যিহোশূয় 9:9 - Chakma Bible

⁹ জোবত্‌ তারা কলাক্‌, “তঅ‌ গোজেন লগেপ্রভুর সুনাং শুনিনে তর্‌ এই চাগরুনে বোউত্‌ দূর দেজত্তুন এচ্চ্যন্‌। তে মিসর দেজত্‌ যিয়েনি গোজ্যে সে হবরানি আমি পেইয়্যেই।

যিহোশূয় 9:9 Iomraidhean Croise

১ রাজাবলী 8:41

ইয়েন বাদেয়ো তঅ মানুচ্‌ ইস্রায়েলীয় নয় এধোক্ক্যেন কনঅ বিদেশী তর্‌ দাঙর্ নাঙান, তর্‌ খেমতাগান আর বাড়েই দিয়্যে আদঅ কধা শুনিনে তরে তবনা গুরিবাত্তে যেক্কে দূর দেজত্তুন্‌ এইনে এ তবনা-ঘরন্দি ফিরিনে তবনা গুরিবাক্,

নহিমিয় 9:5

পরেন্দি লেবীয়গুনো ভিদিরেত্তুন্‌ যেশূয়, কদ্‌মীয়েল, বানি, হশব্‌নিয়, শেরেবিয়, হোদিয়, শবনিয় আর পথাহিয় কলদে, “তুমি উদিনে তমার্‌ গোজেন্‌ লগেপ্রভুর বাঈনী গরঅ, যিবে পুরোণিকালত্তুন্‌ ধুরিনে জীংকানিবর্‌ আঘে।” সে পরেন্দি তারা ইয়েন্‌ কোইনে তবনা গুরিলাক্‌, ও লগেপ্রভু, তর্‌ মহিমাবলা নাঙর্‌ বাঈনী ওক্‌; আমার্‌ দিয়্যে বেক্‌ ভালেদিগানি আর নাঙ্ গিনেনাত্তুন্‌ তুই দাঙর্।

গীতসংহিতা 148:13

ইগুনে বেক্কুনে লগেপ্রভুরে নাঙ্ গিনোদোক্, কিত্তে বানা তেয়ই দাঙর্; পিত্‌থিমী আর আগাজ্‌চান উগুরেয়ো তারে বাঈনী গরন্।

গীতসংহিতা 72:19

জিংকানিবর্ তার মহিমাবলা নাঙানির্ নাং গিনে ওক্; পুরো দুনিয়াগান তার মহিমালোই পূরোন ওক্। আমেন, আমেন।

গীতসংহিতা 78:12

ইস্রায়েলীয়গুনোর পুরোণি মানুচ্চুনোর চোগো মুজুঙোত্ তে আমক অবার্ কাম গোজ্যে; মিসর আর সোয়ন চাগালাত্ তে সিয়েনি গোজ্যে।

গীতসংহিতা 83:18

তারা যেন হবর্ পান, তঅ নাঙান লগেপ্রভু, অয়, বানা তুয়ই গোদা দুনিয়াগানর দাঙর্ গোজেন।

যাত্রা 15:14

সেই কধানি শুনিনেই অন্য জাদ্‌তুনে জদবদে দরে গির্‌গিরেবাক্‌, আর পলেষ্টীয়গুনোর্‌ মনানি অমহদ দুগে নরম্‌ অবঅ‌।

যাত্রা 9:16

মাত্তর্‌ মুই তরে বাজেই রাগেয়োং যেনে তরে মঅ বলান্‌ দেগেই পারং আর গোদা পিত্‌থিমীত্‌ যেন মঅ নাঙান্‌ ফগদাঙ্‌ অয়।

যিশাইয় 55:5

ঘেচ্চেকগুরি, যে জাদ্‌তুনোরে তুমি ন-চিনিদা তারারে ডাগিবা আর সেই জাদ্‌‍‌‌‍‍‍‍তুনে, যিগুনে তমারে ন-চিনোন্ তারা ধাবা ধাবা এইনে তমা ইদু এবাক্। তমা গোজেন লগেপ্রভু, ইস্রায়েলর সেই সুদ্ধো-সাংগ মানুচ্চোত্তে তারা সিয়েন গুরিবাক্, কিত্তে তে তমারে বাঈনী পানালোই বর্‌‍‌‌‍‍‍‍‌‌‍পুনোং গোজ্যে।” ‍‍

যিশাইয় 66:19

লগেপ্রভু আরঅ কত্তে, “মুই তারা ইদু এক্কান চিহ্নো থিদেবর্ গুরিম আর যিগুনে বাঁজি থেবাক্ তারা ভিদিরেত্তুন্ কয়েকজনরে মুই জাদ্‌তুনো ইদু পাদেম্-তর্শীশ, পূল আর নাঙ্-গোজ্যে ধনুবলা লূদ, তূবল আর গ্রীস ইদু আর যেদক্কানি দূরো দেজ্ মর্ সুনাঙান ন-শুনে আর মর্ মহিমায়ো ন-দেগন্ তারা ইদু পাদেম্। তারা জাদ্‌তুনো ভিদিরে মর্ মহিমার কধাগান ফগদাং গুরিবাক্।‌‌‌‍‌‌‌‍

গণাণা 14:15

সেনত্তে তুই যুনি ইগুনোরে বেক্কুনোরে এক সমারে মারে ফেলাচ্‌ সালে যিদুক্কুন্‌ জাদ্ তর্‌ পৌইদ্যেনে সেই কধানি শুন্যন্‌ তারা কবাক্কে,

গণাণা 20:14

পরেদি মোশি কাদেশত্তুন্‌ মানুচ্‌ পাদেইনে ইদোম দেজর্‌ রাজাবোরে কোই পাদেল, “আমি, তর্‌ ইস্রায়েলীয় ভেইয়ুন, তরে এক্কান্‌ কধা কবাত্তে চেই। তুই আমার্‌ দুঘ-কষ্টর্‌ কধা জানচ্‌।

প্রেরিত্‌ 8:7

ভালোক্ জন ভিদিরেত্তুন্ ভান্ন্যেই আত্মাবো রঅ ছাড়িনে নিগিলি গেলঅ আর ভালোক্কুন্ বেশৎ রুগি আর লেং গম্ অলাক্।

দ্বি’লম্বর বিররণ 20:11

যুনি সেক্কে তারা রাজী ওইনে তারার্‌ গেট্টো খুলি দুয়োন সালে সিদুগোর্ বেক্‌ মানুচ্চুনে তমার অধীনোত্‌ অবাক্‌ আর তমাত্তে কাম্‌ গুরিবার বাধ্য থেবাক।

দ্বি’লম্বর বিররণ 20:15

যেদক্কানি শঅর তমা দেজত্তুন দূরোত আঘে, যিয়েনি তমার কায়কুরে জাদ্‌তুনোর্ শঅর নয়, সিগুনো উগুরে তুমি এবাবোত্যে গুরিবা।

যিহোশূয় 9:10

ইয়েনবাদে তে হিষবোনোর রাজা সীহোন আর অষ্টারোদত্‌ বজত্তি গুরিয়্যে বাসনর রাজা ওগ-যর্দনর পূগেন্দি এ দ্বিবে ইমোরীয় রাজারে যে দজাত্‌ ফেলেয়্যে সে কধানিয়ো আমি শুন্ন্যেই।

যিহোশূয় 9:16

গিবিয়োনীয়গুনো সমারে আঢ্ মিলেবার তিন দিন পরেদি ইস্রায়েলীয়গুনে শুনিলাক্‌, তারা আজলে তারার্‌ পাড়াল্যে আর তারা কায়কুরে বজত্তি গরন্‌।

যিহোশূয় 9:17

সেক্কে ইস্রায়েলীয়গুনে তারার্‌ চাগালান্দি যাহ্ ধুরিলাক্‌ আর তিন দিনোত্‌ সিদু যেইনে লুমিলাক্‌। তারার্‌ চাগালাত্‌‌ এলাক্কে গিবিয়োন, কফীরা, বেরোৎ আর কিরিয়ৎ-যিয়ারীম শঅরান্‌।

যিহোশূয় 9:24

জোবত্‌ তারা যিহোশূয়রে কলাক্‌, “এই গোদা দেজ্‌ছানই তমারে দিবাত্তে আর তমা মুজুঙোত্তুন্‌ এ দেজছানর্‌ বেক্কুনোরে পুজি ফেলেবাত্তে যে উগুমান তঅ‌ গোজেন লগেপ্রভু তা চাগর্‌ মোশিরে দিয়্যে সিয়েন গমেডালেই তর্‌ এই চাগরুনোরে কুয়ো ওইয়্যে। সেনত্তে তমা পৌইদ্যেনে বেক্‌ কধানি শুনিনে পরাণর দরে আমি এ কামানি গোজ্যই।