আবিলেচ্ 3:37 - Chakma Bible

³⁷ যুনি লগেপ্রভু উগুম ন-দে সালে কন্না মুয়োদি কোইনে কিজু ঘোদেই পারে?

আবিলেচ্ 3:37 Iomraidhean Croise

২ শমূয়েল 16:10

রাজা কলঅ, “ও সরূয়ার পূঅগুন, এ পৌইদ্যেনে তমা লগে মর্‌ কি সম্পর্ক? লগেপ্রভু যুনি তারে কোই থায় ‘দায়ূদোরে গেইল্ দে’ আর সেনত্তেই তে গেইল্ দে, সালে কন্না তারে পুযোর্‌ গুরি পারিবো, ‘কিত্তেই তুই এ কামান্‌ গোজ্যস্?’”

১ রাজাবলী 22:34

মাত্তর্‌ ইক্কো মান্‌জ্যে ন টাগিনে তা ধনুগানরে টানিনে ইস্রায়েল রাজার বুগোত্‌ আর পেদঅ সংমধ্যে ফাক্কানত্‌ আঘাত্‌ গুরিলো। সেক্কে রাজা তার রথ চালেয়্যেবোরে কলঅ, “রথ্‌তান্‌ ঘুরেইনে তুই যুদ্ধোর্‌ জাগানত্তুন্‌ মরে বারেন্দি নেযা। মুই আঘাত্‌ পেইয়োং।”

২ রাজাবলী 6:33

ইলীশায় সেক্কেয়ো কধা কর্‌ এন্‌ সময়োত্‌ সে মানুচ্চো তাইদু এলঅ। সে পরেন্দি রাজা এইনে কলঅ, “এ দযাগান্‌ লগেপ্রভুত্তুন এচ্ছে। মাত্তর্‌ লগেপ্রভুত্তে আর্‌ মুই কিত্তে দেরি গুরিম?”

ইয়োব 10:13

মাত্তর্‌ ইয়েনই তঅ মনত্‌ তুই লুগেই রাগেয়োচ্‌, আর মুই হবর্‌ পাং ইয়েন তঅ মনত্‌ রোইয়্যে,

ইয়োব 2:10

মাত্তর্‌ ইয়োবে তারে কলঅ, “তুই এক্কো বেদমা মিলে ধোক্ক্যেন্ কধা কোইয়োচ্‌। আমি গোজেন ইত্তুন্‌ কি বানা ভালেদি চেবং, অমংগল ন-চেবং?” ইয়েনি ঘুদি গেলেয়ো ইয়োবে তা কধালোই পাপ ন-গুরিলো।

যাত্রা 10:10

সেক্কে ফরৌণে তারারে কলঅ, “যুদি কনঅ দিন্অ মুই ঝি-পূয়োগুন সুমুত্তো তমারে যেবাত্তে দুয়োং সালে তমার্‌ সে লগেপ্রভুবোয়ো যেনে তমা সমারে থায়্‌। উজিয়ার্‌! তমা উদ্দেশ্যগান্ গম্‌ নয়।

গম্ উপদেজ্ 16:9

মান্‌‌জ্যে মনে মনে নিজো পথ্‌তান পৌইদ্যেনে সল্লা গরন, মাত্তর্ তা টেঙ পোইদ্যেবো লগেপ্রভু চালায়।

গম্ উপদেজ্ 19:21

মান্‌জ্য মনত্ বোউত্ সল্লা থায়, মাত্তর্ লগেপ্রভু যিয়েন ঠিগ্ গোজ্যে সিয়েনই অবঅ।

গম্ উপদেজ্ 21:30

কনঅ জ্ঞান, কনঅ বুদ্ধি বা কনঅ পরিকল্পনা লগেপ্রভুর বিরুদ্ধে যেই ন-পারে।

যিশাইয় 46:10

মুই শেজ্ কাল পৌইদ্যেনে আগে আগে কং আর যিয়েনি এজঅ ন-অয় সিয়েনি আগে জানাং। মুই কোইয়োংগে যে, মঅ উদ্দেশ্যগান থির্ থেবঅ; মর্ বেক আওজ্‌‌চান মুই পুরেম্।

যিরমিয় 23:32

ঘেচ্চেকগুরি মুই সেই ভাববাদীগুনো বিরুদ্ধে যিগুনে মিজে স্ববনর্ কধা কন। তারা সিয়েনি কন্ আর তারার বাড়্‌বো গোজ্যে মিজে কধালোই মঅ মানুচ্চুনোরে ভান্ন্যেই পধেদি নেযান। মাত্তর্ মুই তারারে ন-পাদাং বা উগুমঅ ন-দুয়োং। তারা এ মানুচ্চুনোরে এ শোস্যবিজিয়ো উপকার গুরি ন-পারন। মুই লগেপ্রভু এ কধাগান কঙর্।”

দানিয়েল 4:35

পিত্‌‌‌‌থিমীর বেক্ মানুচ্চুন তাইদু কিচ্চু নয়। তে স্বর্গদূত্তুনোরে আর পিত্‌‌‌‌থিমীর মানুচ্চুনোরে নিইনে তা আওজ্ মজিম কাম গরে। এমন কনজন নেই যে, তার আঢ্‌‌‌‌তানি থামেই দি পারে বা তারে কোই পারে, ‘তুই কি গরর্?’ ”

রোমীয় 9:15

“মর্ যিবেরে আওজ্ তারে দোয়্যে গুরিম, যিবেরে আওজ্ তারে মেয়্যে গুরিম।”

ইফিষীয় 1:11

গোজেনে তার্ বিচেরবুদ্ধি অনুসারে নিজোর্ আওজ্ মজিম বেক কামানি গরে। তার্ উদ্দেচ্চ্য অনুসারে তে আগে যিয়েনি ঠিগ্ গুরি থোইয়্যে সেই মজিম খ্রীষ্টর্ মাধ্যমে তার্ নিজো মানুচ্ অবাত্যে তে আমারে বেঈ লোইয়্যে।