আবিলেচ্ 2:22 - Chakma Bible

²² পরব দিনোত্ যেবাবোত্যে তুই মানুচ্চুনোরে এগত্তর্ গরচ্ সেবাবোত্যেগুরি মর্ চেরোকিত্তে তুই নানান্ বাবোত্যে অমকদ দর্ তুবেয়োচ্। লগেপ্রভুর রাগ দিনোত্ কনজনে রেহাই ন-পান্ বা বাঁজি ন-তান্; যিগুনোরে মুই পালেয়োং আর যত্তন্ গুরিদুং মর্ শত্রুগুনে তারারে ভস্ত গুরি দুয়োন্।

আবিলেচ্ 2:22 Iomraidhean Croise

২ বংশধর 36:17

তারার্‌ বিরুদ্ধে লগেপ্রভু বাবিলোর রাজারে লোই আনিলো। সে রাজাবো উবোসনা-ঘরত্‌ তারার্‌ গাবুজ্যেগুনোরে মারে ফেলেল আর গাবুজ্যে-গাবুরী, বুড়ো বা বয়স ওইয়্যে কাররে দোয়্যে-মেইয়্যে ন-দেগেল। গোজেনে তারারে বেক্কুনোরে সে রাজাবোর্‌ আঢত্ তুলি দিলো।

গীতসংহিতা 31:13

মঅ পৌইদ্যেনে ভালোক্ জনর ইংসে-নিন্দের কধা মঅ কানত্ এচ্ছ্যে, মর্ চেরোকিত্তে অমকদ দর্‍গরেপারা। তারা মঅ বিরুদ্ধে একসমারে সল্লা গত্তন্, মরে মারে ফেলেবাত্তে কুজুরোমি গত্তন্।

যিশাইয় 28:19

সিয়েন্ যেদকবার্ লামি এবঅ সেদকবার্ তমারে মারা অবঅ; বেন্যের্ পরেদি বেন্যে, দিনোত্ আর রেদোত্ সিয়েন জোরে লামি এবঅ। এ কধাগান বুঝি পারিলে তুমি অমকদ দোরেবা।”

যিরমিয় 11:11

সেনত্তে মুই লগেপ্রভু কঙর্, মুই তারা উগুরে এন্ দজা আনিম যিয়েনত্তুন্ তারা ধেই ন-পারিবাক্। যুনিয়ো তারা মঅ মুজুঙোত্ কানিবাক্ তো মুই তারা কধানি ন-শুনিম।

যিরমিয় 14:19

ও লগেপ্রভু, তুই কি যিহূদারে এক্কুবারে এলাফেলা গোজ্যস্? তুই কি সিয়োনরে ঈচ্ গোজ্যস্? তুই আমারে কিত্তে এদক্ ঘিনেয়োচ্? আমি গম্ ওই ন-পারির? আমি সুগ্-শান্দির আশা গোজ্যেই মাত্তর্ অমকদ দর্‌বুক এলঅ।‍‍‍‍‍‌

যিরমিয় 20:3

তার কেল্যে পশ্‌হূরে সেই বান্যেগানত্তুন্ যিরমিয়রে খুলি আনিলো। সেক্কে যিরমিয় তারে কলঅ, “লগেপ্রভুর দিয়্যে তঅ নাঙান পশ্‌হূর নয় বরং মাগোর-মিষাবীব (যিয়েনর্ ভেদ্‌তান্ ‘চেরোকিত্তে অমকদ দর্’),

যিরমিয় 21:7

সে পরেদি মুই ভানা, যুদ্ধো আর ভাদরাদর্ আঢত্তুন বাঁজি থেইয়্যে যিহূদার রাজা সিদিকিয়রে, তার রাজকর্মচারিগুনোরে আর এ শঅরর্ বেক মানুচ্চুনোরে বাবিলোর রাজা নবূখদ্‌নিৎসরর‌‌‌‌ আঢত্ আর যিগুনে তারারে মারে ফেলেবাত্তে চান সেই শত্রুগুনো আঢত্ তুলি দিম। নবূখদ্‌নিৎসরে তারারে মারে ফেলেব; তে তারার কনঅ মেয়্যে, দোয়্যে ন-দেগেব। মুই লগেপ্রভু এ কধাগান কঙর্।’ ”

যিরমিয় 44:7

ইক্কিনে মুই ইস্রায়েলর গোজেন বেগত্তুন্ খেমতাবলা লগেপ্রভু কঙর্, কিত্তে তুমি নিজোর্ এত্তমান সর্বনাশ গরর্? তুমি দঅ মরদ, মিলে, ঝি-পুয়ো আর চিগোন চিজিগুনোরে যিহূদাত্তুন্ নিগিলেই আনিনে নিজোরে আর তারার বেক্কুনোরে ভস্ত গুরি দুয়োর্।

যিরমিয় 46:5

মুই কিত্তে ইয়েনি দেগঙর্? তারা দোরেয়োন, তারা পিজেদি যেইয়োন, তারার যোদ্ধাগুন উদিই যেইয়োন। তারা পিজেদি ন-চেইনে যাদিমাদি ধেই যাদন, আর চেরোকিত্তে অমকদ দর্।

যিরমিয় 6:25

তুমি মাদত্ ন-যেয়ো বা পদথ্ ন-আত্য, কিত্তে শত্রুগুনো আঢত্ তলোয়ার আঘে আর চেরোকিত্তেদি রোইয়্যেদে অমকদ দর্।

দ্বি’লম্বর বিররণ 28:18

তুমি অভিশাব্ পেবা যিয়েনর্ কারনে তমার গিরিত্ ঝি-পূঅ, ক্ষেদত্‌ কম ফসল আর পালর গোরু, ছাগল আর ভেড়াগুনোর কম ছঅ অবাক্।