আবিলেচ্ 2:18 - Chakma Bible

¹⁸ তঅ মানুচ্চুনোর মনানি লগেপ্রভু ইধু কানি কানি কোইয়্যেদে, “ও সিয়োন-ঝিবোর্ দেবালান, তর্ চোগো পানিগান দিনে-রেদে গাঙ ধোক্ক্যেন বেঈ যোক্; তর্ নিজোরে শান্তি পেবাত্তে ন-দিচ্, চোগ্‌‌কুনোরেয়ো জিরেবাত্তে ন-দিচ্।

আবিলেচ্ 2:18 Iomraidhean Croise

গীতসংহিতা 119:136

মঅ চোগো পানিগান গঙার ধোক্ক্যেন বেঈ যার্, কিত্তে মান্‌জ্যে তঅ উগুমান ন-মানন্।

গীতসংহিতা 119:145

মনেদি মুই তরে ডাগঙর্; ও লগেপ্রভু, মরে জোব্ দে। মুই তর্ বেক সুদোমানি পালেম্।

যিরমিয় 13:17

তুমি যুনি কধা ন-শুনো সালে তমা বাড়্‌বোগানত্তে মুই গুমুরে গুমুরে কানিম্, জদবদে কানিম্ আর মঅ চোগ্‌কুন চোগো পানিয়ে ভাজি যেবাক্, কিত্তে লগেপ্রভুর মানুচ্চুনোরে বন্দী গুরি নেযা অবঅ।‌‍‍‍

যিরমিয় 14:17

“তুই মানুচ্চুনো ইধু এ কধাগান কঅ, ‘মঅ চোগো পানি ন-থামেইনে দিন-রেদ মঅ চোগ্‌‍‍‍‍কুনোত্তুন উগুরি পোড়োক্, কিত্তে মঅ জাদর্ মানুচ্চুনে অমকদ আঘাত্, চুরমার-গোজ্যে আঘাত্ পেইয়োন।‍

যিরমিয় 4:31

এক্কো মিলের্ পুয়ো পুদেবার পীড়েগান কানানা ধোক্ক্যেন, পোইল্যা পুয়োবো পুদোনার পীড়েগান কানানা ধোক্ক্যেন সিয়োন-ঝিবোর কানানিগান মুই শুন্যং। তে নিজেস্ টানিবাত্তে ফবার্ আর আঢ্ বাবেইনে কত্তে, “হায়! মুই অজ্ঞ্যেন ওই যাঙর্, খুনীগুনে মরে শেজ্ গুরি ফেলাদন্।”

যিরমিয় 9:1

হায়, মঅ মাঢাবো যুনি পানির ঝুর্‌ঝুরি অদঅ, আর মঅ চোগ্‌কো অদঅ পানির পয়নালা! সালে মঅ জাদর্ যে মানুচ্চুনোরে মারে ফেলা ওইয়্যে তারাত্তে মুই দিনে রেদে কানিদুং।‌‌‌

আবিলেচ্ 1:16

সেনত্তে মুই কানঙর্, মঅ চোগ্‌কুন পানিয়ে ভাযি যার্। মরে বুঝেবাত্তে মইদু কনজন নেই, কনজন নেই যে মঅ পরাণান জুড়েই দে। মঅ ঝি-পুয়োগুনে গায় গায় ওই যেইয়োন, কিত্তে শত্রুগুনে জিদি যেইয়োন।”

আবিলেচ্ 1:2

তে রেদোত্ অমকদ কানে, চোগো পানিয়ে তা গালান্ ভিজি যায়। তা লাঙেগুনোত্তুন্ তারে বুঝেবার একজন্‌অ নেই। তা সমাজ্যেগুন বেক্কুনে তা উগুরে কুজুরোমি গোজ্যন্; তারা বেক্কুনে তার শত্রু ওইয়োন্।

আবিলেচ্ 2:8

সিয়োন-ঝিবোর্ চেরোকিত্তে দেবালানি ভাঙি ফেলেবার লগেপ্রভু থির্ গোজ্যে। তে মাবেদে দুড়িলোই মাপ্যে আর ভস্ত গুরিবার কামত্ নিজো আঢ্‌তানিরে থামেই ন-রাগায়। তে সিয়োনর তাম্বুল আর দেবালানিরে আবিলেচ্ গুরিবাত্যে দিয়্যে; সিয়েনি এক সমারে বল্‌পোজ্যে ওইয়্যে।

হোশেয় 7:14

তারা বিচ্ছোন উগুরে তারা আবিলেচ্ হান্, মাত্তর্ তারা মনে-পরাণে মইদু ন-কানন্। শোজ্য আর নূয়ো আংগুর-রস পেবাত্তে তারা এগত্তর্ অন্ আর মঅ বিরুদ্ধে উল্লোমী গরন্।

হবক্‌‌‌‌কূক 2:11

তঅ ঘরর্ দেবাল শীলুনে তঅ বিরুদ্ধে আবিত্তি জানেবাক্ আর ঘরর্ খুদোগুনে সেই কধানর্ সমত্তন্ দিবাক্।