আবিলেচ্ 2:1 - Chakma Bible

¹ হায়, লগেপ্রভু কিবাবোত্যেগুরি তার্ রাগে সিয়োন-ঝিবোরে আন্ধারত্ ঢাগি ফেলেয়্যে! ইস্রায়েলর সয়সাগোজ্যেগানি তে আগাজত্তুন্ পিত্‌‌থিমীত্ ফেলেই দিয়্যে। তার্ রাগ্ উঠ্যেদে দিন্নোত্ তা টেঙানি রাগেবার জাগায়ানরে তে ইদোত্ ন-রাগায়।

আবিলেচ্ 2:1 Iomraidhean Croise

২ শমূয়েল 1:19

“ও ইস্রায়েল, যিগুনে তর্‌ বাঈনী গরন্ তারা তর্‌ সেই অজল জাগানত্‌ মুরিনেই পড়ি রোইয়োন। হায়! কেধোক্ক্যেনগুরি বীর মানুচ্চুনে ভস্ত ওই গেলাক্!

১ বংশধর 28:2

পরেন্দি রাজা দায়ূদে থিয়্যেইনে তারারে কলঅ, মর্‌ ভেইয়ূন আর মর্‌ মানুচ্চুন্‌, মঅ কধাগান্‌ গমেডালে শুনো। লগেপ্রভুর সুদোম-সুন্দুক্কোত্তে, অত্তাৎ আমা গোজেন টেঙ্‌ থবার্‌ জাগানত্তে এক্কান্‌ থিদেবর্ গোজ্যে ঘর্‌ বানেবার্‌ আওজ্ মঅ মনত্‌ এলঅ, আর মুই সিয়েন্‌ বানেবার্‌ যুক্কোলঅ গোজ্যং।

গীতসংহিতা 132:7

আদঅ, আমি তাহ্ থেবার জাগানত্ যেই, তার্ টেঙ্-থইদ্যে জাগানত্ মাঢা নিগিরিনে উবোসনা গুরিই।

গীতসংহিতা 89:45

তার গাবুজ্যের্ দিনুন্ তুই কোমেই দুয়োচ্, লাজে তারে নাঢি দুয়োচ্।

গীতসংহিতা 99:5

আমা গোজেন লগেপ্রভুর বাঈনী গর; তা টেঙ্ থইদ্যে মুজুঙোত্ মাদা নিগিরিনে তারে জু জু জান; তে পবিত্র।

যিশাইয় 64:11

আমা পুরোণী মানুচ্চুনে যিয়েনত্ তরে নাঙ্ গিনিদাক্ আমা সেই পবিত্র আর বাঈনী গুরিবার তবনা ঘরান আগুনোত্ পুড়ি যেইয়্যে আর আমা গম্ জিনিস যেদক্কানি এলঅ ভস্ত ওই যেইয়্যে।

যিরমিয় 30:14

তর্ বেক লাঙুনে তরে ভুলি যেয়োন; তারা তঅ পৌইদ্যেনে চিদে ন-গরন। মুই তরে শত্রুর আঘাত ধোক্ক্যেন আঘাত গোজ্যং আর চিৎ-কোল্জ্যে নেইয়্যে মান্‌জ্য ধোক্ক্যেন সাজা দুয়োং, কিত্তে তর্ অন্যেয়ান অমকদ বেশ্ আর তঅ পাপ্‌‌‌পান বোউত্।

আবিলেচ্ 1:1

হায়! যে শঅরানত্ একদিন মানুজে সয়সাগোজ্যে এলাক্ সিয়েন কিবাবোত্যে গায় গায় পড়ি আঘে। যে শঅরানত্ একদিন জাদ ভিদিরেত্তুন্ নেতা এলঅ, সিয়েন ইক্কিনে রানি মিলে ধোক্ক্যেন ওইয়্যে। যিয়েন এলদে রেজ্যগানির রাণী সিয়েন ইক্কিনে ওইয়্যেদে চাগরানি।

আবিলেচ্ 1:12

তুমি যিগুনে মঅ কায়-কুরেদি যঅ তমাত্তুন্ কি কনঅ কিজু গুরিবার নেই? এক্কানা ঘুরিনে রিনি চঅ। মরে যে যন্ত্রনা দিয়্যে ওইয়্যে সেধোক্ক্যেন্ যন্ত্রনা কি আর কাররে দিয়্যে ওইয়্যে, যিয়েন্ লগেপ্রভু তার জোল্‌‌জোল্যে রাগর্ দিনোত্ মরে দিয়্যে?

আবিলেচ্ 2:17

লগেপ্রভু তা পরিকল্পনা মজিম্ কাম গোজ্যে; যে কধানি তে বোউত্ আগেদি কোইয়্যে সে কধানি পূরোণ গোজ্যে। তে মেয়্যে ন-গুরিনে তরে মেলা মারি দিয়্যে; শত্রুরে তঅ বিরুদ্ধে তে ফুত্তি গুরিবাত্তে দিয়্যে, তর্ বিপক্কগুনোর্ বলানি বাড়েই দিয়্যে।

আবিলেচ্ 4:1

হায়! সোনাগানে কিবাবোত্যেগুরি তা জোল্‌জোল্যেগান আরেয়্যে, খাটি সোনা বুদুলি যেইয়্যে। পত্তি দফদা পদথ্ ছিদি রোইয়্যেদে মংগা মংগা পাত্তরুন্।

আবিলেচ্ 4:11

লগেপ্রভু তার্ অমকদ অহুজিগানরে পুরোপুরি নিগিলেয়্যে; তার্ অমকদ রাগ্‌কান তে ঢালি দিয়্যে। তে সিয়োনত্ আগুন জ্বালেয়্যে; সেক্কে তার্ খুদোগুন সং জ্বালেই দিয়্যে;

যিহিষ্কেল 13:13

“‘মর্ রাগে মুই ঝড় বোইয়্যের্ খুলি দিম। মর্ অমকদ বেজারে মুই দাঙর্ দাঙর্ শিল্ আর ন-থামেয়্যে ঝড় দিইনে সিয়েন ভস্ত গুরি দিম।

যিহিষ্কেল 19:12

মাত্তর্ লগেপ্রভু তার রাগে সিবে উগুরেনে মাদিত্ ফেলেই দিলো। পূগে বোইয়্যেরে সিবে শুগেই গেলঅ, তা গুলোগুলিগুন ঝুরি পড়িলাক্; তার দরমর ডেলাগুন ভাঙিনে শুগেই গেলাক্, আর আগুনানে সিগুন পুড়ি ফেলেল।

যিহিষ্কেল 30:18

মুই যেক্কেনে মিসরর জুঙোলান্ ভাঙি ফেলেম সেক্কে তফন্‌হেষত্ দিনোত্ আন্ধার্ লামি এবঅ; সিয়েনত্ তার খেমতার বাড়্ গরানায়ো শেজ্ ওই যেবঅ। তে মেঘে নাঢা যেবঅ আর তার আদামানির মানুচ্চুন বন্দীদজাত্ যেবাক্।

যোয়েল 2:2

সিবে আন্ধার্ আর অমকদ আন্ধারর্ দিন, মেঘর্ আর ঘুর্‌গুজ্যে আন্ধারর দিন। মুড়ো-মুড়ি উগুরে যেবাবোত্যে বেন্যেপোত্যে পহ্‌‌রান্ ছিদি পড়ে সেবাবোত্যেগুরি এক্কো দাঙর্ আর বোলী পুগ্-যুগর সৈন্যদল এজের্। এবাবোত্যে সৈন্যদল আগ-কালত্ কনদিন্‌অ ন-এলঅ, আর যিদুক্কুন যুগ এত্তন্ সেক্কেনেয়ো ন-থেবাক্।

মথি লেখ্যে গম্ হবর্ 11:23

আর তুই কফরনাহূম! তুই নাকি স্বর্গয়ান সং অজলত্ উদিবে? কনদিন্অ নয়, তরে তলেদি নরগত্ ফেলেই দিয়্যে অবঅ। যেদক্কানি আমক্ অবার্ কাম্ তঅ ভিদিরে গরা ওইয়্যে সিয়েনি যুনি সদোম শঅরত্ গরা অদঅ সালে সদোমান্ এজঅ ঠিগি থেদঅ।

লূকে লেখ্যে গম্ হবর্ 10:15

আর তুই, কফরনাহূম, তুই নাহি স্বর্গয়ান সং অজলত্ উদিবে? কনদিন্অ নয়, তরে তলেদি নরগত্ ফেলেই দিয়্যে অবঅ।”

লূকে লেখ্যে গম্ হবর্ 10:18

যীশু তারারে কলঅ, “মুই শদানরে স্বর্গত্তুন্ আগাজ ঝিমিলেনি ধোক্ক্যেন্ গুরি পত্তে দেখ্যং।

১ শমূয়েল 4:21

গোজেনর্ সুন্দুক্কো শত্রুগুনোর আঢত্‌ যানার কারণে আর তা নেক্কো আর শুয়োর্‌‌বো মারা যানার কারণে তে কলঅ, “ইস্রায়েলীয়গুনোর বাঈনী গরানাগান্ গেলগোই।” সেনত্যেই তে পূঅবোর নাঙান রাগেল ঈখাবোদ।

১ শমূয়েল 4:22

তে কলঅ, “ইস্রায়েলীয়গুনোর বাঈনী গরানাগান্ গেলগোই, কিত্যে গোজেনর সুন্দুক্কো শত্রুগুনোর আঢত্‌ যেইয়্যে।”