আবিলেচ্ 3:56 - Chakma Bible

⁵⁶ তুই মর্ এই কোজোলীগান শুন্যচ্, “সাহায্যত্তে মঅ কানানিগান উগুরে তুই কানানি নাঢি ন-রাগেচ্।”

আবিলেচ্ 3:56 Iomraidhean Croise

গীতসংহিতা 55:1

ও গোজেন, মুই তবনা গুরিলে কান পাদিচ্; মুই কোজোলি গুরিলে তুই নিজোরে লুগেই ন-রাগেচ্।

ইয়োব 34:28

তারার অত্যাচারত্তে নাঢা মানুচ্চুনোর কানানিগানি তা মুজুঙোত্ পড়ে; তে নাঢা মানুচ্চুনোর কানানিগানি শুনে।

রোমীয় 8:26

ইয়েন্ বাদে আমার বল্-নেইয়্যে অবস্থায় পবিত্র আত্মাগানে আমারে বল্ দে। কি কোইনে তবনা গরানা উচিত্ সিয়েন আমি হবর্ ন-পেই, মাত্তর্ যিয়েন ভাষাদি ফগদাং গুরি ন-পারে সেবাবোত্যে কোজোলী সমারে পবিত্র আত্মাগানে নিজেই আমার্ ওইনে কোজোলী গরে।

যিশাইয় 38:5

তুই যেইনে হিষ্কিয়রে কঅ, তার্ পুরোণি মানুচ্ দায়ূদোর গোজেন লগেপ্রভু কোইয়্যেদে, মুই তর্ তবনাগান্ শুন্যং আর তঅ চোগো পানিগান দেখ্যং; মুই তর্ আয়ুগান আরঅ পনর বজর্ বাড়েই দিলুং।

গীতসংহিতা 34:6

এই অভাগ্যত্যেবো লগেপ্রভুরে ডাগিলো; তে তার্ ডাগনিলোই ইজিরে দিলো আর বেক্ দুঘোত্তুন্ তারে উদ্ধোর্ গুরিলো।

গীতসংহিতা 66:19

মাত্তর্ গোজেনে যে শুন্যে সিয়েনত কনঅ ভুল নেই; তে মর্ তবনাগান শুন্যে।

গীতসংহিতা 3:4

মুই রঅ ছাড়িনে লগেপ্রভুরে ডাগং, আর তে মরে তার্ সুদ্ধো-সাংগ মুড়োবোত্তুন্ জোব্ দে।

২ বংশধর 33:19

তার্‌ তবনাগানর কধানি, তার্‌ কোজোলিগান্দোই গোজেন মনান্‌ নরম অনার্‌ কধাগান, তার্‌ বেক্‌ পাপ্পানি আর অবিশ্বেজর্ কধানি আর তে নিজোরে গোজেন মুজুঙোত্‌ চিগোন্‌ গুরিবার আগেন্দি পূজোর্‌ যেদক্কানি অজল্‌ জাগা বানেয়্যে আর আশেরা-খুদো আরে কাবিনে লেখ্যে মূত্তি থিদেবর্ গোজ্যে সে বেক্‌ কধানি দেগিয়্যেগুনোর্‌ বোইয়োত্‌ লেগা আঘে।

২ বংশধর 33:13

এধোক্ক্যেন গুরিনে তবনা গুরিলে লগেপ্রভুর মনান্‌ নরম্‌ অলঅ আর তা কোজোলিগান্‌ শুনিনে তে তারে যিরূশালেমত্‌ আর তার্‌ রেজ্যত্‌ ফিরেই আনিলো। সেক্কে মনঃশি বুঝি পারিলোদে, লগেপ্রভুই গোজেন।

গীতসংহিতা 5:2

ও মর্ রাজা, ও মর্ গোজেন, তঅ সাহায্যত্তে মঅ কানানিয়ান্ তুই শুন্, কিয়া মুই তইদু তবনা গরঙর্।

গীতসংহিতা 5:3

ও লগেপ্রভু, পত্তিদিন বেন্যেমাদান্ তুই মঅ কধানি শুনোচ্। বেন্যেমাদান্ মুই তঅ মুজুঙোত্ মঅ তবনাগান সাজেই রাগাং আর আজালোই চেই থাং।

গীতসংহিতা 55:2

মন্দি চাহ্, মরে জোব্ দে; মর্ শত্রুগুনোর বিষো ধোক্ক্যেন কধালোই আর পাজিগুনো অত্যেচারে মুই দুঘোত্ থির্ নেইয়্যে ওইয়োং আর ফবাঙর্। তারার্ বজং কামানিত্তেই তারা মঅ উগুরে দযা ডাগি আন্যন্, আর রাগে মঅ উগুরে অত্যেচার গোজ্যন।

গীতসংহিতা 55:18

যে যুদ্ধোগান্ মঅ বিরুদ্ধে চোল্যে সেক্কে মর্ বিপক্ক দল্লো দাঙর্ এলঅ, সেনত্তে তে মরে ছাড়ি আনিনে গমেডালে রাগেয়্যে।

দানিয়েল 9:17

“ইক্কিনে, ও আমা গোজেন, তঅ চাগরুনোর তবনা আর কোজোলী শুন। ও প্রভু, তর্ সুনাঙান্ রোক্ষ্যেত্তে ভস্ত ওই যেইয়্যে তর্ ঘর উগুরে তুই দোয়্যের্ চোগেদি রিনি চাহ্।