আবিলেচ্ 3:18 - Chakma Bible

¹⁸ সেনত্তে মুই কং, “মঅ বলান্ যেয়্যেগোই। লগেপ্রভুত্তুন্ মুই যিয়েনি আজা গোজ্যং সিয়েন্‌অ আর নেই।”

আবিলেচ্ 3:18 Iomraidhean Croise

ইয়োব 17:15

সালে মর্‌ আজাগান কুদু? আর মর্‌ আজাগানর পরিপুরোনান্‌ কন্না দেগিবো?

ইয়োব 6:11

বাজ্জেই থেবাত্তে মর্‌ কনঅ বল্‌ নেই, আজা গুরিবাত্যে মর্‌ এন্‌ কিজু নেইদে যে, মুই ধৈজ্য ধুরিনে থেম্‌।

গীতসংহিতা 116:11

মুই দোরেইনে কোইয়োং, “বেক মানুচ্চুন্ মিজে কধা কন্।”

গীতসংহিতা 31:22

মুই দোরেইনে কোইয়োঙে, “তঅ মুজুঙোত্তুন্ মুই ফারগ্ ওই যেইয়োং”; মাত্তর্ বল্ পেবাত্তে যেক্কেনে মুই তরে ডাক্কোং সেক্কেনে তুই মর্ কোজোলিগান শুন্যচ্।

যিহিষ্কেল 37:11

সে পরেদি তে মরে কলঅ, “ও মান্‌‌‌‌‌‌জ্যর পুয়োবো, এই আড়ুন্ অলাক্ গোদা ইস্রায়েল জাত্তো। তারা কদন্, আমা আড়ুন শুগেই যেইয়োন আর আমা আজায়ো যেয়্যেগোই; আমি মুরি যেইয়্যেই।

লূকে লেখ্যে গম্ হবর্ 11:10

যিগুনে চান্ তারা পত্তিজনে পান্; যে তগায় তে পায়; আর যে দোরোত্ বাজ্জেই তাত্তেই দোরান্ খুলো অয়।

১ শমূয়েল 27:1

দায়ূদে মনে মনে ভাবিলো, “এই শৌলর আঢদই মত্তুন্‌ একদিন মরা পুরিবো, সেনত্যেই পলেষ্টীয়গুনোর দেজত্‌ ধেই যানাগানই মর্‌ পক্ষেন্দি বেগত্তুন্‌ গম্‌ অবঅ। সালে ইস্রায়েল দেজ ভিদিরে তে আর মরে তোগেইনে ন-বেড়েব, আর মুইয়ো তার আঢত্তুন্‌ রোক্ষ্যে পেম্‌।”