আবিলেচ্ 3:25 - Chakma Bible

²⁵ লগেপ্রভু উগুরে যিগুনে আজা রাগান আর তা উগুরে নির্ভর গরন্ তারারে তে ভালেদি গরে।

আবিলেচ্ 3:25 Iomraidhean Croise

পত্থম 49:18

ও লগেপ্রভু, তুই উদ্ধোর্‌ গুরিবে মুই সিয়েন বাজ্জেই আগং।

১ বংশধর 28:9

“আর তুই, মর্‌ পুয়োবো শলোমন, তুই তঅ বাপ্পো গোজেনরে মুজুঙোত্‌ রাগেইনে চলিবে আর তঅ মনান্‌ ঠিগ্‌ রাগেইনে আর মন আওজে তারে সেবা গুরিবে, কিত্তে লগেপ্রভু পত্তিজনর্‌ মনানি গমেডালে চায় আর চিদে গরানার্‌ পত্তিজন উদ্দেশ্যগানি বুঝে। তাহ্ আওজ্‌সানি জানিবাত্তে চেলে তুই সিয়েনি জানি পারিবে, মাত্তর্‌ যুনি তুই তারে ছাড়ি যাচ্‌ সালে তেয়ো তরে উমরত্তে এলাফেলা গুরিবো।

২ বংশধর 15:2

সেক্কে অসরিয় আসার লগে দেগা গুরিবাত্তে যেইনে কলঅ, “ও আসা, ও যিহূদা আর বিন্যামীনর বেক্‌ মানুচ্চুন্‌, মঅ কধাগান শুনো। তুমি যেদকদিন লগেপ্রভুর লগে থেবা সেদকদিন তেয়ো তমা লগে থেবঅ। তা আওজ্‌চান্‌ জানিবাত্তে চেলে তুমি সিয়েন্‌ জানি পারিবা, মাত্তর্‌ তারে যুনি ছাড়ি যঅ সালে তেয়ো তমারে ছাড়ি যেবঅ।

২ বংশধর 19:3

মাত্তর্‌ তঅ ভিদিরে কিজু গম্‌অ আঘে, কিত্তে তুই দেজর্‌ আশেরা-খুদোগুন্‌ ভস্ত গুরি দুয়োচ্ আর গোজেন আওজ্‌ মজিম্‌ চলিবাত্তে তঅ মনান্‌ ঠিগ্‌ গোজ্যস্‌।”

২ বংশধর 31:21

গোজেনর আওজ্ মজিম্‌ আদিবাত্তে গোজেনর্‌ ঘরর্‌ কামত্‌ আর রীদি-সুুদোম পালানা পৌইদ্যেনে তে যে কামানি গুরিদো সাৎ সিয়েনি বেক্কানি মন্‌ দিইনে গুরিলো, আর সেনত্তেই তে ফোলেল।

ইষ্রা 8:22

পধত্ আমা শত্রুগুনো আঢত্তুন্ আমারে রোক্ষ্যে গুরিবাত্তে রাজা ইধু সৈন্য আর ঘোড়া বাহিনী চেবাত্তে মুই লাজেলুং, কিত্যে আমি রাজারে কোইয়্যেদে, “যিগুনে গোজেনর্ আওজ্ মজিম চলন্ তারার্ পত্তিজন উগুরে তার্ ভালেদির্ আঢ্ আঘে, মাত্তর্ যিগুনে তারে ছাড়িনে যান্ তার্ রাগ্‌কান্ আর সাজাগান্ তারার্ বেক্কুনো উগুরে লামি এজে।”

গীতসংহিতা 105:3

তার পবিত্রতাগানর্ বাঈনী গরঅ; যিগুনে লগেপ্রভুরে গভিন্ গুরি জানিবাত্তে আওজি তারার মনানি হুজি ওক্।

গীতসংহিতা 119:2

বর্ পেইয়্যে সেই মানুচ্চুন, যিগুনে তা কধামজিম্ চলন্ আর মনযোগ দিইনে তার আওজ্ মজিম চলন্।

গীতসংহিতা 22:26

নম্র মানুচ্চুনোর্ হেইনে ঈল্ অবঅ; যিগুনে লগেপ্রভুর আওজ্ মজিম্ চলন্ তারা তার্ বাঈনী গুরিবাক্। তারা জিংকানিবর্ জেদা থেবাক্।

গীতসংহিতা 25:8

লগেপ্রভু মংগলময় আর গম্, সেনত্তেই তার্ পথ্‌তানি পৌইদ্যেনে তে পাপীগুনোরে শিক্ষ্যে দি থায়।

গীতসংহিতা 27:14

তুমি লগেপ্রভুর উগুরে আজা রাগেয়ো; মনবল্ আন আর বুগোত্ সাহস বান আর লগেপ্রভু উগুরে আজা রাগ।

গীতসংহিতা 27:8

মর্ মনানে তর্ এ কধাগান কত্তে, “তুমি মরে ডাগ।” ও লগেপ্রভু, সেনত্তেই মুই তরে ডাগিম।

গীতসংহিতা 37:34

লগেপ্রভু উগুরে আজা রাগা, তা পধেন্দি আঢিচ্; তে তরে দাঙর্ গুরিবো যেনে তুই দেজর্ ভাগ্ পাজ্। পাজিগুনে ভস্ত অলে তুই সিয়েন দেগিবে।

গীতসংহিতা 37:7

লগেপ্রভুর মুজুঙোত্ শান্ত অ; ধৈর্য্য ধুরিনে তাত্তেই বাজ্জেই থাগঅ। নিজোর্ কামানি ফোলেবাত্তে যে মানুচ্চো তার্ পাজি সল্লাগান কামত্ লাগায়, সিয়েনত্তে তুই মনান্ যাগুলুগ্ ন-গুরিচ্।

গীতসংহিতা 39:7

ও প্রভু, সালে মুই আর কি আজালোই থেম? মর্ বেক্ আজাগানি দঅ তইদু।

গীতসংহিতা 61:1

ও গোজেন, মর্ কানানিগান শুন; মর্ তবনাগান শুন।

গীতসংহিতা 61:5

ও গোজেন, মুই যে বেক্কানি মানত্ গোজ্যং সিয়েন দঅ তুই শুন্যচ্; তরে যিগুনে ভোক্তি গরন্ তারাত্তে যে অধিকারান তুই থির্ গোজ্যস্ সিয়েন তুই মরেয়ো দুয়োচ্।

গীতসংহিতা 69:32

সিয়েন দেগিনে নম্র মানুচ্চুনে হুজি অবাক্; তুমি যিগুনে গোজেনরে জানিবাত্তে আওজি, তুমি বাঁজি থাগ।

গীতসংহিতা 71:14

মাত্তর্ মুই নিত্য তঅ উগুরে ভরসা গুরিম, তর্ বাঈনী উগুরে বাঈনী গুরি গুরি থেম্।

যিশাইয় 25:9

সেদিন্যে মান্‌জ্যে কবাক্কে, “চঅ, ইবেয়ই আমা গোজেন; আমি তা আজায় এলং যেনে তে আমারে উদ্ধোর্ গরে। ইবেয়ই লগেপ্রভু; আমি তা আজায় এলং। এজঅ, আমি তা উদ্ধোর-কামত্তে ফুত্তি গুরিই আর হুজি ওই।”

যিশাইয় 26:9

রেদোত্ মঅ পরাণানে তত্তেই কানের্; মঅ আত্মাগানে তত্তেই ওলোমোত্য অয়। পিত্‌‌থিমীত তর্ ন্যায়বিচেরান্ এলে পরেদি সংসার মানুচ্চুনে গম্ শিক্ষ্যে পেবাক্।

যিশাইয় 30:18

তো লগেপ্রভু তমা উগুরে দোয়্যে গুরিবাত্তে বাজ্জেই আঘে; তমারে মেয়্যে গুরিবাত্তে তে যুক্কোল্ ওই আঘে। লগেপ্রভু ন্যায়বিচেরর্ গোজেন; যিগুনে তাত্তে বাজ্জেই আগন্ তারা বর্ পেইয়্যে।

যিশাইয় 40:31

মাত্তর্ যিগুনে লগেপ্রভু উগুরে আজা রাগান্ তারা নুয়ো গুরি বল্ পেবাক্। তারা ঈগল পেগো ধোক্ক্যেন্ ডুয়ো মিলিনে অজলত্ উড়িবাক্; তারা দাবা দিলে বল্‌পোজ্যে ন-অবাক্, তারা আঢিলে বল্‌‌‌‌পোজ্যে ন-অবাক্।

যিশাইয় 55:6

লগেপ্রভু কায়কুরে থাগদে তান্দি ফিরো; তে কায়কুরে থাগদে থাগদে তারে ডাগঅ।

যিশাইয় 64:4

সেই পুরোণি কালত্তুন্ ধুরি তুই বাদে আর কনঅ গোজেন কধা কনজনে কানেয়ো ন-শুনোন্ চোগেদিয়ো ন-দেগন, যিবে তার্ বাজ্জ্যে থেই পারেদে মানুচ্চুনোত্তে কাম্ গুরি থায়।

আবিলেচ্ 3:26

লগেপ্রভু উদ্ধোর্ ন-গরানা সং জুরো গুরি বাজ্জেই থানাগান্ গম্।

হোশেয় 10:12

তুমি নিজোত্তে ন্যায়র্ বীজি ফেলঅ, বিশ্বেজর্ ফল কাবঅ আর তমার্ চাজ্ ন-গোজ্যে মনান্ ভাঙ, কিত্যে লগেপ্রভু ইন্দি ফিরিবার সময় ওইয়্যে। যেক্কে তুই সিয়েন গুরিবে সেক্কে তে এইনে তমা উগুরে সততার্ ঝড় দিবো।

সফনিয় 3:8

“ও যিরূশালেম, তুই মত্তে বাজ্জেই থাগ্; যেদিন্যে মুই জাদ্‌‌‌‌তুনো বিরুদ্ধে সাক্ষি দিবাত্তে থিয়্যেম্ তুই সেদিন্নোত্তে বাজ্জেই থাগ্। মুই ঠিগ্ গোজ্যংগে, জাদ্‌তুনোরে মুই এগত্তর্ গুরিম, রেজ্যগানি এগত্তর্ গুরিম আর তারা উগুরে মর্ অমকদ অহুজিগান, মর্ জ্বোল্‌‌‌‌‌জোল্যে রাগ্‌‌‌‌‌কান ঢালি দিম। মর্ মনর্ জ্বালার্ আগুনে গোদা পিত্‌‌‌‌থিমীগান পুড়ি যেবঅ। গোটা জগৎতান্ পুড়ি যেবঅ।

১ থিষলনীকীয় 1:10

আর স্বর্গত্তুন তা পুয়োবো এযানা পৌইদ্যেনে বাজ্জেই থেই পারঅ। সেই পুয়োবো অলঅ যীশু, যিবেরে তে মরণত্তুন্ জেদা গুরি তুল্ল্যে। গোজেনর্ যে সাজাগান লামি এজের্ সেই সাজাত্তুন্ এই যীশু আমারে রোক্ষ্যে গুরিবো।

যাকোব 5:7

ইয়েনত্যে ভেইলগ্, যেদ্ক বিলোন সং প্রভু ন-এজে সেদ্ক বিলোন সং ধৈর্য্য ধুরিনে বেক্কানি সোজ্জ্য গরঅ। খেদর্ মংগা ফসলত্যে চাজ্ গুরিয়্যেবো কেধোক্ক্যেন গুরিনে বাজ্জেই থায় আর পত্তম আর শেজ্ বারিজেবোত্যে ধৈয্য ধরে, সিয়েন দেক্ক্য?