আবিলেচ্ 2:19 - Chakma Bible

¹⁹ উদ্, রেদোর্ বেন্যে পোত্যে কানি উদ্; লগেপ্রভুর মুজুঙোত্ পানি ধোক্ক্যেন গুরি ঢালি দে তঅ মনান্। তর্ ঝি-পুয়োগুনে যিগুনে পেট্‌পরায় পধে পধে অজ্ঞান ওইয়োন্, তারার্ জিংকানিগানি বাঁজেবাত্তে তা নাঙে তঅ আঢ্‌‌তান তুল।”

আবিলেচ্ 2:19 Iomraidhean Croise

ইয়োব 3:24

মঅ‌ বঅ‌নিজেচ্ছো মর্‌ হানা ওইয়্যে, আর মর্‌ গির্‌গিরেনিগান ‌পানি ধোক্ক্যেন্ ঢালি পোজ্যে।

গীতসংহিতা 119:55

ও লগেপ্রভু, মুই তর্ উগুমানি মানং, আর রেদোত্ তঅ কধানি ইদোত্ তুলোং। ইয়েনোই মর্ অভ্যেস্,

গীতসংহিতা 134:2

পবিত্র জাগায়ান ইন্দি আত্ তুলিনে তুমি লগেপ্রভুরে বাঈনী গরঅ।

গীতসংহিতা 141:2

মঅ তবনাগান্ যেন তুম্বাজ্ আগর্‌বাট্টি ধোক্ক্যেন্, মঅ আঢ্‌তান তুলোনা যেন সাজোন্যে উৎসর্ব ধোক্ক্যেন্ তঅ মুজুঙোত্ আজিল্ অন্।

গীতসংহিতা 142:2

মঅ দুঘোর্ কধানি মুই তা মুজুঙোত্ কঙর্, মঅ কষ্টর্ কধানি তা মুজুঙোত্ কঙর্।

গীতসংহিতা 142:3

যেক্কেনে মুই আজা নেইয়্যে অং সেক্কেনে তুয়ই মর্ জিংকানির পথ্‌তান পৌইদ্যেনে হবর্ পাজ্; মর্ যেবার পদথ্ মান্‌জ্যে মত্তে ভিদিরে ভিদিরে ফাল্ পাদি রাগেয়োন্।

গীতসংহিতা 28:2

বল্ পেবাত্তে মুই যেক্কেনে তরে ডাগঙর্ আর তর্ দাঙর্ সুদ্ধো-সাংগ জাগানর্ ইন্দি আত্ তুলোং, সেক্কেনে তুই মর্ কোজোলীগান শুনিচ্।

গীতসংহিতা 42:3

মঅ চোগোর পানিগানই মর্ দিনো-রেদোর খরাগ্ ওইয়্যে; আর ইন্দি মান্‌‌জ্যে মরে বানা কদন্, “কুদু গেলঅ তর্ গোজেনে?”

গীতসংহিতা 42:4

কানানিলোই মুই যেক্কেনে নিজোরে মনত্ তুলোং, সেক্কেনে মত্তুন্ মনত্ পড়ে কেধোক্ক্যেন্ গুরি ভালোক্কুন পরব্ পালেয়্যে গুনোরে নিইনে মুই হুজির আর ভালেদির্ রঅ ছাড়দে ছাড়দে মিছিল গুরিনে গোজেনর ঘরত্ যেদুং।

গীতসংহিতা 42:8

দিনোত্ লগেপ্রভু তার অমকদ কোচ্‌‌পানাগান্ মঅ উগুরে ঢালি দে; আর রেদোত্ মর্ জীংকানিগান গোজেনর ইদু মর্ তবনা আর তার বাঈনী-গান মর্ সমাজ্যে অয়।

গীতসংহিতা 62:8

ও মর্ মানুচ্চুন, গোজেনে আমা আশ্রয়; তুমি নিত্য তা উগুরে নির্ভর গর, তাইদু তমার মনান্ ঢালি দুয়ো।

গীতসংহিতা 63:4

মুই জিংকানিবর্ তরে নাঙ্ গিনিম; তর্ নাঙে মুই আত্ তুলিনে তবনা গুরিম।

যিশাইয় 26:9

রেদোত্ মঅ পরাণানে তত্তেই কানের্; মঅ আত্মাগানে তত্তেই ওলোমোত্য অয়। পিত্‌‌থিমীত তর্ ন্যায়বিচেরান্ এলে পরেদি সংসার মানুচ্চুনে গম্ শিক্ষ্যে পেবাক্।

যিশাইয় 51:20

তঅ পুয়োগুনে অজ্ঞান ওই যেইয়োন্; তারা জালত্ পোজ্যে উরিঙো ধোক্ক্যেন পত্তি পধ মাদাথ্ পড়ি থান্। তারা উগুরে লগেপ্রভুর রাগ্‌কান, তর্ গোজেনর সাজাগান ভর্‌‍পুনোং গুরি লামি এচ্চ্যে।‍

যিরমিয় 14:18

মুই নিগিলিনে মাদত্ গেলে মরা মানুচ্চুনোরে দেগং; আর শঅরত্ গেলে দেগং ভাদরাদর্ কারনে ভস্ত। ভাববাদী আর ধর্মগুরুগুনে এমন দেজত্ ঘুরি বেড়াদন যিগুনো পৌইদ্যেনে তারা কিচ্চু হবর্ ন-পান।’ ”

যিরমিয় 9:20

ইক্কিনে ও মিলেগুন, লগেপ্রভুর কধাগান শুনো; তা মুয়ো কধাগান শুনিবাত্তে তুমি কান্ পাদি থাগঅ। কিবাবোত্যেগুরি আবিলেচ্ গরা পরে সিয়েন যার্ যার্ ঝিগুনোরে শিক্ষ্যে দুয়ো, আর আবিলেচর্ গান গেবাত্তে অন্যগুনোরে শিক্ষ্যে দুয়ো।

যিহিষ্কেল 5:10

সিয়েনর ফলে তঅ ভিদিরে বাব্‌পুনে তারার্ পুয়ো-ঝিগুনোর য়েরানি হেবাক্ আর পুয়ো-ঝিগুনে তারার্ বাব্‌পুনোর্ য়েরানি হেবাক্। মুই তরে সাজা দিম্ আর তর্ বাঁজি থেইয়্যে মানুচ্চুনোরে চেরোকিত্তে ছিদি দিম্।

যিহিষ্কেল 5:16

তরে ভস্ত গুরিবাত্তে মুই তঅ উগুরে মর্ ভাদরাদর্ দর্‌‌‌গরেপারা সেল্‌‌‌লো মারিম। মুই তঅ উগুরে সেই ভাদরাদ্ আরঅ বাড়েই দিম্ আর তর্ হানার যুগেই দেনাগান বন্ধ গুরি দিম্।

মীখা 1:16

যে পুয়ো-ছাগুনোরে নিইনে তুমি হুজি অদা তারাত্তে আবিলেচ্ গুরিবাত্তে যেইনে তমা মাঢাগুন মুড়েই ফেলঅ; শকুনো মাঢা ধোক্ক্যেন তুমি মাঢাগুন টাক্ গুরি ফেলঅ, কিত্যে তারা বন্দী ওইনে তমাত্তুন্ দূরোত্ যেবাক্।

নহূম 3:10

তো তা মানুচ্চুনোরে বন্দী গুরিনে অন্য দেজত্ নেযা ওইয়্যে। পত্তি পধ মুয়োত্ তা চিগোন্ গুড়োগুনোরে আজার্ মাড়া ওইয়্যে। তার্ মুরুব্বীগুনোত্তে চাম্বা চেইনে তারারে চিগোল্লোই বানি নেযা ওইয়্যে।

মথি লেখ্যে গম্ হবর্ 14:25

শেজ্ রেদোত্ যীশু সাগর উগুরেদি আঢিনে শিচ্চ্যগুনো ইধু এজের্।

মার্ক 1:35

তার কেল্যে বেন্যেপোত্যে আন্ধার্ থাগদে যীশু উদিলো আর ঘরত্তুন্ নিগিলিনে এক্কান্ নিরিবিলি জাগাত্ যেইনে তবনা গরা ধুরিলো।

মার্ক 13:35

“তুমি সজাগ্ থাগঅ, কিয়া ঘর গিরোজ্‌‌সো কন্ সময়োত্ এবঅ তুমি হবর্ ন-পঅ-সিবে সাজোন্যে ওই পারে বা রেত্ সম্মাগত্ ওই পারে বা বেন্যে পোত্যেয়ো ওই পারে।

লূকে লেখ্যে গম্ হবর্ 6:12

ইয়েনর্ পরেদি যীশু তবনা গুরিবাত্তে এক্কো মুড়োত্ গেলঅ আর গোদা রেত্তো গোজেন ইধু তবনা গুরিনে কাদেল।

১ তীমথিয় 2:8

মুই চাং যেন বেক্‌ জাগানিত্ মরদ্‌তুনে রাগ বা কোজ্জ্যের্ মনভাব ন-রাগেইনে সাব্ মনে দ্বিয়েন আঢ্ তুলিনে তবনা গরন্।

বিচের গুরিয়্যেগুন 7:19

রেত্‌সম্বাগত্‌ চুগি দিবার আরাম্ভত্‌ যেক্কে মিদিয়নীয়গুনে চুগিদার বদলাদন্‌ ঠিগ্‌ সিয়েনর পরেন্দি গিদিয়োন আর তা লগে একশঅ জন মানুচ্‌ তাম্বুলানর ইদু যেইনে লুমিলাক্‌। তারা তারার শিংগাগুন বাজেইনে আঢত্‌ রাগেইয়্যে কুমুন্‌ ভাঙি ফেলেলাক্‌।

১ শমূয়েল 1:15

জোবত্‌ হান্না তারে কলদে, “ও মর্‌ প্রভু, সিয়েন নয়। মুই অমহদ দুঃখী; মুই আংগুর-রসও ন-খাং, মদঅ ন-খাং। মুই লগেপ্রভুর মুজুঙোত্‌ মর্‌ মনান্‌ ঢালি দুয়ঙর্‌।

১ শমূয়েল 7:6

সেক্কে তারা বেক্কুনে মিস্পাদত্‌ এগত্তর্‌ অলাক। তারা পানি তুলিনে লগেপ্রভুর মুজুঙোত্‌ ঢালি দিইনে সেদিন্যে সিয়েনত্‌ উবোস থেলাক্ আর কলাক্কে, “আমি লগেপ্রভুর বিরুদ্ধে পাপ গোজ্যেই।” শমূয়েলে মিস্পাতত্তুন্‌ ইস্রায়েলীয়গুনোরে শাজন্ গুরিদো।