যিহোশূয় 9:7 - Chakma Bible

⁷ সেক্কে ইস্রায়েলীয়গুনে সে হিব্বীয়গুনোরে কলাক্‌, “যুনি সম্ভব অয় তুমি আমা ইদু থাগঅ‌। যুনি সিয়েনই অয় সালে কেধোক্ক্যেন্‌ গুরি আমি তমা লগে আঢ্ মিলেবং?”

যিহোশূয় 9:7 Iomraidhean Croise

পত্থম 10:17

হিব্বীয়, অর্কীয়, সীনীয়,

২ শমূয়েল 24:7

সে পরেন্দি তারা সোরর্‌ তাম্বুলোত্‌ আর হিব্বীয় আর কনানীয়গুনোর বেক্‌ শঅরানিত্‌ গেলাক্। যেরেন্দি তারা যিহূদার দোগিণে বের্‌-শেবাত্‌ গেলাক্।

যাত্রা 23:22

তুমি যুনি তা কধানি শুনো আর মুই যিয়েনি কোইয়োং সিয়েনি গরঅ‌ সালে মুই তমার শত্রুগুনোর্‌ শত্রু ওম্‌ আর যিগুনে তমা বিরুদ্ধে থিয়েবাক্ মুই তারা বিরুদ্ধেয়ো ঠিয়েম্‌।

যাত্রা 3:8

মিসরীয়গুনোর্‌ আঢত্তুন্‌ তারারে রোক্ষ্যে গুরিবাত্যে মুই লামি এচ্চোং। মুই তারারে সে দেজত্তুন্‌ নিগিলেনে কনানীয়, হিত্তীয়, ইমোরীয়, পরিষীয়, হিব্বীয় আর যিবূষীয়গুনো দেজত্‌ নেযেম্‌। দেজ্‌সান্‌ এদক্‌ দাঙর্‌ আর দোল্; সিয়েনত্‌ দুধ, মধু আর কনঅ কিজুর্‌ অভাব নেই।

যাত্রা 34:12

উজিয়ার্‌! যে দেজত্‌ তুমি যর্‌ সেই দেজর্‌ মানুচ্চুনো লগে তুমি কনঅ‌ চুক্তি ন-গুরিবা; সিয়েন্‌ গুরিলে তারা তমা ভিদিরে এক্কো ফাল্‌ ওইনে থেবাক্‌।

দ্বি’লম্বর বিররণ 20:16

মাত্তর্‌ তমার গোজেন লগেপ্রভু সোম্বোত্তি ইজেবে যিদুক্কুন জাদরে আদাম বা শঅর তমারে দিবাত্তে যার্‌ সিদুগোর্ কাররে তুমি বাঁজেই ন রাগেবা।

যিহোশূয় 11:19

বানা গিবিয়োনর্‌ আদাম্মে হিব্বীয়গুনে বাদে আর কনঅ‌ শঅরর্‌ মানুচ্চুনে ইস্রায়েলীয়গুনো সমারে আঢ্ ন-মিলেন; ইস্রায়েলীয়গুনে যুদ্ধো গুরিনে তারারে বেক্কুনোরে ওদেই দিলো।

যিহোশূয় 9:1

যর্দন গাঙর্‌ পোজিমেন্দি রাজাগুনে এ বেক্‌ কধানি শুনিলাক্‌। ইগুনে এলাক্‌ অজল্‌ মুড়ো চাগালাত্‌‌ আর তা তলেদি মুড়ো চাগালার্‌ দেজ্‌চানিত্‌ আর লেবানন সং ভূমধ্য সাগরর্‌ বেক্‌ দুযিগুন্‌ ধুরিনে যে দেজ্‌চানি এলঅ‌ সিগুনোর রাজাগুন্‌। ইগুনে এলাক্‌ হিত্তীয়, ইমোরীয়, কনানীয়, পরিষীয়, হিব্বীয় আর যিবূষীয়গুনোর রাজাগুন্‌।

বিচের গুরিয়্যেগুন 2:2

তুমি এ দেজর মানুচ্চুনো সমারে কনঅ‌ চুক্তি ন-গুরিবা বরং তারার্‌ ডালিপূজোগুন ভাঙি ফেলেবা।’ মাত্তর্‌ তুমি মঅ কধার অবাধ্য ওইয়ো। তুমি কেধোক্কেন্ গুরিনে এ বাবোত্যে কাম্‌ গুরিলা।

বিচের গুরিয়্যেগুন 3:3

সে জাদ্‌তুন্‌ অলাক্‌, পলেষ্টীয়গুনে আর তারার্‌ পাচজন শাজন্‌গুরিয়্যে, বেক্‌ কনানীয়গুনে আর সীদোনীয়গুনে আহ্‌ হিব্বীয়গুনে। বাল্‌-হর্মোণ মুড়োত্তুন হমাৎ আদামান সং লেবাননর যে মুড়ো-মুড়ি চাগালাগান আঘে এ হিব্বীয়গুনে সিদু থেদাক্‌।