আবিলেচ্ 1:21 - Chakma Bible

²¹ মান্‌জ্যে মর্ ভঅ নিজেস্‌চো শুন্যন্, মাত্তর্ মরে বুঝেবার কনজন নেই। বেক্ শত্রুগুনে মঅ দুঘো কধানি শুন্যন্; তুই যিয়েন গোজ্যস্ সিয়েন দেগিনে তারা ফুত্তি গরদন্। যে দিন্নোর্ কধা তুই ফগদাং গোজ্যস্ সেই দিন্নো আন্ যেনে তারা মঅ ধোক্ক্যেন ওই পারন্।

আবিলেচ্ 1:21 Iomraidhean Croise

গীতসংহিতা 35:15

মাত্তর্ মুই যেক্কেনে উজোত্ হেলুং সেক্কেনে তারা হুজি ওইনে একযদা অলাক্। সে আক্রমণ গুরিয়্যেগুনে মুই হবর্ ন-পেইয়্যেগুরি মঅ বিরুদ্ধে একযদা অলাক্। তারা মরে আমিঝে গিয়েল্ দিয়্যে ধুরিলাক্।

গীতসংহিতা 37:13

প্রভু হবর্ পায় পাজিগুনোর্ শেজর্ দিনুন্ ঘোনেই এজের্, সেনত্তে তারারে দেগিনে তে আযে।

গীতসংহিতা 38:16

কিত্যে মুই কোইয়োং, যেক্কেনে মঅ টেঙান্ বিজিদি যেবঅ সেক্কেনে সিয়েন্দোই তুই তারারে ফুত্তি গুরিবাত্তে ন-দিচ্, মঅ বিরুদ্ধে বড়াই গুরিবাত্তে ন-দিচ্।

যিশাইয় 14:5

পাজিগুনোর্ লুদিক্কো আর শাজন্‌গুরিয়্যেগুনোর শাজন লুদিক্কো লগেপ্রভু ভাঙি দিবো।

যিশাইয় 14:6

অত্যেচারীবো অমকদ রাগ্ গুরিনে জাদ্‌তুনোরে নিত্য আঘাত্ গুরিদো, রাগে তে বার্‌বার তারারে অত্যেচার্ গুরিনে দোঙেদ।‌

যিরমিয় 30:16

“মাত্তর্ যিগুনে তরে শেজ্ গুরি দেদন্ তারারে বেক্কুনোরে শেজ্ গুরি ফেলা অবঅ; তর্ বেক শত্রুগুনে বন্দীদজাত্ যেবাক্। যিগুনে তরে লুদেয়োন তারারেয়ো লুদো অবঅ; যিগুনে তঅ জিনিস্‌চানি কাড়ি নেযাদন্ মুই তারা জিনিস্‌‌‌‌‌চানিয়ো কাড়ি নিবাত্তে দিম। মান্‌‌‌‌‌জ্যে তরে কবাক্, ‘ইয়েন সেই দূর্ গুরি দিয়্যে সিয়োনান যিয়েনরে কনজনে ন-তগান্, ‌

যিরমিয় 48:27

ও মোয়াব, ইস্রায়েলে কি তর্ আজি-ঠাট্টার্ মানুচ্ ন-এলঅ? তে কি চুরুনো ভিদিরে ধরা পোজ্যস্, তুই যেদকবার তা কধা কচ্ সেদকবার ঈচ্ গুরিনে মাঢাবো লাড়াচ্?

যিরমিয় 50:11

ও বাবিলীয়গুন, তুমি মর্ অধিকারান লুদেয়ো আর সিয়েন্দোই ফুত্তি গরর্, হুজি অর্। তুমি শোজ্য মারন্দে গোরু ধোক্ক্যেন্ নাজানাজি গরর্ আর তেজী ঘোড়া ধোক্ক্যেন্ ডাগর্;

যিরমিয় 50:15

তা বিরুদ্ধে চেরোকিত্তেত্তুন্ যুদ্ধোর্ রঅ ছাড়অ। তে উদিই যানা স্বিগের্ গোজ্যে, তার্ রোক্ষ্যে অনার বেবস্থাগান ভাঙি যেইয়্যে আর তা দেবালান্ ভস্ত ওইয়্যে। লগেপ্রভু সিয়েন উগুরে হেনা সুজের্, তুমিয়ো হেনা সুজো। তে অন্যগুনোরে যেবাবোত্যে গোজ্যে তুমিয়ো তা উগুরে সেবাবোত্যে গরঅ।

যিরমিয় 50:29

লগেপ্রভু কোইয়্যেদে, “বাবিল বিরুদ্ধে বেক্ ধনুবলাগুনোরে ডাগঅ। সিয়েনর চেরোকিত্তে সৈন্যগুনো-তাম্বুল ফেলঅ; কাররে ধেই যেবাত্তে ন-দুয়ো। তা কামর্ ফল্ তারে দুয়ো। তে যেবাবোত্যে গোজ্যে তা উগুরে সেবাবোত্যে গরঅ, কিত্তে তে লগেপ্রভুর বিরুদ্ধে, ইস্রায়েলর সেই সুদ্ধো-সাংগ মানুচ্চোর বিরুদ্ধে নিজোরে দাঙর্ গুরি দেগেয়্যে।

যিরমিয় 50:31

মুই বেগত্তুন্ খেমতাবলা প্রভু লগেপ্রভু কঙর্, ও বাড়্‌‌বোগুরিয়্যে, চাহ্, মুই তঅ বিরুদ্ধে, কিত্তে তর্ সাজা পেবার সময় এচ্চ্যে।‌‌

যিরমিয় 51:24

লগেপ্রভু কোইয়্যেদে, “বাবিল আর বাবিলোত্ বজত্তি গুরিয়্যে বেক্কুনে সিয়োনত্ যেদক্কানি অন্যেয় কাম্ গোজ্যন্ তমা চোগো মুজুঙোত্ মুই সিয়েনির ফল দিম।”

যিরমিয় 51:49

বাবিলানত্যে যেবাবোত্যেগুরি বেক্ পিত্‌‌‌‌‌‌‌‌‌‌থিমীগানর্ মানুচ্চুন মরিনে পড়ি এলাক্ সেবাবোত্যেগুরি ইস্রায়েলীয়গুনোরে মারে ফেলানার কারনে বাবিলীয়গুনোর্‌অ মরিনে পড়ি থাহ্ পুরিবো।

আবিলেচ্ 1:16

সেনত্তে মুই কানঙর্, মঅ চোগ্‌কুন পানিয়ে ভাযি যার্। মরে বুঝেবাত্তে মইদু কনজন নেই, কনজন নেই যে মঅ পরাণান জুড়েই দে। মঅ ঝি-পুয়োগুনে গায় গায় ওই যেইয়োন, কিত্তে শত্রুগুনে জিদি যেইয়োন।”

আবিলেচ্ 1:2

তে রেদোত্ অমকদ কানে, চোগো পানিয়ে তা গালান্ ভিজি যায়। তা লাঙেগুনোত্তুন্ তারে বুঝেবার একজন্‌অ নেই। তা সমাজ্যেগুন বেক্কুনে তা উগুরে কুজুরোমি গোজ্যন্; তারা বেক্কুনে তার শত্রু ওইয়োন্।

আবিলেচ্ 1:22

তারার্ বেক্ পাজি কামানি তঅ চোগোত্ পোড়োক্। মর্ বেক্ পাপ্পানিত্তে তুই মরে যেবাবোত্যে গোজ্যস্ তারা উগুরেয়ো সেবাবোত্যে গর্। মর্ ভঅনিজেস্ বেশ্, মুই মন-মরা ওইয়োং।”

আবিলেচ্ 1:4

সিয়োনর পথ্‌‌তানিয়ে আবিলেচ্ গরের্, কিত্তে ঠিগ্ গোজ্যে পরবত্ কনজন আর ন-এজন্। তার বেক্ গেট্‌‌তুনোত্ সোমেবার পথ্‌তান খালি। তার ধর্মগুরুগুনে বুগ্ চাবারাদন, গাবুজ্যে মিলেগুনে দুঘ্ পাদন, সেক্কে তে মনত্ অমকদ দুঘ্ পার্।

আবিলেচ্ 1:8

যিরূশালেমানে অমকদ পাপ গোজ্যে, সেনত্তে তে অসিজি ওই যেইয়্যে। যিগুনে তারে সর্মান গুরিদাক্ তারা বেক্কুনে তারে ঈচ্ গত্তন্, কিত্তে তারা তার্ লাংতা-বাংতা অবস্থাগান্ দেখ্যন; তে ভঅনিজেস্ ফেলার্ আর মুয়োন লুগোর্।

আবিলেচ্ 2:15

যিগুনে তঅ কায়-কুরেদি যান তারা তরে দেগিনে আঢ্‌তালি দুয়োন; তারা যিরূশালেম-ঝিবোরে দেগিনে ঠাট্টা-মশ্‌কারি গরন্ আর মাঢাগুন লাড়েইনে কন্, “ইয়েন কি সেই শঅর্ যিয়েনরে কুয়ো অদঅ বেগত্তুন্ দোল্‌বি, যিয়েনরে নিইনে গোদা পিত্‌‌থিমীগানে ফুত্তি গুরিদো?”

আবিলেচ্ 2:16

তর্ বেক শত্রুগুনে তঅ বিরুদ্ধে মুয়োনি দাঙর্ গুরি আহ্ গোজ্যন্; তারা ঠাট্টা-মশ্‌‌‌কারি গুরিনে দাদ্ কামেড়েনে কন্, “তারে আমি গিলি ফেল্যেই। এ দিন্নোত্তে আমি বাজ্জেই রোইয়্যেই আর সিবে দেগিলোং।”

যিহিষ্কেল 26:2

ও মান্‌জ্যর্ পুয়োবো, যিরূশালেম পৌইদ্যেনে সোর হুজি ওইনে কোইয়্যেদে, বেশ্ ওইয়্যে, জাদ্‌তুনোর আজল্ গেইট্টো ভাঙি যেইয়্যে আর দোরানি মইধু পুরোপুরি খুলি যেইয়্যে; শঅরান্ ইক্কিনে ভস্ত ওইনে পুড়ি আঘে বিলিনে মর্ ভালেদি অবঅ।

যোয়েল 3:14

সাজা দিবার কলগ্‌কানত্ বোউত্ মান্‌‌‌জ্য ভিড়্, বোউত্ মান্‌জ্যর ভিড়্,‌‌ কিত্যে সাজা দিবার কলগ্‌কানত্ লগেপ্রভুর দিনুন্ কায়কুরে লুম্মেগি।

ফগদাং পেইয়্যে 18:6

তে অন্যগুনো সমারে যেবাবোত্যে বেবহার গোজ্জ্যে তা সমারেয়ো সেবাবোত্যে বেবহার গর্; তা কামানির্ পুরোপুরি ফল তারে দে। যে গলজ ভিদিরে তে অন্যগুনোত্যে ভান্ন্যেই মিজেদ, সিয়েনত্ তার পুরোপুরি সাজা মিজেইনে তারে হেবাত্যে দে।