আবিলেচ্ 1:14 - Chakma Bible

¹⁴ মর্ বেক পাপ্‌‌‌পানি তে জুঙোল ধোক্ক্যেন বান্যে: তে আঢ্‌তোই সিয়েনি একসমারে বুন্যে। সিয়েনি মঅ গত্তনাবো উগুরে দিয়্যে ওইয়্যে; লগেপ্রভু মঅ খেমতাগানরে বল্‌পোজ্যে গোজ্যে। যিগুনোরে মুই মানা গুরি ন-পারং তারা আঢত্ তে মরে তুলি দিয়্যে।

আবিলেচ্ 1:14 Iomraidhean Croise

গম্ উপদেজ্ 5:22

পাজি মানুচ্চো তা ভান্ন্যেই কামর ফালত্ পড়ে, তে নিজো পাপ দুড়িত্ বানা হায়।

যিশাইয় 14:25

মঅ দেজ্‌‌ছান ভিদিরে মুই আসিরিয়ার্ রাজারে চুর্‌‌মার্ গুরিম আর মঅ মুড়ো-মুড়িগুনো উগুরে তারে টেঙোই উড়িম্। সেক্কে মঅ মানুচ্চুনো ইত্তুন্ তা জুঙোলান্ দূর্ ওই যেবঅ আর তারার্ কানাগানিত্তুন্ তা বুধিবো সুরি যেবঅ।”

যিশাইয় 47:6

মঅ মানুচ্চুনো উগুরে মঅ রাগ্‌‌কান জুলি উঠ্যে আর মঅ সোম্বোত্তিগানরে মুই অসিজি অবাত্তে দুয়োং। তারারে মুই তঅ আঢত্ তুলি দুয়োং আর তুই তারা উগুরে কনঅ মেয়্যে ন-দেগাচ্। এমন্ কি, বুড়ো মানুচ্চুনো উগুরেয়ো তুই গুয়োর্ বুদি চাপি দুয়োচ্।

যিরমিয় 25:9

সেনত্তে মুই উত্তোরর্ বেক জাদ্‌তুনোরে আর মর্ চাগর বাবিলোর রাজা নবূখদ্‌নিৎসররে ডাগি আনিম। এ দেজ্‌‌‌‌চান আর তা আদাম্মেগুনোর বিরুদ্ধে আর চেরোকিত্যে বেক জাদ্‌তুনোর বিরুদ্ধে মুই তারারে আনিম। মুই সেই মানুচ্চুনোরে পুরোপুরিভাবে ভস্ত গুরি দিম আর অমকদ দরর্ আর ঈচ্ গরেপারা গুরিম; তারা দেজ্‌‌‌‌চান মুই জিংকানিবরর্ ভস্তর্ জাগা গুরিম।‌

যিরমিয় 27:12

যিহূদার রাজা সিদিকিয়রে মুই সে একই হবরান্ দিইনে কলুং, “বাবিল রাজার জুঙোল তলে তুমি তমার গত্তনাগুন্ লঙ; তার আর তা মানুচ্চুনোর চাগর অন, সেক্কে তুই বাঁজিবে।

যিরমিয় 27:8

“ ‘মাত্তর্ কনঅ জাদে বা রেজ্যই যুনি বাবিলোর রাজা নবূখদ্‌নিৎসরর চাগর ন-অয় বা তা জুঙোলান তলে কানাগান ন-দে সালে মুই সে জাদ্‌‌‍‌‌‌‌‍‍‍‍তোরে যুদ্ধো, ভাদরাত আর ভানা দিইনে সাজা দিম যেদক্কন সং মুই তা আঢ্‌‌‍‌‌‌‌‍‍‍তানিলোই সে জাদ্‌‌‍‌‌‌‌‍‍তোরে ভস্ত ন-গরং।‍‍‍

যিরমিয় 28:13

“তুই যেইনে হনানিয়রে কবে, লগেপ্রভু কোইয়্যেদে, ‘তুই গাজ জুঙোলান ভাঙি ফেলেয়োচ্ মাত্তর্ তা জাগানত্ দিয়া অবঅ লুয়োর্ জুঙোল্।

যিরমিয় 28:14

মুই ইস্রায়েলর গোজেন বেগত্তুন খেমতাবলা লগেপ্রভু কঙর্, এ জাদ্‌তুনে যেনে বাবিলোর রাজা নবূখদ্‌নিৎসরর চাগর্ অন্ সেনত্তে মুই তারার গত্তনাগুনোত্ লুয়োর্ জুঙোলান চাপি দিম্, আর তারা তার্ সেবা গুরিবাক্‌‍‍‍কে গুরিবাক। এন্ কি, মুই তারে ঝার্‌‍বো এ্যামানুনো উগুরেয়ো সদ্দার্ বানেম‍।’ ”

যিরমিয় 32:3

কিত্তে যিহূদার রাজা সিদিকিয় এ কধাগান কোইনে তারে বন্দী গোজ্যে, তুই এ কধাগান কোইনে আগামকধা গোজ্যস্, লগেপ্রভু কোইয়্যেদে, “মুই এ শঅরানরে বাবিলো রাজা আঢত্ তুলি দিবাত্তে যাঙর্ আর তে সিয়েন গজক্ গুরিবো।

যিরমিয় 32:5

বাবিলোর রাজা সিদিকিয়রে বাবিলোত্ নেযেবে আর যেদক্কন সং মুই তাইন্দি মনযোগ ন-দিম্ সেদক্ ভিলোন সং তে সিদু থেবঅ। সেনত্তে বাবিলীয়গুনো সমারে যুদ্ধো গুরিলেয়ো তুমি ফোলেই ন-পারিবা। ”

যিরমিয় 37:17

সে পরেদি রাজা সিদিকিয় মানুচ্ পাধেইনে তারে রাজঘরত্ ডাগি আনিনে ভিদিরে ভিদিরে পুযোর্ গুরিলো, “লগেপ্রভুর কনঅ কধা আঘে নাকি?” জোবত্ যিরমিয় কলঅ, “অয়, আঘে। তরে বাবিল রাজার আঢত্ তুলি দিয়্যে অবঅ।”

যিহিষ্কেল 11:9

মুই শঅরত্তুন্ তমারে লোড়েইনে নিগিলে দিইনে বিদেশীগুনো আঢত্ তুলি দিম আর তমারে সাজা দিম্।

যিহিষ্কেল 21:31

মঅ রাগ্‌‌‌‌‌কান মুই তমা উগুরে ঢালি দিম আর তমা বিরুদ্ধে মর্ অমকদ রাগর্ আগুনোত্ ফুন্ দিম। মুই তমারে এমন চিৎনপুজ্যে মান্‌‌‌‌‌‌‌জ্য আঢত্ তুলি দিম যিগুনে ভস্ত গুরিবার কামত্ কাবিল্।

যিহিষ্কেল 23:28

তুই যিগুনোরে ঈচ্ গরচ্, যিগুনোর ইন্দিত্তুন্ তুই ফিজ্যস্ তারা আঢত্ মুই তরে তুলি দিম।

যিহিষ্কেল 25:4

সেনত্তে মুই পুগেদি দেজর্ মানুচ্চুনো আঢত্ তমারে তুলি দিম। তারা তমা দেজত্ তারারে তাম্বুল টাঙেইনে তমা ভিদিরে বজত্তি গুরিবাক্; তারা তমাত্তুন্ ফল আর দুধ হেবাক্।

যিহিষ্কেল 25:7

সেনত্তে তমা বিরুদ্ধে মুই মঅ আঢ্‌‌‌‌তানি বাড়েম্ আর লুদেয়্যে মাল্ ইজেবে অন্য জাদ আঢত্ তমারে তুলি দিম। অন্য জাদ আর দেজ ভিদিরেত্তুন্ মুই তমারে সুলিনে ভস্ত গুরি দিম। সেক্কে তুমি হবর্ পেবা, মুয়ই লগেপ্রভু।’”

হোশেয় 5:14

মুই ইফ্রয়িম ইধু আর যিহূদা ইধু সিংহ ধোক্ক্যেন অবঅ। মুই তারারে কট্টা কট্টা গুরি ছিনি ফেলেইনে যেইম্; মুই তারারে নেযেম, তারারে উদ্ধোর্ গুরিবাত্তে কনজন ন-থেবাক্।

মীখা 2:3

সেনত্তে লগেপ্রভু কত্তে, “তমা বিরুদ্ধে মুই অমংগলর পরিকল্পনা গোজ্যং যিয়েনত্তুন্ তুমি নিজোরে রোক্ষ্যে গুরি ন-পারিবা। তুমি আর বাড়্‌বো গুরিনে ন-চলিবা, কিত্যে সময়ান অবঅ দযার্।