আবিলেচ্ 1:2 - Chakma Bible

² তে রেদোত্ অমকদ কানে, চোগো পানিয়ে তা গালান্ ভিজি যায়। তা লাঙেগুনোত্তুন্ তারে বুঝেবার একজন্‌অ নেই। তা সমাজ্যেগুন বেক্কুনে তা উগুরে কুজুরোমি গোজ্যন্; তারা বেক্কুনে তার শত্রু ওইয়োন্।

আবিলেচ্ 1:2 Iomraidhean Croise

ইয়োব 6:15

মাত্তর্‌ মঅ‌ সমাজ্যেগুনো উগুরে দঅ‌ বিশ্বেজ্ গরা ন-যায়; তারা এন্‌ গঙার ধোক্ক্যেন্‌ যিয়েন্‌ পেরায় বন্ধ ওই যায়, আরঅ মাঝে মধ্যে ডাগেত্তুন্‌ ঠিলি উদোন্‌।

ইয়োব 7:3

সেধোক্ক্যেন্‌ গুরিনে মাসর্‌ পর্‌ মাস কুসাৎ মঅ ভাগত্‌ পোজ্যে; মুই রেত্‌কে রেত্‌ বানা দুঘ্‌ পেইয়োং।

গীতসংহিতা 126:5

যিগুনে চোগো পানি ফেলেই ফেলে বীজ লাগান্ তারা হুজিয়ে রঅ ছাড়দে ছাড়দে খেত্‌খেত্তি কাবিবাক্।

গীতসংহিতা 31:11

শত্রুগুনে মরে চোগোশাল্ ইজেবে দেগদন্, মর্ সমাজ্যেগুনো ইদু সিয়েনি গোজ্যন্। চিনে পরিচয় মানুচ্চুনো ইদু মুই এক্কো দর্‍গরেপারা; মানুচ্চুনে মরে পদথ্ দেগিলে ধেই যান্।

গীতসংহিতা 6:6

মুই ফবাদে ফবাদে বল্ পোজ্যে ওই পোজ্যং; সারা রেত্ কানি কানি মুই বিচ্ছোনান্ ভিজেয়োং, চোগো পানিয়ে মঅ খাট্‌‌তান্ ভিজাং।

গীতসংহিতা 69:21

মর্ হানাগানত্ তারা বিষ দুয়োন্ আর পানি তিরেজর্ সময়োত্ দুয়োন সিরকা।

গম্ উপদেজ্ 19:7

নাঢা মান্‌জ্যরে তা কুদুম্মোগুনে বেক্কুনে যেক্কে চোগেদি ন-দেগন্ সেক্কেনে ইয়েন ঘেচ্চেক্‌গুরি তা সমাজ্যেগুনে তাত্তুন্ দূরোত্ থেবাক্; তা কোজোলীলোই তারা কান ন-পাদিবাক্।

যিরমিয় 13:17

তুমি যুনি কধা ন-শুনো সালে তমা বাড়্‌বোগানত্তে মুই গুমুরে গুমুরে কানিম্, জদবদে কানিম্ আর মঅ চোগ্‌কুন চোগো পানিয়ে ভাজি যেবাক্, কিত্তে লগেপ্রভুর মানুচ্চুনোরে বন্দী গুরি নেযা অবঅ।‌‍‍‍

যিরমিয় 2:25

তুই উজিয়ার অ, ন-অলে তর্ টেঙর্ জদানি বর্‌বাত্ ওই যেবঅ আর তর্ রবুয়োও শুগেই যেবঅ। মাত্তর্ তুই কত্তে, কনঅ লাভ নেই। মুই দেব-দেবদাগুনোরে গম্ পাং, তারা পিজেদি মুই যেম্। ‍‍

যিরমিয় 3:1

লগেপ্রভু কোইয়্যেদে, যুনি কনঅ মান্‌জ্যে তা মোক্কোরে ছাড়ি দে আর সে মিলেবো তারে ছাড়িনে অন্য মান্‌জ্যরে লয়, সালে সে মরত্তোর্ কি আরঅ সেই মিলেবো ইধু ফিরি যেবার সুদোম্ আঘে? যুনি যায় সালে সে দেজ্‌চান পুরোপুরি অসিজি ওই যেবঅ। মাত্তর্ তুই দঅ ভালোক্কুনো সমারে থেইনে বেশ্যে ধোক্ক্যেন জিংকানি কাদেয়োচ্; ইক্কিনে তুই কেধোক্ক্যেন গুরিনে মইধু ফিরি এবে?‌‌‌‌‌

যিরমিয় 30:14

তর্ বেক লাঙুনে তরে ভুলি যেয়োন; তারা তঅ পৌইদ্যেনে চিদে ন-গরন। মুই তরে শত্রুর আঘাত ধোক্ক্যেন আঘাত গোজ্যং আর চিৎ-কোল্জ্যে নেইয়্যে মান্‌জ্য ধোক্ক্যেন সাজা দুয়োং, কিত্তে তর্ অন্যেয়ান অমকদ বেশ্ আর তঅ পাপ্‌‌‌পান বোউত্।

যিরমিয় 4:30

ও ভস্ত ওইয়্যে সেই শঅরান, তুই কি গুরিবে? কিত্তে রাঙা রংয়র কাবড় আর সোনার গহনা পিন্যচ্? কিত্তে চোগোত্ কাজল্ গুল্যচ্? তুই অনত্তক্ নিজোরে সাজেয়োজ্। তর্ লাঙুনে তরে ঘিনেবাক্, তারা তঅ পরাণান নিবার চেট্ট্যা গুরিবাক্।

যিরমিয় 9:1

হায়, মঅ মাঢাবো যুনি পানির ঝুর্‌ঝুরি অদঅ, আর মঅ চোগ্‌কো অদঅ পানির পয়নালা! সালে মঅ জাদর্ যে মানুচ্চুনোরে মারে ফেলা ওইয়্যে তারাত্তে মুই দিনে রেদে কানিদুং।‌‌‌

আবিলেচ্ 1:19

মঅ লাঙেগুনোরে মুই ডাগিলুং মাত্তর্ তারা মল্লোই বেঈমানী গুরিলাক্। মর্ ধর্মগুরুগুন আর বুড়ো নেতাগুন নিজোরে বাঁজেই রাগেবাত্তে হানা তগাদে তগাদে শঅর ভিদিরে শেজ্ ওই গেলাক্।

আবিলেচ্ 1:21

মান্‌জ্যে মর্ ভঅ নিজেস্‌চো শুন্যন্, মাত্তর্ মরে বুঝেবার কনজন নেই। বেক্ শত্রুগুনে মঅ দুঘো কধানি শুন্যন্; তুই যিয়েন গোজ্যস্ সিয়েন দেগিনে তারা ফুত্তি গরদন্। যে দিন্নোর্ কধা তুই ফগদাং গোজ্যস্ সেই দিন্নো আন্ যেনে তারা মঅ ধোক্ক্যেন ওই পারন্।

আবিলেচ্ 1:9

তা কজরাগানি তা কাবড়ানিত্ বাজি আঘে; তার্ আগাম্ কধানি তে চিদে ন-গরে। তে অমকদ পড়ি যেইয়্যে; তারে বুঝেবার কনজন নেই। তে কত্তে, “ও লগেপ্রভু, মঅ দুঘ্‌কান চাহ্‌‌‌‌, কিত্তে শত্রগুনে জিদি যেইয়োন।”

আবিলেচ্ 2:11

কানদে কানদে মঅ চোগ্‌কুন চিবে চিবে ওইয়োন, মঅ ভিদিরেয়ো যন্ত্রণা অর্; মঅ মানুচ্চুন ভস্ত ওইয়োন, আর ঝি-পুয়োগুনে আহ্ চিগোন গুরোগুনে শঅরর্ খুলো জাগানিত্ অজ্ঞান ওইনে পড়ি আগন্। সেনত্তে মঅ মনান্ যেন মাদিত্ ঢুলি পোজ্যে।

যিহিষ্কেল 16:37

সিয়েনত্তে মুই তর্ সেই বেক্ লাঙেগুনোরে এগত্তর্ গুরিম যিগুনো সমারে তুই ফুত্তি গোজ্যস্। যিগুনোরে তুই কোচ্‌পেইয়োচ্ আর যিগুনোরে ঈচ্ গোজ্যস্ তারারে বেক্কুনোরে মুই এগত্তর্ গুরিম। মুই চেরোকিত্তেত্তুন্ তঅ বিরুদ্ধে তারারে এগত্তর্ গুরিম আর তারা মুজুঙোত্ তর্ বেক্ কাবড়-চুগোড়ানি খুলি দিম যেনে তারা তর্ লাংটা-বাংটাগান দেগন্।

হোশেয় 2:7

তে তার্ লাঙেগুনো পিজেদি যেবঅ মাত্তর্ তারারে ধুরি ন-পারিবো; তে তারারে তোগেব মাত্তর্ ন-পেবঅ। সেক্কে তে কবঅ, মুই মর্ পত্তম্ নেক্কো ইধু ফিরি যেইম্, কিত্যে সেক্কে মুই ইত্তুন্ বেশ্ গমে এলুং।

মীখা 7:5

কনঅ পাড়াল্যে উগুরে ভরসা ন-গোজ্য, কনঅ সমাজ্যে উগুরে বিশ্বেজ্ থিদেবর্ ন-গোজ্য; এমন কি, যে মিলেবো তঅ বুগো উগুরে পড়ি থায় তাইদু কধা কদে উজিয়ার অ,

ফগদাং পেইয়্যে 17:13

এই রাজাগুনোর উদ্দেচ্য এক্কুই, আর তারা বেক্কুনে তারার্ খেমতা আর অধিকার সেই য়েমান্নোরে দিবাক্।

ফগদাং পেইয়্যে 17:16

তুই যে দোচ্চো শিং দেখ্যচ্ সিগুনে আর সেই য়েমান্নো সেই বেশ্যেবোরে ঘিনেবাক্। তারা তারে ভস্ত আর লাংদা গুরিবাক্ আর তা য়েরাগান্ হেবাক্; সে পরেদি তারে আগুন্দোই পুড়ি ফেলেবাক্।