যিহোশূয় 9:5 - Chakma Bible

⁵ তারা টেঙত্‌ পিনিলাক্‌ পুরোণ আর তালি দিয়্যে জদা আর কিয়্যেত্‌ উরিলাক পুরোণ কাবড়্‌। পদথ্‌ হানা ইজেবে তারা যেদক্কানি রুটি নেযেলাক্‌ সিয়েনি এলদে কট্টা গোজ্যে শুগুনো রুটি।

যিহোশূয় 9:5 Iomraidhean Croise

লূকে লেখ্যে গম্ হবর্ 15:22

মাত্তর্ তা বাবে তা চাগরুনোরে কলঅ, যাদিমাদি গুরি বেগত্তুন্ গম্ সুলুম্মো আনিনে তারে উরে দো। তা আঢত্ আন্দিক্ আর ঠেঙত্ জদা পিনেই দুয়ো,

দ্বি’লম্বর বিররণ 29:5

চোল্লিশ বজর ধূল্যেচর-চাগালার ভিদিরেন্দি লগেপ্রভু তমারে চালেইনে আন্যে। ইয়েন ভিদিরে তমার কিয়্যের কাবড়ানি আর জদানি বর্‌বাদ্ ওই ন-যায়।

দ্বি’লম্বর বিররণ 33:25

লুয়ো আর পিদোল ডাল্লোই তার কায়কুরে দোরান্‌ বান্যে থেবঅ। যেদকদিন তে বাঁজি থেবঅ সেদকদিন তার কিয়্যেত বল্‌ থেবঅ।”

যিহোশূয় 9:12

তমা ইদু এবার্‌ দিন্নোত্‌ আমি ঘরত্তুন্‌ উমুম্‌ উমুম্‌ রুটি লোইনে নিগিল্যেই, মাত্তর্ ইক্কিনে চঅ‌, সে রুটিগানি শুগেইনে কট্টা কট্টা ওই যেইয়্যে।

যিহোশূয় 9:13

আংগুর-রস রাগেবার থৈল্যেগুনো ভোজ্যেই আর সিগুন নূয়া এলাক্‌ মাত্তর্‌ চঅ‌, ইক্কিনে সিগুন কেধোক্ক্যেন্‌ ফাদি যেইয়োন্‌। এদক্‌ দূরো পথ এত্তে আমার টেঙঅ‌ জদা আর কিয়্যের কাবড়ানিয়ো পুরোণ ওই যেইয়্যে।”

যিহোশূয় 9:6

এধোক্ক্যেনগুরি তারা গিল্‌গলত্‌ ইস্রায়েলীয়গুনো তাম্বুলোত্‌ যিহোশূয়র মুজুঙোত্‌ আঝিল্ অলাক্‌। তারা তারে আর ইস্রায়েলীয়গুনোরে কলাক্‌, “আমি বোউত্‌ দূর দেজত্তুন্‌ এচ্ছ্যেই; তুমি আমা লগে আঢ্ মিলো।”