আবিলেচ্ 2:15 - Chakma Bible

¹⁵ যিগুনে তঅ কায়-কুরেদি যান তারা তরে দেগিনে আঢ্‌তালি দুয়োন; তারা যিরূশালেম-ঝিবোরে দেগিনে ঠাট্টা-মশ্‌কারি গরন্ আর মাঢাগুন লাড়েইনে কন্, “ইয়েন কি সেই শঅর্ যিয়েনরে কুয়ো অদঅ বেগত্তুন্ দোল্‌বি, যিয়েনরে নিইনে গোদা পিত্‌‌থিমীগানে ফুত্তি গুরিদো?”

আবিলেচ্ 2:15 Iomraidhean Croise

২ রাজাবলী 19:21

তা বিরুদ্ধে লগেপ্রভু কোইয়্যেদে, গাবুজ্যে মিলে সিয়োনে তরে ঈচ্ গুরিবো আর ঠাট্টা-তামাজা গুরিবো। যিরূশালেম মানুচ্চুনে তঅ পিজেন্দিত্তুন্‌ মাধাবো লাড়েবাক্‌।

২ বংশধর 7:21

এ উবোসনা-ঘরান্‌ ইক্কিনে এদক্‌ দাঙর্‌ অলেয়ো সেক্কে যিগুনে সিয়েন কায়-কুরেন্দি যেবাক্‌ তারা উঘুরি উদিনে পুযোর্‌ গুরিবাক্‌, ‘কিত্তেই লগেপ্রভু এ দেজ্‌ছান আর এ তবনা-ঘরান উগুরে এধোক্ক্যেন গুরিলো?’

গীতসংহিতা 109:25

মঅ বিপক্কগুনো ইত্তুন্ মুই ঈচ্ গরা হেইয়্যে ওইয়োং; তারা মরে রিনি চেলে মাধা লাড়ান্।

গীতসংহিতা 22:7

যিগুনে মরে রিনি চান্ তারা বেক্কুনে মরে ঠাট্টা গরন্। তারা মরে মু ভেঙান্, আর মাধাবো লাড়েইনে কন্,

গীতসংহিতা 48:2

গোজেনর থেবার জাগায়ান সেই সিয়োন মুড়োবো, অজলত্ বানেয়্যে দাঙর্ রাজার সে শঅরান চাদে দোল্; গোদা দুনিয়াগানরে সিয়েনে হুজিয়ে রাগায়।

গীতসংহিতা 48:3

সে শঅরর্ রাজঘরর বিল্ডিঙানত্ গোজেনে নিজোরে ঘর ইজেবে ফগদাঙ্ গোজ্যে।

গীতসংহিতা 50:2

সিয়োনত্তুন, দোল্ ভরপুনং জাগানত্তুন্, গোজেনর পহ্‌রান্ ছিদি পোজ্যে।

গীতসংহিতা 64:8

তারার জিলান্‌দোই তারা নিজোর দজাগান্ ডাগি আনিবাক্; তারারে চেইনে বেক্কুনে ঈচ্ গুরিনে মাঢা লাড়েবাক্।

যিশাইয় 28:21

লগেপ্রভু যুদ্ধো গুরিবো, যেবাবোত্যেগুরি তে পরাসীম মুড়োবোত্ গোজ্যে। তে উত্তেজিত অবঅ, যেবাবোত্যে গুরি গিবিয়োন কলগত্ ওইয়্যে। এবাবোত্যেগুরি তে তার কামানি, তার আমক্ অবার আর অসাধারন কামানি থুম্ গুরিবো।

যিশাইয় 37:22

ইয়েনত্তে তা বিরুদ্ধে লগেপ্রভু এ কধাগান কোইয়্যে, গাবুজ্যে মিলে সিয়োনে তরে ঈচ্ গুরিবো আর ঠাট্টা-মশ্‌‌কারী গুরিবো। যিরূশালেমর মানুচ্চুনে তঅ পিজেন্দিত্তুন্ মাঢাবো লাড়েবাক্।

যিশাইয় 64:11

আমা পুরোণী মানুচ্চুনে যিয়েনত্ তরে নাঙ্ গিনিদাক্ আমা সেই পবিত্র আর বাঈনী গুরিবার তবনা ঘরান আগুনোত্ পুড়ি যেইয়্যে আর আমা গম্ জিনিস যেদক্কানি এলঅ ভস্ত ওই যেইয়্যে।

যিরমিয় 18:16

সেনত্তে তারা দেজ্‌চান পুরি থেইয়্যে ভূই আর এক্কান জনমর্ ঈচ্ গরেদে জিনিস ওইনে থেবঅ; যিগুনে সে কুরেদি যেবাক্ তারা আমক্ ওইনে মাঢাবো লারেবাক্।‌‌‍‍

যিরমিয় 19:8

মুই এ শঅরানরে ভস্ত গুরিম আর ঈচ্ গরেদে ধোক্ক্যেন গুরিম; যিগুনে সিয়েন ইন্দি যেবাক্ তারা বেক্কুনে তার বেক আঘাত্‌তানি দোরেবাক্ আর ঈচ্ গুরিবাক্।‌‌

যিরমিয় 25:18

মুই যিরূশালেম আর যিহূদার শঅরানিত্ আর তার রাজাগুনোরে আর রাজকর্মচারীগুনোরে হাবেলুং, যেন তারা এচ্চ্যে যেবাবোত্যে আগন সেবাবোত্যে ভস্তর্, অমকদ দর্‌গরেপারা, ঠাট্টার আর অভিশাবর্ জাগাত্ থান।‌‌‌‌

যিরমিয় 25:9

সেনত্তে মুই উত্তোরর্ বেক জাদ্‌তুনোরে আর মর্ চাগর বাবিলোর রাজা নবূখদ্‌নিৎসররে ডাগি আনিম। এ দেজ্‌‌‌‌চান আর তা আদাম্মেগুনোর বিরুদ্ধে আর চেরোকিত্যে বেক জাদ্‌তুনোর বিরুদ্ধে মুই তারারে আনিম। মুই সেই মানুচ্চুনোরে পুরোপুরিভাবে ভস্ত গুরি দিম আর অমকদ দরর্ আর ঈচ্ গরেপারা গুরিম; তারা দেজ্‌‌‌‌চান মুই জিংকানিবরর্ ভস্তর্ জাগা গুরিম।‌

যিরমিয় 26:6

তুমি যুনি এবাবোত্যেগুরি থাগঅ সালেন্ মুই এ ঘরানরে শীলো ধোক্ক্যেন গুরিম আর এমন গুরিম যেনে পিত্‌থিমীর বেক জাদ্‌‌‌‌‌‌‌‌তুনে এ শঅর নাঙান্দোই অভিশাব্ দুয়োন‌‌‌‌‌।’ ”

যিরমিয় 29:18

মুই যুদ্ধো, ভাদরাত্ আর ভানালোই তারা পিজেদি লোড়েম্ আর পিত্‌থিমীর বেক্ রেজ্যগানি ইধু তারারে দর্‌‍‌‍‍গরেপারা মান্‌‍জ্য ধোক্ক্যেন গুরিম। যিদুক্কুন জাদ ভিদিরে মুই তারারে ধাবেই দিম্ তারা ইধু তারারে গুরিম ঠাট্টা-মশকারি আর ঈচ্ গরেদে মান্‌‍জ্য ধোক্ক্যেন। তারার অবস্থা দেগিনে মানুচ্চুনে আমক্ অবাক্ আর তারার নাঙানি অভিশাব ইজেবে বেবহার গুরিবাক্।

যিরমিয় 48:27

ও মোয়াব, ইস্রায়েলে কি তর্ আজি-ঠাট্টার্ মানুচ্ ন-এলঅ? তে কি চুরুনো ভিদিরে ধরা পোজ্যস্, তুই যেদকবার তা কধা কচ্ সেদকবার ঈচ্ গুরিনে মাঢাবো লাড়াচ্?

যিরমিয় 51:37

বাবিলান অবঅ এক্কান ভস্ত ওইয়্যে কুর্, শিয়েলুনোর্ থেবার জাগা আর ঠাট্টা-মশকারির্ জাগা। সিয়েনত্ কনজন বজত্তি ন-গুরিবাক্; তা অবস্থা দেগিনে মানুচ্চুনে আমক্ অবাক্।

আবিলেচ্ 1:21

মান্‌জ্যে মর্ ভঅ নিজেস্‌চো শুন্যন্, মাত্তর্ মরে বুঝেবার কনজন নেই। বেক্ শত্রুগুনে মঅ দুঘো কধানি শুন্যন্; তুই যিয়েন গোজ্যস্ সিয়েন দেগিনে তারা ফুত্তি গরদন্। যে দিন্নোর্ কধা তুই ফগদাং গোজ্যস্ সেই দিন্নো আন্ যেনে তারা মঅ ধোক্ক্যেন ওই পারন্।

আবিলেচ্ 1:8

যিরূশালেমানে অমকদ পাপ গোজ্যে, সেনত্তে তে অসিজি ওই যেইয়্যে। যিগুনে তারে সর্মান গুরিদাক্ তারা বেক্কুনে তারে ঈচ্ গত্তন্, কিত্তে তারা তার্ লাংতা-বাংতা অবস্থাগান্ দেখ্যন; তে ভঅনিজেস্ ফেলার্ আর মুয়োন লুগোর্।

আবিলেচ্ 2:16

তর্ বেক শত্রুগুনে তঅ বিরুদ্ধে মুয়োনি দাঙর্ গুরি আহ্ গোজ্যন্; তারা ঠাট্টা-মশ্‌‌‌কারি গুরিনে দাদ্ কামেড়েনে কন্, “তারে আমি গিলি ফেল্যেই। এ দিন্নোত্তে আমি বাজ্জেই রোইয়্যেই আর সিবে দেগিলোং।”

আবিলেচ্ 2:6

তে বাগান গাজ ধোক্ক্যেন্‌গুরি তার থেবার জাগায়ানরে উগুরে ফেলেয়্যে; ভস্ত গুরি দিয়্যে তার নিদ্দিষ্ট এগত্তর্ অইদ্যে জাগায়ানরে। লগেপ্রভু সিয়োনরে তার বেক্ পরব্ আর জিরেবার দিন্নো কধানি ভুলেই দিয়্যে; দর্‌গরেপারা রাগে রাজারে আর ধর্মগুরুবোরে তে এলাফেলা গোজ্যে।

যিহিষ্কেল 16:13

এবাবোত্যেগুরি সোনা আর রূবোলোই তরে সাজা অলঅ; তঅ কাবড়-চুগোরানি এলদে পাদল্ মসীনার, রেশমর আর নক্‌শা গোজ্যে কাবড়র্। তঅ হানাগানি এলদে নিগুজ্ মোইদ্যে, মধু আর জলপাইয়র তেল। তুই জদবদে দোল্ ওইনে রাণী ধোক্ক্যেন্ অলে।

যিহিষ্কেল 16:14

তর্ দোলানত্তে তঅ নাঙান্ জাদ ভিদিরে ছিদি পড়িল, কিত্তে মর্ দিয়্যে সয়সাগজ্যেই তর্ দোলান জদবদে ওইয়্যে।

যিহিষ্কেল 23:32

“মুই প্রভু লগেপ্রভু কঙর্, তর্ বোন গলস্‌চোত্ তুই হেবে; গলস্‌চো দাঙর্ আর গভিন্। সিয়োত্ বেশ্ ধরে বিলিনে সিয়োত্তুন হেইনে তুই ঈচ্ গরা আর ঠাট্টা গরা হেইয়্যে মান্‌জ্য ধোক্ক্যেন অবে।‌

যিহিষ্কেল 25:6

তুমি ইস্রায়েল দেজর্ অবস্থা দেগিনে আত্‌‌‌তালি দুয়ো, নাচ্চ্য আর মনত্তুন্ তারে ইংসে গুরিনে ফুত্তি গোজ্য।

যিহিষ্কেল 5:15

মুই যেক্কে অমকদ অহুজি, রাগে আর অমকদ গেইল্‌‌‌লোই তরে সাজা দিম্ সেক্কে তর্ চেরোকিত্তে জাদ্‌‌‌তুনে তরে দেগিনে আমক্ অবাক্; তুই তারা ইধু অবে নিন্দে আর ঈচ্ গরা হেইয়্যে মানুচ্ আর এক্কো উজিয়ার কধা ধোক্ক্যেন।

দানিয়েল 9:16

ও প্রভু, তর্ ন্যায্যতা মজিম তর্ শঅর্, অত্তাৎ তর্ সুদ্ধো-সাংগ মুড়ো যিরূশালেমত্তুন্ তর্ অমকদ অহুজিগান আর রাগ্‌‌‌‌কান দূর্ গুরি দে। আমা পাপ্পানিত্তে আর আমা পূরোণি মানুচ্চুনোর অন্যেয়ত্তে আমা চেরোকিত্তে মানুচ্চুনো ইধু যিরূশালেম আর তঅ মানুচ্চুনে ঈচ্ গরেদে মানুচ্ ওইয়োন।

মীখা 6:16

তুমি অম্রির রীদি-সুদোমানি পালেয়ো আর আহাব বংশর বেক্ অভ্যেস্ মজিম্ চোল্য। তুমি তারার্ সল্লা মজিম্ চোল্য। সেনত্তে মুই ভস্তর্ আঢত্ আর ঠাট্টা-মশ্‌‌কারীগুরিয়্যে গুনোর আঢত্ তমারে তুলি দিম; মঅ মানুচ্ ইজেবে তমার্ অসর্মান ভুগো পুরিবো।”

নহূম 3:19

কন কিজুয়ে তর্ ঘা-গানরে গম্ গুরি ন-পারের্; তঅ আঘাত্‌তান সাংগাদিক্। যিগুনে তঅ হবরান্ শুন্ন্যন্ তারা পত্তিজনে তর্ পতনত্ আঢ্‌‌তালি দেদন্, কিত্যে তর্ অমকদ চিৎনপুজ্যে কামানি কন্না ন-ভুগের্?

সফনিয় 2:15

ইয়েনই সেই নিচিদে থেইয়্যে শঅর্ যিয়েন গমেডালে আঘে। তে মনে মনে কইদ্যে, “মুয়ই আগং, মুই বাদে আর কনজন নেই।” তে কিবাবোত্যেগুরি ভস্ত ওই গেলঅ, ঝার্‌বো য়েমানুনোর আশ্রয়র জাগা অলঅ! যিগুনে তা কায়কুরেদি যেবাক্ তারা ঠাট্টা-মশ্‌‌‌‌কারি গুরিবাক আর তারার্ বুজ্যে আঙুল্ দেগেবাক্।‌‌

মথি লেখ্যে গম্ হবর্ 27:39

যিদুক্কুন্ মানুচ্ সেই পথ্‌তানদি যাদন্ তারা মাঢাগুন্ লাড়েইনে যীশুরে অগমান্ গুরিলাক্,

মার্ক 15:29

যিদুক্কুন্ মানুচ্ সেই পথ্‌তানদি যাদন্ তারা মাঢাগুন্ লাড়েইনে যীশুরে অগমান্ গুরিলাক্, “ওহ্, তুই নাহি উবোসনা-ঘরান্ ভাঙিনে আরঅ তিন দিনো ভিদিরে সিয়েন বানেই দি পারচ্!