আবিলেচ্ 3:53 - Chakma Bible

⁵³ তারা গাদ ভিদিরে মঅ পরাণান শেজ্ গুরি দিবার্ চেরেস্‌‌‌টা গোজ্যন্ আর মঅ উগুরে পাত্তর্ মাজ্যন্।

আবিলেচ্ 3:53 Iomraidhean Croise

যিরমিয় 37:16

সেই জেলখানাগানর্ মাদির্ তলে এক্কো ঘুদিত্ যিরমিয়রে রাগা অলঅ। সিয়েনত্ তে ভালোক্ দিন রলঅ।

যিরমিয় 37:20

মাত্তর্ ইক্কিনি ও মর্ প্রভু মহারাজ, দোয়্যে গুরি শুন। তইধু মুই মর্ এ কোজোলীগান রাগাঙর্, তুই মরে লিগিয়্যে যোনাথন ঘরত্ আর্ ন-পাদেবে, পাদেলে মুই সিদু মুরি যেম্।”

যিরমিয় 38:6

সেক্কে তারা যিরমিয়রে ধুরিনে রাজার পুয়ো মল্কিয়র কূয়োবোত্ ফেলেই দিলাক্। এ কুয়োবো অলদে চুগিদারুনোর উদোন ভিদিরে। তারা যিরমিয়রে দুড়ি দিইনে সে কূয়োবোত্ লামেই দিলাক্। সিয়েনত্ পানি ন-এলঅ, বানা ফেগ্‌ফুদ্ এলঅ; আর যিরমিয় সেই ফেগ্‌ফুদো ভিদিরে গারা যাহ্ ধুরিলো।

যিরমিয় 38:9

“ও মর্ প্রভু মহারাজ, এ মানুচ্চুনে ভাববাদী যিরমিয় উগুরে যিয়েনি গোজ্যে সিয়েন অন্যেয়। তারা তারে কূয়োবোত্ ফেলেই দুয়োন; তে সিয়েনত্ পেট্ পরায় মুরি যেবঅ, কিত্তে শঅরত্ আর রুটি নেই।”

দানিয়েল 6:17

পরেদি এক্কো পাত্তর্ আনিনে সেই গাদ মুয়োন ঝাবেই দিয়্যে অলঅ। রাজা তার নিজোর আর আজল্ মানুচচ্চুনোর সীলমহ্‌র আংটিবোলোই সিবে সীলমহর্ গুরি দিলো যেনে দানিয়েলত্তে অন্য কনঅ বেবস্থা গরা ন-যায়।

দানিয়েল 6:18

যেরেদি রাজা রাজঘরত্ ফিরি যেইনে কিচ্চু ন-হেইনে রেত্তো কাদেল আর তাত্তে কনঅ রঙ্গ-ফুত্তির্ বেবস্থা গুরিবাত্তে ন-দিলো। তে সারা রেত্ ঘুম যেই ন-পারিলো।

যোনা 2:1

যোনা সেই মাছ পেদত্তুন্ তার্ গোজেন লগেপ্রভু ইধু তবনা গুরিলো। তে কলঅ, ও লগেপ্রভু, মর্ দুঘোর্ সময়োত্ মুই তরে ডাগিলুং আর তুই মরে জোব্ দিলে। মরণ জাগানর্ গভিনোত্তুন্ মুই এযালত্তে ডাগিলুং আর তুই মঅ কানানিগান শুনিলে।

মথি লেখ্যে গম্ হবর্ 27:60

আর যে নুয়ো গোরান্ তে নিজোত্তে মুড়ো ইধু কাবিনে থোইয়্যে সিয়েনত্ সেই মরা কিয়্যেগান্ রাগেল। পরেদি সেই গোর মুয়োনত্ দাঙর্ এক্কো পাত্তর্ গোজ্যেই দিইনে তে গেলগোই।

মথি লেখ্যে গম্ হবর্ 27:66

সেক্কে তারা যেইনে পাত্তর্‌বো উগুরে সীলমহর্ মারিলাক্ আর চুগিদারুনোরে সিয়েনত্ থোইনে কবরান্ দরমরগুরি চুগি দিবার্ বেবস্থা গুরিলাক্।