আবিলেচ্ 2:16 - Chakma Bible

¹⁶ তর্ বেক শত্রুগুনে তঅ বিরুদ্ধে মুয়োনি দাঙর্ গুরি আহ্ গোজ্যন্; তারা ঠাট্টা-মশ্‌‌‌কারি গুরিনে দাদ্ কামেড়েনে কন্, “তারে আমি গিলি ফেল্যেই। এ দিন্নোত্তে আমি বাজ্জেই রোইয়্যেই আর সিবে দেগিলোং।”

আবিলেচ্ 2:16 Iomraidhean Croise

গীতসংহিতা 109:2

পাজি ছলনাগোজ্যে মানুচ্চুনে মঅ বিরুদ্ধে মু খুল্যন্; তারার মিজেকধা কোইয়্যে জিলানিলোই তারা মঅ বিরুদ্ধে কধা কোইয়োন্।

গীতসংহিতা 112:10

পাজি মানুচ্চুনে সিয়েনি দেগিনে লবাদোস্যে পেবাক্; তে দাত্ কামেরেব আর শেজ্ ওই যেবঅ। পাজিগুনোর আজা-ভরশা ন-ফলিবো।

গীতসংহিতা 124:3

সালে সিগুনে আমা বিরুদ্ধে রাগে ফুলি উদিদাক্ আমারে জেদাবাদে গিলিদাক্,

গীতসংহিতা 22:13

শিগের্ তোগেবাত্তে সিংহগুনে যেধোক্ক্যেন্ গুজুরোন্, সেধোক্ক্যেন্ গুরি তারা মঅ বিরুদ্ধে মুয়োন্ আহ্ গোজ্যন্।

গীতসংহিতা 35:16

উৎসবর সময়োত্ গোজেন উগুরে ভোক্তিনেইয়্যে ঠাট্টাগুরিয়্যেগুনো ধোক্ক্যেন্ মর্ বিরুদ্ধে তারা দাত্ কামারা কামারি গরা ধুরিলাক্।

গীতসংহিতা 35:21

মর্ বিরুদ্ধে তারা মুয়োন ভেঙেইনে কোইয়োন, “অয়, অয়, আমি নিজো চোগেদি দেখ্যেই।”

গীতসংহিতা 35:25

মনে মনে তারারে কবাত্তে ন-দিচ্, “গম ওইয়্যে! যিয়েন মুই চেইয়োং সিয়েনোই ওইয়্যে।” তারারে কবাত্তে ন-দিচ্, “আমি তারে শেজ্ গুরি দিয়্যেই।”

গীতসংহিতা 37:12

গোজেন ভক্তগুনো বিরুদ্ধে পাজিগুনে সল্লা গুরিবাক্ আর তারার বিরুদ্ধে দাত্ কামেরেবাক্।

গীতসংহিতা 41:8

তারা কন্দে, “তা উগুরে দর্‌গরেপারা ভান্ন্যেই কিজু ওই্য়্যে, যিয়েনত্ তে পড়ি আঘে সিয়েনত্তুন তে আর্ ন-উদিবো।”

গীতসংহিতা 56:2

মর্ শত্রুগুনে নিত্য মরে লড়াদন্; কয়েকজনে বার্‌বো গুরিনে মঅ সমারে যুদ্ধো গত্তন্।

গীতসংহিতা 57:3

স্বর্গত্তুন তার বলান্ লামি এবঅ; যিগুনে মরে লড়ান্ তারার দুজ্‌ছানির কধা কবাত্তে তে ন-ছাড়িবো। গোজেনর ইত্তুন তার অমকদ কোচ্‌পানা আরি বিশ্বেজ্‌ছান লামি এবঅ।

যিশাইয় 49:19

“যদিয়ো তুই ভস্ত ওইয়োচ্ আর এনেবাদে পড়ি আগচ্ আর তঅ দেজ্‌‍‌চান পুজ্যে ভুইয়ো ধোক্ক্যেন আঘে তো সময় এজের্ যেক্কে তুই তঅ মানুচ্চুনোরে জাগা দি পারিবে, আর যিগুনে তরে গিলি ফেল্যন্ তারা দূর্ ওই যেবাক্।

যিরমিয় 26:6

তুমি যুনি এবাবোত্যেগুরি থাগঅ সালেন্ মুই এ ঘরানরে শীলো ধোক্ক্যেন গুরিম আর এমন গুরিম যেনে পিত্‌থিমীর বেক জাদ্‌‌‌‌‌‌‌‌তুনে এ শঅর নাঙান্দোই অভিশাব্ দুয়োন‌‌‌‌‌।’ ”

যিরমিয় 29:18

মুই যুদ্ধো, ভাদরাত্ আর ভানালোই তারা পিজেদি লোড়েম্ আর পিত্‌থিমীর বেক্ রেজ্যগানি ইধু তারারে দর্‌‍‌‍‍গরেপারা মান্‌‍জ্য ধোক্ক্যেন গুরিম। যিদুক্কুন জাদ ভিদিরে মুই তারারে ধাবেই দিম্ তারা ইধু তারারে গুরিম ঠাট্টা-মশকারি আর ঈচ্ গরেদে মান্‌‍জ্য ধোক্ক্যেন। তারার অবস্থা দেগিনে মানুচ্চুনে আমক্ অবাক্ আর তারার নাঙানি অভিশাব ইজেবে বেবহার গুরিবাক্।

যিরমিয় 50:17

ইস্রায়েল যেনে এক্কান ছিদি পোজ্যে ভেড়া পাল যিগুনোরে সিংহগুনে লোড়েই দুয়োন্। পত্তমে আসিরিয়ার রাজা তারে আক্রমণ গোজ্যে; যেরেদি বাবিল রাজা নবূখদ্‌নিৎসরে তা আড়ুন্ গুড়ি গুরি দিয়্যে।

যিরমিয় 50:7

যিগুনে তারারে পেইয়োন তারা তারারে আক্রমণ গোজ্যন্; তারার শত্রুগুনে কোইয়োন, আমি দুষি নয়, কিত্যে লগেপ্রভুর বিরুদ্ধে, তারার ঘেচ্চ্যেক্‌গুরি চোড়েয়্যে ভূইয়ানর বিরুদ্ধে, তারার পূরোণি মানুচ্চুনোর আজা সেই লগেপ্রভুর বিরুদ্ধে তারা পাপ গোজ্যন্।

যিরমিয় 51:34

যিরূশালেমর মানুচ্চুনে কদন্, “বাবিল রাজা নবূখদ্‌নিৎসরে আমারে গিলি ফেল্যে, আমারে চুরমার গোজ্যে, আমারে সুদো কুমো ধোক্ক্যেন গোজ্যে। দানব ধোক্ক্যেন্ তে আমারে গিলি ফেল্যে আর আমারে গম্ গম্ হানা দিইনে তা পেট্‌‌‌‌তো ভোরেয়্যে, আর সে পরেদি আমারে এঁটোকাঁটা ধোক্ক্যেন দূর্ গুরি দিয়্যে।”

আবিলেচ্ 1:21

মান্‌জ্যে মর্ ভঅ নিজেস্‌চো শুন্যন্, মাত্তর্ মরে বুঝেবার কনজন নেই। বেক্ শত্রুগুনে মঅ দুঘো কধানি শুন্যন্; তুই যিয়েন গোজ্যস্ সিয়েন দেগিনে তারা ফুত্তি গরদন্। যে দিন্নোর্ কধা তুই ফগদাং গোজ্যস্ সেই দিন্নো আন্ যেনে তারা মঅ ধোক্ক্যেন ওই পারন্।

আবিলেচ্ 3:46

আমা বেক্ শত্রুগুনে আমা বিরুদ্ধে মুয়োন দাঙর্ গুরিনে আ গোজ্যেন্।

যিহিষ্কেল 23:32

“মুই প্রভু লগেপ্রভু কঙর্, তর্ বোন গলস্‌চোত্ তুই হেবে; গলস্‌চো দাঙর্ আর গভিন্। সিয়োত্ বেশ্ ধরে বিলিনে সিয়োত্তুন হেইনে তুই ঈচ্ গরা আর ঠাট্টা গরা হেইয়্যে মান্‌জ্য ধোক্ক্যেন অবে।‌

যিহিষ্কেল 25:15

পরেদি প্রভু লগেপ্রভু কলঅ, “পলেষ্টীয়গুনে ইংসের মনভাব্‌পোই যিহূদা উগুরে হেনা সুজ্‌‌‌‌‌‌‌চ্যন্; তারা পুরোনা শত্রুতার মনভাবপোই যিহূদারে ভস্ত গুরিবাত্তে চেইয়োন।

যিহিষ্কেল 25:3

প্রভু লগেপ্রভুর এ কধাগান তারারে শুনিবাত্তে কঅ, ‘মঅ ঘরান অসিজি অদে দেগিনে আর ইস্রায়েল দেজ্‌ছানরে উগুজ্যে ভূই অদে দেগিনে আর যিহূদার মানুচ্চুনোরে বন্দী ইজেবে নেযাদে দেগিনে তুমি বেশ্ হুজি ওইয়ো।

যিহিষ্কেল 25:6

তুমি ইস্রায়েল দেজর্ অবস্থা দেগিনে আত্‌‌‌তালি দুয়ো, নাচ্চ্য আর মনত্তুন্ তারে ইংসে গুরিনে ফুত্তি গোজ্য।

যিহিষ্কেল 36:3

সেনত্তে মুই প্রভু লগেপ্রভু কঙর্, তুমি যেনে অন্য জাদ্‌‌‌‌‌তুনোর গজগত্ এজ আর মানুচ্চুনোর ইংসে আর নিন্দের্ মানুচ্ অ সেনত্তে তারা চেরোকিত্তেত্তুন্ তমারে ভস্ত আর গিলি ফেল্যন্।

যিহিষ্কেল 5:15

মুই যেক্কে অমকদ অহুজি, রাগে আর অমকদ গেইল্‌‌‌লোই তরে সাজা দিম্ সেক্কে তর্ চেরোকিত্তে জাদ্‌‌‌তুনে তরে দেগিনে আমক্ অবাক্; তুই তারা ইধু অবে নিন্দে আর ঈচ্ গরা হেইয়্যে মানুচ্ আর এক্কো উজিয়ার কধা ধোক্ক্যেন।

হোশেয় 8:8

ইস্রায়েলীয়গুনোরে গিলি ফেলা ওইয়্যে; বাজে জিনিজো ধোক্ক্যেন তারা ইক্কিনে নানান্ জাদ ভিদিরে রোইয়োন।

মীখা 4:11

মাত্তর্ ইক্কিনে বোউত্ জাদে তঅ বিরুদ্ধে তুবেয়োন। তারা কদন্, “তারে অসিজি গরা ওক্; এজঅ, আমি সিয়োনর দুদ্দশা দেগিনে হুজি ওই।”

প্রেরিত্‌ 7:54

ইয়েনি বেক্‌ কধানি শুনিনে সেই নেতাগুনে রাগে আগুন্ ওই গেলাক্ আর স্তিফান বিরুদ্ধে দাত্ কামাড়া ধুরিলাক্।