আবিলেচ্ 2:10 - Chakma Bible

¹⁰ সিয়োন-ঝিবোর্ বুড়ো নেতাগুনে জুরো গুরি মাদিত্ বোই আগন্। তারা নিজো মাঢাত্ ধূল্যে ছিদি দুয়োন আর বস্তা পাদা উজ্যন্। যিরূশালেমর গাবুজ্যে মিলেগুনে দুঘে মাদিত্ মাঢাগুন লোঙেয়োন্।

আবিলেচ্ 2:10 Iomraidhean Croise

২ শমূয়েল 13:19

সেক্কে তামরে নিজো মাধাবোথ্‌ ছেই দিলো আর তা উজ্যেদে সিলুম্মো ফাদি ফেলেল। সে পরেন্দি তে মাধাত্‌ আঢ্ দিইনে গুজুরি গুজুরি কানদে কানদে গেলগোই।

যিশাইয় 15:3

তারা পধে পধে বস্তা পাদা পিনিনে বেড়াদন্। তারা বেক্কুনে ছাল উগুরে আর শঅর-সংমধ্যে আবিলেচ্ গত্তন্। তারা অমকদ কানাকুদি গত্তন্।

যিশাইয় 3:24

তুম্বাজ বদলে পজা বাজ্, কমর বিজোনি বদলে দুড়ি, দোল্ গুরি আজুজ্যে চুলান্ বদলে টাক্, মংগা কাবড় বদলে বস্তার চট্, আর দোলান বদলে পুজ্যে দাগ থেবঅ।

যিশাইয় 3:26

সিয়োনর গেট্‌টুন্ বিলেপ আর আবিলেচ্ গুরিবাক্; সিয়োনানে বেক্কানি আড়েইনে মাদিত্ বজিবো।

যিশাইয় 36:22

ইয়েন পরেদি রাজঘরর্ পরিচালক হিষ্কিয়র্ পুয়ো ইলিয়াকীম, রাজার লিগিয়্যে শিব্‌ন আর বিজগ লিগিয়্যে আসফর পুয়ো যোয়াহ তারা কাবড়ানি ফাদিনে হিষ্কিয় ইদু গেলাক্ আর রব্‌শাকির বেক্ কধানি তারে জানেলাক্।

যিশাইয় 47:1

লগেপ্রভু কত্তে, “ও গাবুজ্যে মিলে বাবিল, তুই তলেদি লামিনে ধূল্যেত্ বস্; ও বাবিল, তুই সিংহাসনান্ ছাড়িনে মাদিত্ বস্। তরে আর নরম আহ্ সুগী বিলিনে কুয়ো ন-যেবঅ।

যিশাইয় 47:5

লগেপ্রভু কত্তে, ও বাবিল, তুই জুরো গুরি বস্; তুই আন্ধার ভিদিরে যাহ্। তরে আর রেজ্যগানির রাণী বিলিনে ডাগা ন-অবঅ।

যিরমিয় 8:14

আমি ইয়েনত্ বুজি আগিই কিত্তে? আঢঅ, আমি এক সমারে দেবাল-ঘিজ্যে শঅরানিত্ ধেই যেইনে সিয়েনত্ ভস্ত ওই, কিত্তে আমার গোজেন লগেপ্রভু আমাত্তেই ভস্তগান ঠিগ্ গুরি রাগেয়্যে আর বিষবলা পানিগান হেবাত্তে দিয়্যে, কিত্তে আমি তা বিরুদ্ধে পাপ গোজ্যেই।

আবিলেচ্ 1:1

হায়! যে শঅরানত্ একদিন মানুজে সয়সাগোজ্যে এলাক্ সিয়েন কিবাবোত্যে গায় গায় পড়ি আঘে। যে শঅরানত্ একদিন জাদ ভিদিরেত্তুন্ নেতা এলঅ, সিয়েন ইক্কিনে রানি মিলে ধোক্ক্যেন ওইয়্যে। যিয়েন এলদে রেজ্যগানির রাণী সিয়েন ইক্কিনে ওইয়্যেদে চাগরানি।

আবিলেচ্ 1:4

সিয়োনর পথ্‌‌তানিয়ে আবিলেচ্ গরের্, কিত্তে ঠিগ্ গোজ্যে পরবত্ কনজন আর ন-এজন্। তার বেক্ গেট্‌‌তুনোত্ সোমেবার পথ্‌তান খালি। তার ধর্মগুরুগুনে বুগ্ চাবারাদন, গাবুজ্যে মিলেগুনে দুঘ্ পাদন, সেক্কে তে মনত্ অমকদ দুঘ্ পার্।

আবিলেচ্ 3:28

লগেপ্রভু সে জুঙোলান্ তা উগুরে দিয়্যে, সেনত্তে তে গায় গায় অলর্ গুরি বোই থোক্।

আবিলেচ্ 4:16

লগেপ্রভু নিজে তারারে ছিদি দিয়্যে; তে তারা উগুরে আর মনযোগ্ ন-দে। মান্‌জ্যে ধর্মগুরুগুনোরে সর্মান ন-দেগান্, দোয়্যে ন-গরন্ বুড়ো নেতাগুনোরে।

আবিলেচ্ 4:5

যিগুনে একদিন গম্ গম্ হানা হেদাক্ তারা ইক্কিনে অভাবত্ পধে পধে রোইয়োন। যিগুনে মংগা বিগুনো রঙর্ কাবড়্ উরিনে মানুচ্ ওইয়োন তারা ইক্কিনে ছেইয়ো কুড়োত্ পড়ি আগন্।

আবিলেচ্ 5:12

দাঙর্ পোজিশনর্ কামগুরিয়্যেগুনোর আঢ্‌তানি বানিনে টাঙেই রাগা ওইয়্যে; বুড়ো নেতাগুনোরে সর্মান দেগা ন-অয়।

আবিলেচ্ 5:14

শঅর-গেদো ইধু বুড়ো নেতাগুনে আর ন-বজন্; গাবুজ্যেগুনে বাজনা বাজানা থামেয়োন্।

যিহিষ্কেল 27:30

তারা তত্তে রঅ ছাড়িনে অমকদ কানাকুদি গুরিবাক্ আর নিজো মাঢাত্ ধূল্যে দিবাক্ আর ছেইয়ো ভিদিরে গোজ্যেবাক্।

যিহিষ্কেল 27:31

তারা তত্তে মাঢা মুড়েবাক্ আর বস্তা ফাদা পিনিবাক্। তারা মনত্ দুঘে তত্তে আবিলেচ্ গুরি গুরি অমকদ কানিবাক্।

যিহিষ্কেল 7:18

তারা বস্তা পাদা পিনিবাক্ আর অমকদ দরে গির্‌‌‌‌‌‌‌‌‌গিরেবাক্। তারা লাজত্ পড়িবাক্ আর তারার্ মাঢাগুন চুলানি মুড়েই দিয়্যে অবঅ।‌‌‌‌‌‌‌

যোয়েল 1:8

ও মঅ মানুচ্চুন, যে গাবুজ্যে মিলেবো তা গাবুরো অক্তত্ ঠিগ গোজ্যে নেক্কোর্ মরণত্তে বস্তা পাদা পিনিনে আবিলেচ্ গোজ্যে তুমি সিবে ধোক্ক্যেন আবিলেচ্ গরঅ।

আমোষ 5:13

সেনত্তে এবাবোত্যে সময়োত্ বুদ্ধিবলা মানুচ্ জুরো গুরি থায়, কিত্যেই সময়ান ভান্ন্যেই।

আমোষ 8:13

সেদিন্যে দোল্ দোল্ গাবুজ্যে মিলেগুনে আর বোলী গাবুজ্যেগুনে সেই কধানির্ তিরেজে জ্ঞান আরেবাক্।

আমোষ 8:3

সেদিন্যে রাজঘরত্ গান বদলে এই আবিলেচ্‌‌‌চান অবঅ, ‘বোউত্, বোউত্ মরাকিয়্যে; সিয়েনি বেক্ জাগানি ইধু লুঙি মারিনে ফেলা ওইয়্যে। জুড়ো অ।’ ”

যোনা 3:6

রাজা ইধু সে হবরান লুমোনার্ পরেদি তে তার্ সিংহাসনান্ ছাড়ি উদিনে তা রাজপোজাক্কানি খুলি ফেলেল আর বস্তা পাদা পিনিনে ছেইয়ো সংমোধ্যে বুজিলো।

যিহোশূয় 7:6

সেক্কে যিহোশূয় আর ইস্রায়েলীয়গুনোর বুড়ো নেতাগুনে নিজোর কাবড়ানি ফাদিনে লগেপ্রভুর সুন্দুগোর মুজুঙোত্‌ সাজোন্যা সং মাদি উগুরে মাদা নিগিরিনে রলাক্‌। তারা নিজোর মাদা উগুরে ধূল্যে ছিদি দিলাক্‌।

ফগদাং পেইয়্যে 18:19

তারা তারার্ মাঢাত্ ধূল্যে দিইনে রঅ ছাড়া ধুরিবাক্ আর কানি কানি দুঘ্ পেইনে কবাক্, “হায়, সেই নাঙ্-গোজ্জ্যে শঅরান্, হায়! সাগরত্ যিগুনোর জাহাজ আঘে তারা তার্ ধনানিলোই থাগোয়্যে ওইয়োন; আর চঅ, চোগো জিমিদোত্ তে ভস্ত ওই গেলঅ!”