আবিলেচ্ 3:42 - Chakma Bible

⁴² “আমি পাপ গোজ্যেই, উল্লোমি গোজ্যেই; তুই খেমা ন-গরচ্।

আবিলেচ্ 3:42 Iomraidhean Croise

ইষ্রা 9:6

ও মর্ গোজেন, তইন্দি মর্ মুয়োন তুলোদে ভারী লাজাঙর্, কিত্যে আমা পাপ্পানি আমা মাঢা উগুরে উঠ্যেগোই আর আমা ‍দুষ্‌‌চানি আগাজত্ লুম্মেগোই।

নহিমিয় 9:26

মাত্তর্‌ তো তারা অবাধ্য ওইনে তঅ বিরুদ্ধে উল্লোমি গোজ্যন্‌; তর্‌ রীদি-সুুদোম তারা ছাড়ি যেইয়োন। তর্‌ যে ভাববাদীগুনে তারারে উজিয়ার্‌ গুরিদাক্‌ যেনে তারা তইন্দি ফিরি এজন্‌ সে ভাববাদীগুনোরে তারা মারে ফেল্যন; তারা তরে অমকদ অগমান গোজ্যন।

গীতসংহিতা 107:11

কিত্তে তারা গোজেন কধার বিরুদ্ধে উল্লোমি গুরিদাক্, গোজেনর সল্লানি তারা তুচ্ছো গুরিদাক্।

যিরমিয় 14:20

ও লগেপ্রভু, আমি আমার পাজিগানি আর আমা পুরোণি মানুচ্চুনোর দুষোর্ কধানি স্বিগের্ গুরির্; আমি ঘেচ্চেকগুরি তঅ বিরুদ্ধে পাপ গোজ্যেই।

যিরমিয় 3:13

তুই বানা তঅ দুষ্‌চানি মানি নেযা, তর্ গোজেন লগেপ্রভুর বিরুদ্ধে তুই উল্লোমী গোজ্যস্, ডেলাপাদা ছিদি পোজ্যে বেক্ য়েল্ গাজর্ তলে দেব-দেবেদাগুনোরে তর্ কোচ্‌‌‌পানাগান্ দান গোজ্যস্ আর মঅ কধার বাধ্য ন-অচ্।

আবিলেচ্ 1:18

তে কত্তে, “লগেপ্রভু ন্যায়বলা, মুই দঅ তা উগুমো বিরুদ্ধে উল্লোমী গোজ্যং। বেক্ জাদ্‌‌তুনে শুনো, মঅ দুঘ্‌‌কান চঅ; মর্ গাবুজ্যে-গাবুরীগুনে বন্দী ওইনে দূরোত্ যেইয়োন।

আবিলেচ্ 5:16

আমা মাঢাত্তুন্ মুকুট পড়ি যেইয়্যেগোই। অভিশাব্ পোড়োক্ আমার্, কিত্যেই আমি পাপ গোজ্যেই!

যিহিষ্কেল 24:13

“‘ও যিরূশালেম, তর্ ভান্ন্যেই কামান অলঅ তর্ সেই অসিজিগান। মুই তরে কাজেবাত্তে চেট্ট্যা গুরিলুং মাত্তর্ তর্ অসিজিগানত্তুন্ তুই সাব্ ন-অলে। তঅ বিরুদ্ধে মঅ রাগ্‌‌‌‌‌‌‌কান পুরোপুরি ঢালি ন-দেনা সং তুই আর সাব্ ন-অবে।

দানিয়েল 9:15

ইক্কিনে ও আমার প্রভু গোজেন, তুই খেমতাবলা আঢ্‌‌‌‌তোই তঅ মানুচ্চুনোরে মিসরত্তুন্ নিগিলেই আনিনে সুনাঙ্ পেইয়োচ্, আর সিয়েন এইচ্চ্যে সং আঘে। আমি পাপ গোজ্যেই, ভান্ন্যেই কাম গোজ্যেই।

সখরিয় 1:5

তমা সেই পূরোণি মানুচ্চুনে ইক্কিনে কুদু? আর ভাববাদীগুনে কি উমরত্যে বাঁজি থান্?

সখরিয় 1:6

মাত্তর্ মুই মর্ চাগরুনোরে, অত্তাৎ ভাববাদীগুনোরে যেদক্কানি উগুম দুয়োং, মর্ সেই বেক্ কধানি আর সুদোম্ মজিম কি তমা পূরোণি মানুচ্চুনে সাজা ন-পান্? সেক্কে তারা মনানি ফিরেইনে কোইয়োন্দে যে, বেগত্তুন খেমতাবলা লগেপ্রভু তারার্ আচার-বেবহার আর অভ্যেস্ মজিম তারা উগুরে যিয়েনি গুরিবো বিলি ঠিগ্ গোজ্যে তে সিয়েনই গোজ্যে।’ ”