আবিলেচ্ 3:15 - Chakma Bible

¹⁵ তিদেলোই তে মরে ভড়ন্ গোজ্য, বিষ্‌চোই মঅ পেট্‌তো ভোরেয়্যে।

আবিলেচ্ 3:15 Iomraidhean Croise

ইয়োব 9:18

তে মরে নিজেস্‌ নিবাত্তে ন-দে বরং তিদেলোই মঅ জিংকানিগান্‌ ভোরেই দে।

গীতসংহিতা 60:3

তঅ মানুচ্চুনোরে তুই দুঘোর দিন দেগেয়োচ্; তুই আমারে এমন্ আংগুরো-রস হাবেয়োচ্ যিয়েনত্তে আমি মাত্তল ধোক্ক্যেন আদির্।

গীতসংহিতা 88:4

যিগুনে মরণর জাগাত যেবাক্ তারাত্তুন্ মরে ধরা ওইয়্যে; বলিবন্দ ওনেয়ো যে বল্‌পোজ্যে ওইয়্যে মুই তা ধোক্ক্যেন্ ওইয়োং।

যিরমিয় 23:15

“সেনত্তে মুই বেগত্তুন্ খেমতাবলা লগেপ্রভুর ভাববাদীগুনো পৌইদ্যেনে কঙর্, মুই তারারে তিদে হানা আর বিষবলা পানি হাবেম, কিত্তে যিরূশালেমর ভাববাদীগুনো ইত্তুন গোজেন উগুরে ভোক্তিনেইয়্যে বেক্ দেজ্‌চান ছিদি যেইয়্যে‍‍‍‍‍‍‍।”

যিরমিয় 25:27

সে পরেদি লগেপ্রভু মরে কোইয়্যেদে, তারারে কঅ, ইস্রায়েলর্ গোজেন বেগত্তুন খেমতাবলা লগেপ্রভু কোইয়্যেদে, মুই তমা ভিদিরে যুদ্ধো পাদাঙর্; তুমি মর্ রাগর গলস্‌চত্তুন হঅ, মাত্তল্ অ, অগল, গোজ্যে পড় আর ন-উঠ্য‌‌।

যিরমিয় 4:18

তর্ আচার-বেবহার আর তর্ বেক্ কামানিত্তে ইয়েনি তঅ উগুরে এচ্চ্যে। ইয়েন তর্ পাজি কাম্ গরানার সাজা। ইয়েন অমকদ তিদে; ইয়েন তর্ মনানরে সেল্ মাজ্যে।”

যিরমিয় 9:14

সিয়েনর বদলে তারা তারার মনর্ একঘেয়েমি অনুসারে চলদন; তারার বাপ্‌পুনোর শিক্ষ্যে মজিম তারা বাল দেবেদার পিজেদি চলদন্।

যিরমিয় 9:15

সেনত্তে মুই ইস্রায়েলর গোজেন বেগত্তুন খেমতাবলা লগেপ্রভু এ কধাগান কঙর্, ‘চঅ, মুই এ মানুচ্চুনোরে তিদে হানা আর বিষবলা পানি হেবাত্তে বাধ্য গুরিম।

আবিলেচ্ 3:19

মর্ দুঘ্‌‌কান আর ঘুরি বেড়েবার কধানি ইদোত্ তুল্; তিদে আর বিষে ভরা জিংকানিগানর কধানি ইদোত্ তুল্।

রূত 1:20

নয়মী কলঅ‌, মরে নয়মী (যিয়েনর্ ভেদ্‌তান্ আজি-হুজি) বিলি আর ন-ডাক্কো, বরং মারা (যিয়েনর্ ভেদ্‌তান্ “তিদে”) নাঙে ডাগঅ, কিত্তেই দিন দুনিয়ের্‌ গিরোজ্‌ গোজেনে মর্‌ জীংকানিগানরে তিদে গুরি দিয়্যে।