আবিলেচ্ 2:17 - Chakma Bible

¹⁷ লগেপ্রভু তা পরিকল্পনা মজিম্ কাম গোজ্যে; যে কধানি তে বোউত্ আগেদি কোইয়্যে সে কধানি পূরোণ গোজ্যে। তে মেয়্যে ন-গুরিনে তরে মেলা মারি দিয়্যে; শত্রুরে তঅ বিরুদ্ধে তে ফুত্তি গুরিবাত্তে দিয়্যে, তর্ বিপক্কগুনোর্ বলানি বাড়েই দিয়্যে।

আবিলেচ্ 2:17 Iomraidhean Croise

১ রাজাবলী 9:7

মাত্তর্‌ ইস্রায়েলীয়গুনোরে যে দেজ্‌ছান মুই দুয়োং সিয়োত্তুন্‌ মুই তারারে ধাবেই দিম্‌। যে তবনা-ঘরান মুই মর্‌ থেবারঘর্‌ ইজেবে যুদো গোজ্যং সিয়েন্অ মঅ চোগো মুজুঙেত্তুন্‌ দূর্‌ গুরি দিম। সেক্কে ইস্রায়েলানে অন্য বেক্‌ জাত্তুনোর্‌ ইদু ঈচ্‌গোজ্যা আর চোগোছাল্ অবঅ।

গীতসংহিতা 35:24

ও লগেপ্রভু, মর্ গোজেন, তর্ ন্যায়লোই মরে বিচের্ গর্; মরে তারার্ ঘিনাইদে ধোক্ক্যেন্ অবাত্তে ন-দিচ্।

গীতসংহিতা 35:26

মর্ দজা দেগিনে যিগুনে হুজি অন্ তারা বেক্কুনে লাজত্ পোড়োদোক্ আর অগমান ওদোক্; যিগুনে মঅ উগুরে নিজোরে তুলি ধরন্ তারা লাজত্ আর অগমানত্ পোড়োদোক্।

গীতসংহিতা 38:16

কিত্যে মুই কোইয়োং, যেক্কেনে মঅ টেঙান্ বিজিদি যেবঅ সেক্কেনে সিয়েন্দোই তুই তারারে ফুত্তি গুরিবাত্তে ন-দিচ্, মঅ বিরুদ্ধে বড়াই গুরিবাত্তে ন-দিচ্।

গীতসংহিতা 89:42

তুই তার বিপক্কগুনোরে বোলী বানেয়োচ্; তার শত্রুগুনোরে হুজি গোজ্যস্।

গীতসংহিতা 89:43

তুই তার তলোয়ারান্ অকেজো গুরি দুয়োচ্; তুই যুদ্ধোত্ তারে টিগিবাত্যে ন-দুয়োচ্।

যিশাইয় 14:29

ও পলেষ্টীয়া, যে লুদিক্কো তরে আঘাত্ গুরিদো সিবে ভাঙি যেইয়্যে বিলি তুমি কনজনে ফুত্তি ন-গোজ্য। সাপ গাদত্তুন্ নিগিলি এবঅ কেউটে সাপ, আর সেই সাপ্পোত্তুন্ নিগিলি এবঅ উড়্‌বো বিষবলা সাপ।

যিরমিয় 18:11

“সেনত্তে ইক্কিনে তুই যিহূদার মানুচ্চুনোরে আর যিরূশালেমর আদাম্মেগুনোরে কঅ, লগেপ্রভু কোইয়্যেদে, ‘চঅ, মুই তমাত্তে দজা আনিবার বেবস্থা গোজ্যং আর তমা বিরুদ্ধে এক্কান পরিকল্পনা গোজ্যং। সেনত্তে তুমি বেক্কুনে তমা ভান্ন্যেই পধত্তুন ফিরো আর তমার আদাউদো আর কামানি গম্ গর।’

যিরমিয় 4:28

পিথ্‌‌‍তিমীগানে আবিলেচ্ গুরিবো আর আগাজ্‌চান আন্দার্ ওই যেবঅ, কিত্তে মুই সে কধাগান কঙর্। মুয়ই ইয়েন থির্ গোজ্যং; সিয়েনত্তুন ন-ফিরিম, সিয়েন গুরিম্‌বে গুরিম।”‌‍‍‍‍‍

যিরমিয় 40:3

লগেপ্রভু সিয়েন ঘোদেইয়্যে, যেবাবোত্যে কোইয়্যে, সেবাবোত্যে গোজ্যে। তুমি লগেপ্রভুর বিরুদ্ধে পাপ গোজ্য আর তা কধার অবাধ্য ওইয়ো।

আবিলেচ্ 1:5

তার বিপক্ষগুনে তার গিরোজ্ ওইয়োন; তার শত্রুগুনে আরামে আগন্। তার ভালোক্কানি পাপত্তে লগেপ্রভু তারে দুঘ্ দিয়্যে। তার চিগোন চিগোন ঝি-পুয়োগুনে বন্দী ওইনে শত্রুগুনোর আগে আগে যেইয়োন্।

আবিলেচ্ 2:8

সিয়োন-ঝিবোর্ চেরোকিত্তে দেবালানি ভাঙি ফেলেবার লগেপ্রভু থির্ গোজ্যে। তে মাবেদে দুড়িলোই মাপ্যে আর ভস্ত গুরিবার কামত্ নিজো আঢ্‌তানিরে থামেই ন-রাগায়। তে সিয়োনর তাম্বুল আর দেবালানিরে আবিলেচ্ গুরিবাত্যে দিয়্যে; সিয়েনি এক সমারে বল্‌পোজ্যে ওইয়্যে।

আবিলেচ্ 3:43

তুই রাগ্‌‌কোই নিজোরে ঢাগিনেই আমারে লোড়েয়োচ্; মেয়্যে ন-গুরিনে তুই মারে ফেল্যচ্।

আবিলেচ্ 4:11

লগেপ্রভু তার্ অমকদ অহুজিগানরে পুরোপুরি নিগিলেয়্যে; তার্ অমকদ রাগ্‌কান তে ঢালি দিয়্যে। তে সিয়োনত্ আগুন জ্বালেয়্যে; সেক্কে তার্ খুদোগুন সং জ্বালেই দিয়্যে;

যিহিষ্কেল 5:11

সেনত্তে মুই প্রভু লগেপ্রভু মঅ জিংকানিগান নাঙে কঙর্, তর্ বেক বাজে মূত্তি আর জঘন্য কামানিলোই তুই মঅ ঘরান অসিজি গোজ্যস্ বিলিনে মুই নিজে মঅ দোয়্যেগান সোরেই নেযেম্; মুই তঅ উগুরে মেয়্যে গুরি রিনি ন-চেম্ বা তরে রেহাই ন-দিম্।

যিহিষ্কেল 8:18

সেনত্তে মুই রাগে জুলি উদিনে তারা সমারে ইয়েনি বেবহার গুরিম; মুই তারারে মেয়্যেলি চোগেদি রিনি ন-চেম্ বা তারারে রেহাই ন-দিম্। তারা মঅ কান্‌‌জাবা কুরে রঅ ছাড়িলেয়ো মুই তারা কধা ন-শুনিম।”

যিহিষ্কেল 9:10

সেনত্তে মুই তারারে মেয়্যেলী চোগেদিয়ো ন-চেম্, রেহাইঅ ন-দিম; তারা যিয়েনি গোজ্যন্ সিয়েনর ফল মুই তারা উগুরে ঢালি দিম্।”

দানিয়েল 9:12

আমার আর আমার শাজন্‌গুরিয়্যেগুনোর্ বিরুদ্ধে তুই যে কধানি কোইয়োচ্ সিয়েনি পূরোণ গুরিবাত্তে তুই আমা উগুরে দাঙর্ দযা আন্যচ্। যিরূশালেম উগুরে যিয়েনি গরা ওইয়্যে গোদা পিত্‌‌‌থিমীত্ আর কনজাগাত্ সেবাবোত্যে গরা ন-অয়।

মীখা 2:3

সেনত্তে লগেপ্রভু কত্তে, “তমা বিরুদ্ধে মুই অমংগলর পরিকল্পনা গোজ্যং যিয়েনত্তুন্ তুমি নিজোরে রোক্ষ্যে গুরি ন-পারিবা। তুমি আর বাড়্‌বো গুরিনে ন-চলিবা, কিত্যে সময়ান অবঅ দযার্।

সফনিয় 1:2

লগেপ্রভু কোইয়্যেদে, মুই পিত্‌থিমীর বুগোত্তুন্ বেক্কানি শেজ্ গুরি দিম‌‌‌।

সখরিয় 1:6

মাত্তর্ মুই মর্ চাগরুনোরে, অত্তাৎ ভাববাদীগুনোরে যেদক্কানি উগুম দুয়োং, মর্ সেই বেক্ কধানি আর সুদোম্ মজিম কি তমা পূরোণি মানুচ্চুনে সাজা ন-পান্? সেক্কে তারা মনানি ফিরেইনে কোইয়োন্দে যে, বেগত্তুন খেমতাবলা লগেপ্রভু তারার্ আচার-বেবহার আর অভ্যেস্ মজিম তারা উগুরে যিয়েনি গুরিবো বিলি ঠিগ্ গোজ্যে তে সিয়েনই গোজ্যে।’ ”