্যে পরবত্ কনজন আর ন-এজন্। তার বেক্ গেট্‌‌তুনোত্ সোমেবার পথ্‌তান খালি। তার ধর্মগুরুগুনে বুগ্ চাবারাদন, গাবুজ্যে মিলেগুনে দুঘ্ পাদন, সেক্কে তে মনত্ অমকদ দুঘ্ পার্।

আবিলেচ্ 2:10

সিয়োন-ঝিবোর্ বুড়ো নেতাগুনে জুরো গুরি মাদিত্ বোই আগন্। তারা নিজো মাঢাত্ ধূল্যে ছিদি দুয়োন আর বস্তা পাদা উজ্যন্। যিরূশালেমর গাবুজ্যে মিলেগুনে দুঘে মাদিত্ মাঢাগুন লোঙেয়োন্।

যিহিষ্কেল 26:13

মুই তর্ গান রবো থামেই দিম; বীণার বাজানাবোয়ো আর শুনো ন-যেবঅ।

হোশেয় 2:13

যেদক্ দিন সং তে বাল দেবেদাগুনোর্ নাঙে আগর্‌বাট্টি জ্বালেয়্যে আর আন্দিক্ আর গহনা-গাটি দিইনে নিজোরে সাজেইনে তা লাঙুনে ইন্দি যেইনে মরে ভুলি যেয়্যেগোই সেদক্ দিনোত্তে মুই তারে সাজা দিম। মুই লগেপ্রভু এ কধাগান কঙর্।

দ্বি’লম্বর বিররণ 16:18

তমার গোজেন লগেপ্রভু তমারে যেদক্কানি আদাম আর শঅর দিবাত্তে যার্‌ তার পত্তিগানিত্‌ পত্তি গুট্টিত্তে তুমি বিচেরক আর কামগুরিয়্যে নেযেবা। তারা দোলেডালে মানুচ্চুনোর বিচের গুরিবাক্।

ফগদাং পেইয়্যে 18:22

যিগুনে বীণা বাজান্, গীদ্ গান্ আর বাশী বা তূরী বাজান্ তারার্ রগুন আর কনদিনঅ তমা ইধু শুনো ন-যেবঅ। আর কনদিনঅ তমা ইধু কনঅ বাবদে কাবিল মিস্ত্রি পাহ্ ন-যেবঅ। কনঅ মিশিনো আবাজ্ আর কনদিনঅ তমা ইধু শুনো ন-যেবঅ।