আবিলেচ্ 3:7 - Chakma Bible

⁷ মুই যেনে ধেই যেই ন-পারং সেনত্তে তে মঅ চেরোকিত্তেদি ঘিরি রাগেয়্যে; মরে গুয়োড়্ শিগোল্লোই বান্যে।

আবিলেচ্ 3:7 Iomraidhean Croise

ইয়োব 19:8

তে মঅ পথ্‌তানত্‌ টেঙেরা দিয়্যে বিলিনে মুই পার্‌ ওই ন-পারঙর্‌; মর্‌ বেক্‌ পথ্‌তানত্‌ তে আন্ধারলোই ঢাগি দিয়্যে।

ইয়োব 3:23

যে মানুচ্চোর্‌ পথ্‌তান্‌ তা ইদু গুমোর্, যিবেরে গোজেনে আক্‌সোই রাগেয়্যে, কিত্তে সেই মানুচ্চোরে জিংকানি দিয়্যে অয়?

গীতসংহিতা 88:8

মঅ নিজো মানুচ্চুনোরে মত্তুন্ তুই সোরেই নেযেয়োচ্; তারা ইদু তুই মরে ঈচ্ গরা হেইয়্যে গোজ্যস্। মুই আক্‌সো যেয়োং, নিগিলি এই ন-পারঙর্;

গীতসংহিতা 88:9

দুঘে মঅ চোগ্‌কুন ফেজেরা ওই যেয়োন্। ও লগেপ্রভু, পত্তিদিন মুই তরে ডাগং; মুই তইদু মঅ আঢ্‌তান বাবেই দুয়োং।

যিরমিয় 38:6

সেক্কে তারা যিরমিয়রে ধুরিনে রাজার পুয়ো মল্কিয়র কূয়োবোত্ ফেলেই দিলাক্। এ কুয়োবো অলদে চুগিদারুনোর উদোন ভিদিরে। তারা যিরমিয়রে দুড়ি দিইনে সে কূয়োবোত্ লামেই দিলাক্। সিয়েনত্ পানি ন-এলঅ, বানা ফেগ্‌ফুদ্ এলঅ; আর যিরমিয় সেই ফেগ্‌ফুদো ভিদিরে গারা যাহ্ ধুরিলো।

যিরমিয় 40:4

মাত্তর্ এচ্চ্যে মুই তঅ আঢ শিগলত্তুন্ তরে উদ্ধোর গুরিলুং। তুই যুনি চাজ্ সালে মঅ সমারে তুই বাবিলোত্ যেই পারচ্, মুই তরে দেগাশুনো গুরিম; মাত্তর্ যুনি যেবাত্তে ন-চাজ্ সালে ন-যেচ্। চাহ্, পুরো দেজ্‌চান তঅ মুজুঙোত্ পড়ি আঘে; তুই যিয়েনত্ হুজি যেই পারচ্।”

আবিলেচ্ 1:14

মর্ বেক পাপ্‌‌‌পানি তে জুঙোল ধোক্ক্যেন বান্যে: তে আঢ্‌তোই সিয়েনি একসমারে বুন্যে। সিয়েনি মঅ গত্তনাবো উগুরে দিয়্যে ওইয়্যে; লগেপ্রভু মঅ খেমতাগানরে বল্‌পোজ্যে গোজ্যে। যিগুনোরে মুই মানা গুরি ন-পারং তারা আঢত্ তে মরে তুলি দিয়্যে।

আবিলেচ্ 3:9

গুয়োর্ গুয়োর্ পাত্তর্‌লোই তে মঅ পথ্‌তান নাঢি দিয়্যে; মঅ পথ্‌তান তে বেঙা গুরি দিয়্যে।

আবিলেচ্ 5:5

যিগুনে আমারে লোড়েয়োন্ তারা আমা ইধু এইনে লুম্বোন্দি; আমি বল্‌পোজ্যে ওইয়্যেই, জিরেন্ ন-পের্।

দানিয়েল 9:12

আমার আর আমার শাজন্‌গুরিয়্যেগুনোর্ বিরুদ্ধে তুই যে কধানি কোইয়োচ্ সিয়েনি পূরোণ গুরিবাত্তে তুই আমা উগুরে দাঙর্ দযা আন্যচ্। যিরূশালেম উগুরে যিয়েনি গরা ওইয়্যে গোদা পিত্‌‌‌থিমীত্ আর কনজাগাত্ সেবাবোত্যে গরা ন-অয়।

হোশেয় 2:6

সেনত্তে মুই কাদাঝুপ্পোই তা পথ্‌‌‌তান‌ নাঢি দিম; মুই তা চেরোকিত্তে দেবাল্ তুলি দিম্ যেনে তে তার্ পথ্‌তান তোগেইনে ন-পায়।