আবিলেচ্ 3:26 - Chakma Bible

²⁶ লগেপ্রভু উদ্ধোর্ ন-গরানা সং জুরো গুরি বাজ্জেই থানাগান্ গম্।

আবিলেচ্ 3:26 Iomraidhean Croise

পত্থম 49:18

ও লগেপ্রভু, তুই উদ্ধোর্‌ গুরিবে মুই সিয়েন বাজ্জেই আগং।

২ বংশধর 20:17

এ যুদ্ধোগান্‌ তমাত্তুন্‌ গরা ন-পুরিবো। ও যিহূদা আর যিরূশালেম মানুচ্চুন্‌, তুমি সুর্‌ গুরিনে থিয়্যেইয়ো আর লগেপ্রভু তমারে কেধোক্ক্যেন গুরিনে উদ্ধোর্‌ গরে সিয়েন্‌ চেইয়ো। তুমি ন-দোরেয়ো, চিদে ন-গোজ্য। তুমি কেল্যে যেইনে তারাল্লোই মুয়োমি অবা আর লগেপ্রভু তমা লগে থেবঅ।’ ”

গীতসংহিতা 119:166

ও লগেপ্রভু, তুই মরে উদ্ধোর্ গুরিবে মুই সে আজায় আগং, আর তঅ উগুমানি পালাঙর্।

গীতসংহিতা 119:174

ও লগেপ্রভু, তুই মরে উদ্ধোর্ গুরিবে সেনত্তে মুই আওজ্ গুরি বাজ্জেই আগং; তর্ বেক উগুমানি মর্ হুজির কধা।

গীতসংহিতা 130:5

মুই লগেপ্রভুরে বাজ্জেই আগং, মঅ মনানে তারে বাজ্জেই আঘে। মুই তা কধা উগুরে আজা রাগেয়োং।

গীতসংহিতা 37:34

লগেপ্রভু উগুরে আজা রাগা, তা পধেন্দি আঢিচ্; তে তরে দাঙর্ গুরিবো যেনে তুই দেজর্ ভাগ্ পাজ্। পাজিগুনে ভস্ত অলে তুই সিয়েন দেগিবে।

গীতসংহিতা 37:7

লগেপ্রভুর মুজুঙোত্ শান্ত অ; ধৈর্য্য ধুরিনে তাত্তেই বাজ্জেই থাগঅ। নিজোর্ কামানি ফোলেবাত্তে যে মানুচ্চো তার্ পাজি সল্লাগান কামত্ লাগায়, সিয়েনত্তে তুই মনান্ যাগুলুগ্ ন-গুরিচ্।

গীতসংহিতা 52:9

তুই যিয়েন গোজ্যস্ সিয়েনত্তে জিংকানিবর্ মুই তর্ বাঈনী গুরিম; তুই মংগলময় বিলিনে তর্ ভক্তগুনোর্ মুজুঙোত্ মুই তরে বাজ্জেই থেম্।

গীতসংহিতা 54:6

মুই নিজোর আওজে তর্ নাঙে য়েমান উৎসর্ব গুরিম; ও লগেপ্রভু, মুই তর্ বাঈনী গুরিম, কিত্তেই তুই মংগলময়।

গীতসংহিতা 62:2

বানা তেয়ই মর্ অজল্ মুড়ো আর মর্ উদ্ধোর; তেয়ই মর্ ঘর, মুই পুরোপুরি গুরিনে উদিই ন-যেম্।

গীতসংহিতা 73:28

মাত্তর্ গোজেন সমারে থানা মত্তে মংগল; প্রভু লগেপ্রভুরে মুই মর্ আশ্রয়র জাগা বানেয়োং, যেন তার কামর কধানি মুই ফগদাং গুরি পারং।

গীতসংহিতা 92:1

ও লগেপ্রভু, দাঙর্ গোজেন, দশতারা আর হার্‌মোনি বাজেইনে আর বাশিলোই তরে ভালেদি জানানা, তর্ নাঙ্-গিনেদে গান গরানা, বেন্যেমাদান্ তর্ অমকদ কোচ্‌পানার কধা আর রেদোত্ তর বিশ্বেজর্ কধা ফগদাং গরানা কদক্ হুজির কধা!

যাত্রা 14:13

মোশি তারারে কলঅ‌, “ন-দোরেয়ো। তুমি যিয়োত্‌ আগঅ‌ সিয়োদোই‌ থাগঅ আর লগেপ্রভুর উদ্ধোর্‌ গুরিবার্‌ কামান্‌ একবার্‌ চঅ। তে এইচ্যে তমাত্যে সিয়েন্‌ গুরিবো। যে মিসরীয়গুনোরে এইচ্যে তুমি দেগর্‌ ইয়েনর্ পরেদি তারারে আর কনদিন্‌‌অ ন-দেগিবা।

যাত্রা 14:14

তুমি বানা অলর্‌ গুরি থাগঅ‌। লগেপ্রভুই তমার ওইনেই যুদ্ধো গুরিবো।”

যিশাইয় 30:15

প্রভু লগেপ্রভু, ইস্রায়েলর্ সেই পবিত্র মানুচ্চো এ কধাগান কোইয়্যে, “পাপত্তুন্ ফিরিনে শান্ত অলে তুমি উদ্ধোর্ পেবা, আর গমেডালে বিশ্বেজ্ গুরিলে বল্ পেবা।” মাত্তর্ তুমি সিয়েনত্ রাজি ন-অলা।

যিশাইয় 30:7

মিসরর্ এজালান বাজে বাবোত্যে, কনঅ কামর্ নয়; সেনত্তে মুই সেই জাদর্ নাঙানি রাগেয়োং রহব-হেম-শবৎ, অত্তাৎ যে বাঈনী গোজ্যে জাদ্ অলর্ গুরি বুয়োই থায়।

যিশাইয় 7:4

তারে এ কধাগান কঅ, ‘উজিয়ার্ অ, থির্ থাক্ আর ন-দোরেচ্। ধূমো উঠ্যে সেই দ্বিবে তক্তার্ শেজ্ ভাগ্‌কান দেগিনে, অত্তাৎ রৎসীন, অরাম আর রমলিয় পুয়োবোর দর্‌গরেপারা রাগ্‌‌‌‌‌‌‌‌‌কান দেগিনে মন্‌মরা ন-ওচ্।‌‌‌‌‌‌

যিরমিয় 14:22

জাদ্‌তুনোর বাজে মূত্তিগুনে কি ঝড় আনি পারন? আগাজ্‌চানে নিজে নিজে কি এক লেজা ঝড় দি পারে? ও আমার গোজেন লগেপ্রভু, বানা তুয়ই সিয়েন পারচ্। সেনত্তে তঅ উগুরে আমি আজা রাগেই, কিত্তে তুয়ই ইয়েনি গুরি থাচ্।‍‍‍‍‍‌‍‍‍‍‍‌

আবিলেচ্ 3:27

গাবুজ্য কালত্ জুঙোল্ বুয়োনা মানুচ্চুনোত্তে গম্।

হবক্‌‌‌‌কূক 2:3

কিত্যে এ দর্শনানর্ কধাগান পূরোণ অবার্ সময় এজঅ বাগী আঘে, মাত্তর্ সিয়েন যাদিমাদি উজেই এজের্ আর সে দর্শনান্ মিজে প্রমান্ ন-অবঅ। দিরি অলেয়ো সিয়েনত্তে বাজ্জেই থাগঅ; সিয়েন ঠিগ্ সময়োত্ হামাক্কায় পূরোণ অবঅ। তুই এ কধাগান লেগ্:

গালাতীয় 4:18

খালিক্ গম্ উদ্দেচ্চ্যত্যে আওজ্ থানা গম্। মুই যেক্কে তমা ইধু থাং বানা সেক্কে নয়, মাত্তর্ নিত্য আয়োজি থানা গম্।

ইব্রীয় 10:35

সেনত্যে তুমি সাহচ্‌ ন-আড়েইয়ো, কিয়া ইয়েনর পুরস্কারান ভারী মহৎ।

ইব্রীয় 3:14

কিয়া পত্তমে যে নিচ্চয়তাগান আমার এলঅ, যুনি আমি সিয়েনত থুম্ সং থির্ থেই সালে দেগা যেবঅ যে, আমি খ্রীষ্ট সমারে ভাগীদার্ ওইয়্যেই।

১ পিতর 1:13

ইয়েনত্যে তমা মনানিরে জাগেই তুলো আর নিজোরে দোঙেই রাগঅ। যীশু খ্রীষ্ট যেক্কে ফগদাং অবঅ সেক্কে তুমি যে বর্ পেবা সেই বরান্ পেবার ভর্‌পুনোং আজালোই বাজ্জ্যেই থাগঅ।