আবিলেচ্ 1:17 - Chakma Bible

¹⁷ সিয়োনে তা আঢ্‌‌‌তানি বাবেই দিয়্যে, মাত্তর্ তারে বুঝেবার কনজন নেই। লগেপ্রভু যাকোবত্তে এ উগুমান দিয়্যে, তা পাড়াল্যেগুন তার শত্রু অবঅ। তারা ভিদিরে যিরূশালেমান ওইয়্যেদে এক্কান অসিজি জিনিস।

আবিলেচ্ 1:17 Iomraidhean Croise

১ রাজাবলী 8:22

সে পরেন্দি শলোমনে সিয়েনত্‌ এগত্তর্‌ ওইয়্যে ইস্রায়েলীয়গুনোর মুজুঙোত্‌ লগেপ্রভুর ডালিঘর ইদু থিয়্যেইনে স্বর্গন্দি আঢ্ তুলিলো।

১ রাজাবলী 8:38

সেক্কে যুনি তঅ মানুচ্‌ ইস্রায়েলীয়গুনে কনজনে আবিলেচ্‌ হেইনে মনত্‌ দুগে এ তবনা-ঘর ইন্দি আঢ্ বাড়েইনে কনঅ তবনা বা কোজোলি গরন,

২ রাজাবলী 25:1

সিদিকিয়োর রাজাগিরির্‌ নয় বজর দশ মাজর্‌ দশ দিনোত্‌ বাবিলোর রাজা নবূখদ্‌নিৎসরে তার্‌ বেক্‌ সৈন্যদলুন্‌ লোইনে যিরূশালেমর বিরুদ্ধে যুদ্ধো আরাম্ভ গুরিলো। তে শঅর বারেন্দি তাম্বুল ফেলেল আর শঅর চেরোকিত্তে চুগি থেবার্‌ ঘর্‌ বানেল।

উপদেশক 4:1

বেলান তলেদি যেদক্কানি অত্যেচার্ অয় সিন্দি মুই একবার্ রিনি চেয়োং, অত্যেচার্ ওইয়্যেগুনে কানদন্, মাত্তর্ তারারে বুঝেবার্ কনজন্ নেই। যিগুনে অত্যেচার্ গরন্ তারার্ আঢত্ খেমতা আঘে, মাত্তর্ অত্যেচার্ ওইয়্যেগুনোরে বুঝেবার্ কনজন্ নেই।

যিশাইয় 1:15

তবনা গুরিবাত্তে যেক্কে তুমি আঢ্ তুলিবা সেক্কে মুই তমাত্তুন্ মঅ চোগ্‌কুনোরে ফিরেই নিম্। যুনিয়ো বা বোউত্ তবনা গরঅ মুই সিয়েনি ন-শুনিম্, কিত্তে তমা আঢ্‌তানি লোলোই ভরা।

যিশাইয় 54:11

লগেপ্রভু কত্তে, ও ঝড়ে আঘাত্ পেইয়্যে, সান্তনা ন-পেইয়্যে অত্যেচার ওইয়্যে শঅরান্, মুই তরে জোল্‌‍‌‌জোল্যে পাত্তর্‌লোই বানেবাত্তে যাঙর্ আর তর্ গড়াগান নীলকান্ত মণিলোই গাড়েম্।

যিরমিয় 12:9

মঅ সোম্বোত্তিগান মইধু অদ্ভূদ রংয়র শিগেরী পেগো ধোক্ক্যেন ওইয়্যে, যিবেরে অন্য শিগেরী পেগ্‌কুনে ঘিরিনে আক্রমণ গোজ্যন্। তুই যেইনে বেক্ ঝার্‌‌‌‌বো য়েমানুনোরে এগত্তর্ গুরিনে আন যেন তারা হেই পান। ‌

যিরমিয় 15:5

“ও যিরূশালেম, কন্না তঅ উগুরে দোয়্যে গুরিবো? কন্না তঅ উগুরে আবিলেচ্ গুরিবো? তুই কেজান আগচ্ সিয়েন পুযোর্ গুরিবাত্তে কন্না এবঅ?

যিরমিয় 16:6

এ দেজত্ চিগোন-দাঙর্ বেক্কুনে মুরি যেবাক্। কনজনে তারারে গোর্‌অ ন-দিবাক্, তারাত্তে আবিলেচ্অ ন-গুরিবাক্ আর কনজনে তারাত্তে নিজো কিয়্যেগান কাবাকাবিয়ো ন-গুরিবাক্, নিজোর মাঢাবোয়ো ন-মুড়েবাক্।

যিরমিয় 34:22

মুই তারারে উগুম দিইনে এ শঅরত্ ফিরেই আনিম। তারা এ শঅর বিরুদ্ধে যুদ্ধো গুরিবাক্ আর সিয়েন গজক্ গুরিনে পুড়ি দিবাক্। মুই যিহূদার শঅরানিরে ভস্ত গুরিনে মানুচ্ নেইয়্যে গুরিম।”

যিরমিয় 4:31

এক্কো মিলের্ পুয়ো পুদেবার পীড়েগান কানানা ধোক্ক্যেন, পোইল্যা পুয়োবো পুদোনার পীড়েগান কানানা ধোক্ক্যেন সিয়োন-ঝিবোর কানানিগান মুই শুন্যং। তে নিজেস্ টানিবাত্তে ফবার্ আর আঢ্ বাবেইনে কত্তে, “হায়! মুই অজ্ঞ্যেন ওই যাঙর্, খুনীগুনে মরে শেজ্ গুরি ফেলাদন্।”

যিরমিয় 6:3

গরগ্‌কুনে যেবাবোত্যেগুরি ভেড়া পাল্লোই এজন্ সেবাবোত্যেগুরি রাজাগুনে তারার সৈন্যদলুন্দোই তা বিরুদ্ধে এবাক্; সিয়েনর চেরোকিত্তে তারা তাম্বুল টাঙেবাক্ আর যে যার্ জাগানত্ থেবঅ।‌‌‌

যিরমিয় 8:18

মর্ দুঘ্‌খোগান এদক্ বেশ্, সিয়েনর সান্ত্বনা নেই; মঅ ভিদিরে মঅ মনানে অমকদ দুঘ্ পার্।‌‌

আবিলেচ্ 1:16

সেনত্তে মুই কানঙর্, মঅ চোগ্‌কুন পানিয়ে ভাযি যার্। মরে বুঝেবাত্তে মইদু কনজন নেই, কনজন নেই যে মঅ পরাণান জুড়েই দে। মঅ ঝি-পুয়োগুনে গায় গায় ওই যেইয়োন, কিত্তে শত্রুগুনে জিদি যেইয়োন।”

আবিলেচ্ 1:19

মঅ লাঙেগুনোরে মুই ডাগিলুং মাত্তর্ তারা মল্লোই বেঈমানী গুরিলাক্। মর্ ধর্মগুরুগুন আর বুড়ো নেতাগুন নিজোরে বাঁজেই রাগেবাত্তে হানা তগাদে তগাদে শঅর ভিদিরে শেজ্ ওই গেলাক্।

আবিলেচ্ 1:2

তে রেদোত্ অমকদ কানে, চোগো পানিয়ে তা গালান্ ভিজি যায়। তা লাঙেগুনোত্তুন্ তারে বুঝেবার একজন্‌অ নেই। তা সমাজ্যেগুন বেক্কুনে তা উগুরে কুজুরোমি গোজ্যন্; তারা বেক্কুনে তার শত্রু ওইয়োন্।

আবিলেচ্ 1:21

মান্‌জ্যে মর্ ভঅ নিজেস্‌চো শুন্যন্, মাত্তর্ মরে বুঝেবার কনজন নেই। বেক্ শত্রুগুনে মঅ দুঘো কধানি শুন্যন্; তুই যিয়েন গোজ্যস্ সিয়েন দেগিনে তারা ফুত্তি গরদন্। যে দিন্নোর্ কধা তুই ফগদাং গোজ্যস্ সেই দিন্নো আন্ যেনে তারা মঅ ধোক্ক্যেন ওই পারন্।

আবিলেচ্ 1:8

যিরূশালেমানে অমকদ পাপ গোজ্যে, সেনত্তে তে অসিজি ওই যেইয়্যে। যিগুনে তারে সর্মান গুরিদাক্ তারা বেক্কুনে তারে ঈচ্ গত্তন্, কিত্তে তারা তার্ লাংতা-বাংতা অবস্থাগান্ দেখ্যন; তে ভঅনিজেস্ ফেলার্ আর মুয়োন লুগোর্।

আবিলেচ্ 1:9

তা কজরাগানি তা কাবড়ানিত্ বাজি আঘে; তার্ আগাম্ কধানি তে চিদে ন-গরে। তে অমকদ পড়ি যেইয়্যে; তারে বুঝেবার কনজন নেই। তে কত্তে, “ও লগেপ্রভু, মঅ দুঘ্‌কান চাহ্‌‌‌‌, কিত্তে শত্রগুনে জিদি যেইয়োন।”

আবিলেচ্ 4:15

মান্‌জ্যে যগার্ পারিনেই তারারে কদন্, “সরি যঅ, তুমি ফি-বলা। সরি যঅ, সরি যঅ, আমারে ন-ধোজ্য।” তারা ধেই যেইনে ঘুরি বেড়েয়োন্; অন্য জাদ মানুচ্চুনে কধন্, “তারা ইধু আর থেই ন-পারিবাক্।”

যিহিষ্কেল 36:17

ও মান্‌‌‌‌‌‌‌জ্যর পুয়োবো, ইস্রায়েলীয়গুনে নিজো দেজত্ বজত্তি গুরিবার অক্তত্ তারার আচার-বেবহার আর কামেদি দেজ্‌‌‌‌‌‌‌‌চান অসিজি গোজ্যন্। মঅ চোগেদি তারার্ আচার-বেবহারানি এলদে মিলেগুনোর্ মাসিগো অসিজি ধোক্ক্যেন।

হোশেয় 8:8

ইস্রায়েলীয়গুনোরে গিলি ফেলা ওইয়্যে; বাজে জিনিজো ধোক্ক্যেন তারা ইক্কিনে নানান্ জাদ ভিদিরে রোইয়োন।