আবিলেচ্ 4:2 - Chakma Bible

² সিয়োনর পুয়োগুন্ একদিন সোনা ধোক্ক্যেন মূল্যবান এলাক্; তারারে ইক্কিনে মনে গরা অয় কুমোরর্ বানেয়্যে মাদি পিলে ধোক্ক্যেন্।

আবিলেচ্ 4:2 Iomraidhean Croise

যিশাইয় 30:14

সিবে মাদির্ পিলে ধোক্ক্যেন্ কট্টা কট্টা ওইনে ভাঙি যেবঅ; সিয়েন এমন্ গুরিনে ভাঙি যেবঅ, সিগুনো ভিদিরে এক কট্টায়ো পাহ্ ন-যেবঅ যিয়েন্দোই চুলোত্তুন্ আঙারা বা কূয়োত্তুন্ পানি তুলি পারে।”

যিশাইয় 51:18

তুই যে পুয়োগুনোরে জর্ম দুয়োচ্ তারা ভিদিরেত্তুন্ পথ দেগেবাত্তে কনজন নেই; যিদুক্কুন পুয়োরে তুই পালেয়োচ্ তারা ভিদিরেত্তুন্ তঅ আঢ্‌‍‌‌তান ধরেদে ধোক্ক্যেন কনজন নেই।

যিরমিয় 19:1

লগেপ্রভু কোইয়্যেদে, তুই যেইনে কুমর ইত্তুন এক্কো মাদির্ পিলে কিনি আন। তঅ লগে মানুচ্চুনোত্তুন্ কয়েক্কো বুড়ো নেতা আর বয়স ওইয়্যে ধর্মগুরুনোরে নেযা।

যিরমিয় 22:28

এ যিহোয়াখীনে কি এন্ এক্কো ঈচ্ গরেপারা ভাঙা পিলে যিবেরে কনজনে ন-চায়? কিত্তে তারে আর তা পুয়ো-ছাগুনোরে তারার হবর্ ন-পেইয়্যে এক্কান দেজত্ ছিদি ফেলা অবঅ?

আবিলেচ্ 2:21

পুয়ো আর বুড়োগুনে ধূল্যে ভিদিরে পধে পধে পড়ি আগন্; মর্ গাবুজ্যে-গাবুরিগুনে তলোয়ার ইধু পড়ি যেয়োন। তর্ রাগ দিনোত্ তুই তারারে মারে ফেল্যস্; তুই তারারে কাবি ফেল্যস্, মেয়্যে ন-গরচ্।

আবিলেচ্ 5:12

দাঙর্ পোজিশনর্ কামগুরিয়্যেগুনোর আঢ্‌তানি বানিনে টাঙেই রাগা ওইয়্যে; বুড়ো নেতাগুনোরে সর্মান দেগা ন-অয়।

হোশেয় 8:8

ইস্রায়েলীয়গুনোরে গিলি ফেলা ওইয়্যে; বাজে জিনিজো ধোক্ক্যেন তারা ইক্কিনে নানান্ জাদ ভিদিরে রোইয়োন।

সখরিয় 9:13

মুই যিহূদারে ধনু ধোক্ক্যেন্ আর ইফ্রয়িমরে সেল ধোক্ক্যেন বেবহার গুরিম। ও সিয়োন, মুই তঅ পুয়োগুনোরে গ্রীস দেজর্ পুয়োগুনো বিরুদ্ধে উত্তেজিত গুরিম আর তরে যুদ্ধোর্ লাম্বাছুরি ধোক্ক্যেন গুরিম।”

২ করিন্হীয় 4:7

মাত্তর্ এই ধন মাত্ত্যা পিলেত্ থুয়ো ওইয়্যে; আর আমিই সেই মাত্ত্যা পিলাগুন্। মাত্ত্যা পিলেত্ সিয়েন থুয়ো ওইয়্যে যেন মান্‌জ্যে বুঝি পারন্ যে, এ অসাধারণ দাঙর্ খেমতাগান আমা নিজোত্তুন্ ন-এজে বরং গোজেনত্তুনই এচ্চ্যে।

২ তীমথিয় 2:20

দাঙর্ ঘরত বানা যে সনা-রূবোর বাজোন্ থায় সিয়েন নয়, মাত্তর্ তক্তার আর মাদির্ বাজোন্‌অ থায়। সিগুনো ভিদিরে কুদুক্কুন্ বাজোন্ সর্মানর্ কামত আর কুদুক্কুন্ বাজোন্ নিচু কামত বেবহার গরা অয়।