আবিলেচ্ 1:11 - Chakma Bible

¹¹ তার বেক্ মানুচ্চুনে ভঅনিজেস্ ফেলাদে ফেলাদে হানা তগাদন্; নিজোরে বাঁজেই রাগেবাত্তে তারা হানার্ বদলে তারার মূল্যবান পযাপিরানি দি দুয়োন্। যিরূশালেমে কত্তে, “ও লগেপ্রভু, রিনি চাহ্, ভাবি চাহ্, মরে ঈচ্ গরা ওইয়্যে।

আবিলেচ্ 1:11 Iomraidhean Croise

২ রাজাবলী 6:25

সেক্কে শঅরত্‌ অমকদ ভাদরাত্‌ দেগা দিলো। এ ঘিরেনাগান্‌ এদকদিন ধুরি চলিলোদে, এক্কো গাধার মাধা পেরায় এক কেজি রূবোলোই আর এক পাবা কোদোরোর্‌ ঘু সাত গ্রাম রূবোলোই বেজা যেদঅ।

ইয়োব 40:4

“মুই দঅ অযোগ্য, মুই কেধোক্ক্যেন গুরিনে তরে জোব্ দিম? মর্ মুগান্ মুই আঢ্‌তোই চিবি দুয়োং।

গীতসংহিতা 79:4

পাড়াল্যেগুনো ইদু আমি মুয়োন দেগেই ন-পারির্, আমা চেরোকিত্যে মানুচ্চুনোর ইদু ঈচ্ গরা হেইয়্যে মানুচ্ ওইয়্যেই।

যিরমিয় 15:19

সেক্কে লগেপ্রভু কলঅ, “তুই যুনি মনান্ ফিরাজ সালে মুই তরে আগ অবস্থাত্ ফিরেই আনিম যেনে তুই মরে সেবা গুরি পারচ্; যুনি তুই বাজে কধা ন-কোইনে মূল্যবান কধা কচ্ সালে তুই মর্ মুয়োন ওইনে কধা কবে। এ মানুচ্চুনে তন্দি ফিরোদোক্, মাত্তর্ তুই তারা ইন্দি ন-ফিরিবে।

যিরমিয় 19:9

তারার শত্রুগুন, অত্তাৎ যিগুনে তারারে মারে ফেলেবাত্তে চান তারা যেক্কে তারারে ঘিরিবাক্ সেক্কে সে দুঘোর্ সময়োত্ মুই তারার ঝি-পুয়োগুনোর য়েরাগান তারারে হেবাত্তে বাধ্য গুরিম আর তারা একজনে আর একজনর য়েরা হেবাক্।

যিরমিয় 38:9

“ও মর্ প্রভু মহারাজ, এ মানুচ্চুনে ভাববাদী যিরমিয় উগুরে যিয়েনি গোজ্যে সিয়েন অন্যেয়। তারা তারে কূয়োবোত্ ফেলেই দুয়োন; তে সিয়েনত্ পেট্ পরায় মুরি যেবঅ, কিত্তে শঅরত্ আর রুটি নেই।”

যিরমিয় 52:6

চের্ মাজত্ নয় দিনোত্ শঅরত্ ভাদরাদর্ অবস্থা এদক্ বেশ্ অলঅ যে, মানুচ্চুনোর্ হেবাত্তে কিচ্চু ন-এলঅ।

আবিলেচ্ 1:8

যিরূশালেমানে অমকদ পাপ গোজ্যে, সেনত্তে তে অসিজি ওই যেইয়্যে। যিগুনে তারে সর্মান গুরিদাক্ তারা বেক্কুনে তারে ঈচ্ গত্তন্, কিত্তে তারা তার্ লাংতা-বাংতা অবস্থাগান্ দেখ্যন; তে ভঅনিজেস্ ফেলার্ আর মুয়োন লুগোর্।

আবিলেচ্ 1:9

তা কজরাগানি তা কাবড়ানিত্ বাজি আঘে; তার্ আগাম্ কধানি তে চিদে ন-গরে। তে অমকদ পড়ি যেইয়্যে; তারে বুঝেবার কনজন নেই। তে কত্তে, “ও লগেপ্রভু, মঅ দুঘ্‌কান চাহ্‌‌‌‌, কিত্তে শত্রগুনে জিদি যেইয়োন।”

আবিলেচ্ 2:11

কানদে কানদে মঅ চোগ্‌কুন চিবে চিবে ওইয়োন, মঅ ভিদিরেয়ো যন্ত্রণা অর্; মঅ মানুচ্চুন ভস্ত ওইয়োন, আর ঝি-পুয়োগুনে আহ্ চিগোন গুরোগুনে শঅরর্ খুলো জাগানিত্ অজ্ঞান ওইনে পড়ি আগন্। সেনত্তে মঅ মনান্ যেন মাদিত্ ঢুলি পোজ্যে।

আবিলেচ্ 2:12

তারা তারার্ মাগুনোরে কন্, “রুটি আর আংগুর-রস কুদু?” ইয়েন কোইনে তারা শঅরর্ খুলো জাগায়ানিত্ আহত মান্‌‌জ্য ধোক্ক্যেন অজ্ঞান ওই পোজ্যন; মা করত্ তারার্ জিংকানিগানি শেজ্ ওই যার্।

আবিলেচ্ 2:20

ও লগেপ্রভু, চাহ্, ভাবি চাহ্, তুই দঅ আর্ কারঅ উগুরে এবাবোত্যে বেবহার ন-গরচ্? মিলেগুনে কি তারার্ নিজো পুয়ো-ছাগুনোরে হেবাক্ যিগুনোরে তারা পালেয়োন? প্রভুর সুদ্ধো-সাংগ জাগানত্ কি ধর্মগুরু আর ভাববাদীগুনোরে মারে ফেলা অবঅ?

আবিলেচ্ 5:1

ও লগেপ্রভু, আমা উগুরে যিয়েনি ঘোট্যে সিয়েনি ইদোত্ তুলি চাহ্; তুই রিনি চাহ্, আমা অগমানানি চাহ্।