আবিলেচ্ 2:11 - Chakma Bible

¹¹ কানদে কানদে মঅ চোগ্‌কুন চিবে চিবে ওইয়োন, মঅ ভিদিরেয়ো যন্ত্রণা অর্; মঅ মানুচ্চুন ভস্ত ওইয়োন, আর ঝি-পুয়োগুনে আহ্ চিগোন গুরোগুনে শঅরর্ খুলো জাগানিত্ অজ্ঞান ওইনে পড়ি আগন্। সেনত্তে মঅ মনান্ যেন মাদিত্ ঢুলি পোজ্যে।

আবিলেচ্ 2:11 Iomraidhean Croise

ইয়োব 16:13

তা ধনুবলাগুনে মরে ঘিরি ফেল্যন্‌; চিৎনেইয়্যে মান্‌জ্য ধোক্ক্যেন্ তে মঅ বুক্কো ফাদি দিয়্যে আর মঅ ভারাল্লো মাদিত্‌ ঢালি দিয়্যে।

ইয়োব 30:27

মর্ ভিদিরেদিগান উলোত্ পালোত্ গরের, ন-থামার্; দুঘোর্ দিনুন্ মঅ মুজুঙোত্ লুম্মেগি।

গীতসংহিতা 119:82

তর্ এগেমান্ পূরোণ অবাত্তে বাজ্জেই থাগদে থাগদে মঅ চোগ্‌কুন গুর্ গুর্ ওইয়োন; মুই কঙে, “কক্কেনে তুই মরে সান্তনা দিবে?”

গীতসংহিতা 22:14

মরে পানি ধোক্ক্যেন্ গুরি ঢালি দিয়্যে ওইয়্যে, মর্ বেক্ আড়র্ জড়াগুন্ খুলি যেইয়োন, মঅ মনান্ মুমো ধোক্ক্যেন্ ওইনে মঅ ভিদিরেদিগান গুলি পড়ের্।

গীতসংহিতা 31:9

ও লগেপ্রভু, মরে দোয়্যে গর্, কিত্যে মুই দুঘোত্ আগং; দুঘে মঅ চোখকুন্ আর মঅ কিয়্যে-মনান্ ভাঙি পোজ্যে।

গীতসংহিতা 38:8

মুই বল্‌‌পোজ্যে ওইয়োং, এক্কুবারে ভাঙি পোজ্যং, মন পিড়েলোই মুই সাজুরঙর্।

গীতসংহিতা 6:7

দুঘে মর্ দেগিবার্ খেমতাগান্ কুমি যেইয়্যে; শত্রুগুনোর্ কারনে মঅ চোগো পহ্‌‌রান্ কুমি যেইয়্যে।

গীতসংহিতা 69:3

ডাগদে ডাগদে মুই বল্‌পোজ্যে ওইয়োং, মর্ মুয়োপানিগান্ শুগেয়্যে; মর্ গোজেনত্তে চেই থাগদে থাগদে মঅ চোগ্‌কুন ঝাপ্‌সা ওইয়োন।

যিশাইয় 22:4

সেনত্তে মুই কলুং, “মঅ কায়-কুরেত্তুন যগোই; মরে যদবদে কানিবাত্তে দুয়ো। মঅ মানুচ্চুন ভস্ত ওইয়োন বিলিনে মরে বুঝেবার চেষ্ট্যা ন-গোজ্জ্য।”

যিশাইয় 38:14

চাতক, শালিক আর কঅ ধোক্ক্যেন মুই গির্‌‌‍‌‌‌গিজ্যে রলোই ডাগিলুং। উগুরেদি চাদে চাদে মঅ চোগ্‌কুন চুলোদন্। ও প্রভু, মুই দুঘ্ পাঙর্, তুই মঅ ভারান্ নেযা।‌‍‌‌‌

যিশাইয় 51:20

তঅ পুয়োগুনে অজ্ঞান ওই যেইয়োন্; তারা জালত্ পোজ্যে উরিঙো ধোক্ক্যেন পত্তি পধ মাদাথ্ পড়ি থান্। তারা উগুরে লগেপ্রভুর রাগ্‌কান, তর্ গোজেনর সাজাগান ভর্‌‍পুনোং গুরি লামি এচ্চ্যে।‍

যিরমিয় 14:17

“তুই মানুচ্চুনো ইধু এ কধাগান কঅ, ‘মঅ চোগো পানি ন-থামেইনে দিন-রেদ মঅ চোগ্‌‍‍‍‍কুনোত্তুন উগুরি পোড়োক্, কিত্তে মঅ জাদর্ মানুচ্চুনে অমকদ আঘাত্, চুরমার-গোজ্যে আঘাত্ পেইয়োন।‍

যিরমিয় 4:19

হায়, মর্ মনান, মর্ মনান্! মুই যন্ত্রনালোই মজরা হাঙর্। হায়, মর্ মনান! মঅ ভিদিরে মঅ মনান ধুক্ ধুক্ গরের্। মুই জুরো গুরি থেই ন-পারঙর্, কিত্তে মুই শিঙের রঅ শুন্যং, মুই যুদ্ধোর্ ডাগ শুন্যং।

যিরমিয় 44:7

ইক্কিনে মুই ইস্রায়েলর গোজেন বেগত্তুন্ খেমতাবলা লগেপ্রভু কঙর্, কিত্তে তুমি নিজোর্ এত্তমান সর্বনাশ গরর্? তুমি দঅ মরদ, মিলে, ঝি-পুয়ো আর চিগোন চিজিগুনোরে যিহূদাত্তুন্ নিগিলেই আনিনে নিজোরে আর তারার বেক্কুনোরে ভস্ত গুরি দুয়োর্।

যিরমিয় 8:19

দূর দেজত্তুন্ মঅ মানুচ্চুনোর এ গুজুরি গুজুরি কানানা রঅ শুনো যার্, “লগেপ্রভু কি সিয়োনত্ নেই? তার রাজাবো কি আর সিয়েনত্ নেই?” জোবত্ লগেপ্রভু কোইয়্যেদে, “তারা তারার বেক্ মূত্তি আর তারার অপদাত্ত পুজোগুন্দোই কিত্তে মরে কাঙেলেত্যে গরদন্?”

আবিলেচ্ 1:11

তার বেক্ মানুচ্চুনে ভঅনিজেস্ ফেলাদে ফেলাদে হানা তগাদন্; নিজোরে বাঁজেই রাগেবাত্তে তারা হানার্ বদলে তারার মূল্যবান পযাপিরানি দি দুয়োন্। যিরূশালেমে কত্তে, “ও লগেপ্রভু, রিনি চাহ্, ভাবি চাহ্, মরে ঈচ্ গরা ওইয়্যে।

আবিলেচ্ 1:16

সেনত্তে মুই কানঙর্, মঅ চোগ্‌কুন পানিয়ে ভাযি যার্। মরে বুঝেবাত্তে মইদু কনজন নেই, কনজন নেই যে মঅ পরাণান জুড়েই দে। মঅ ঝি-পুয়োগুনে গায় গায় ওই যেইয়োন, কিত্তে শত্রুগুনে জিদি যেইয়োন।”

আবিলেচ্ 1:20

ও লগেপ্রভু, চাহ্, মুই কেধোক্ক্যেন দুঘ্ পাঙর্! মঅ ভিদিরেয়ো যন্ত্রণা অর্। মঅ মনান্ যাগুলুগ্ ওইয়্যে, কিত্যে মুই অমকদ উল্লোমী ওইয়োং। শঅর বারেদি তলোয়ারানিয়ে পরাণানিরে নেযার্, আর ভিদিরে আগেদে বানা মরণান্।

আবিলেচ্ 5:17

ইয়েনিত্তে আমা মনানি ভাঙি যেইয়্যে, ইয়েনিত্যে আমার চোগোর্ তেজ্‌চানি কমি যেইয়্যে।

লূকে লেখ্যে গম্ হবর্ 23:29

কিয়া এমন দিন এজের্ যেক্কে মান্‌জ্যে কবাক্, ‘যিগুনোর্ কনদিন্অ পুয়ো-ছা ন-অয় আর যিগুনে কনদিন্অ বুগো দুধ গুরোগুনোরে ন-খাবান্ সেই ভাঝ্ মিলেগুন বর্‌‍পেইয়্যে।’

১ শমূয়েল 30:4

এ অবস্থা দেগিনে দায়ূদে আর তার মানুচ্চুনে দাঙর্‌ দাঙর্‌ গুরি কানা ধুরিলাক্। যেরেন্দি এন্‌ অবস্থা অলঅ, তারার্‌ কানিবার্‌ বলঅ আর ন-রলঅ।