যিহোশূয় 9:27 - Chakma Bible

²⁷ যিহোশূয় গিবিয়োনীয়গুনোরে সেদিন্যে উগুম দিলো যেন তারা ইস্রায়েলীয়গুনোত্তে আর লগেপ্রভু যে জাগায়ান বেঈ নেযেব সেই জাগানত্‌ লগেপ্রভুর ডালি-পূজোত্তে দার্‌বো কাবিবার আর পানি আনিবার কাম্‌ গরন্‌। এজঅ‌ সং তারা সেই কামানি গত্তন্‌।

যিহোশূয় 9:27 Iomraidhean Croise

২ বংশধর 2:16

আমি লেবাননত্তুন্‌ তর্‌ দরকার মজিম্‌ বেক্‌ গাজ্‌ছুন কাবিনে একলগে বানিনে বড়্‌ সাগরত্‌ ভাজেইনে যাফো সং নেযেবং। সে পরেন্দি তুই সিগুন্‌ যিরূশালেমত্‌ তুলি নেযেবে।”

গণাণা 31:28

সেই বেক্‌ সৈন্যগুনোর ভাগত্‌ যিদুক্কুন্‌ মানুচ্‌, গোরু, গাধা, ভেড়াছাগল আর ছাগল পরিবাক্ তার্‌ পত্তি পাঁচশতত্তুন্‌ এক্কো গুরি লগেপ্রভুর খাজানা ইজেবে ফারগ্ গুরি রাগা পুরিবো।

গণাণা 31:30

ইস্রায়েলীয়গুনোর্‌ ভাগত্‌ যিদুক্কুন্‌ মানুচ্‌, গোরু, গাধা, ভেড়াছাগল, ছাগল বা অন্য যে কনঅ য়েমান পরিবাক্ তার্‌ পত্তি পঞ্চাশ্‌চুয়োত্তুন্‌ এক্কোত্‌ ধরে ফারগ গুরি রাগেবে। সিগুন্‌ তুই লেবীয়গুনোর্‌ আঢত্‌ দিবে যিগুনো উগুরে থেবার্‌-তাম্বুলান দেগাশুনোর্‌ ভারান্ আঘে।”

গণাণা 31:47

সেই ইস্রায়েলীয়গুনে যে অদ্দেক্ ভাগ পেলাক্ সে ভিদিরেত্তুন্‌ মোশি পত্তি পঞ্চাশজন গাবুজ্যে মিলেত্তুন্‌ এক্কো গুরি আর পত্তি পঞ্চাশচুয়ো য়েমানত্তুন্‌ এক্কো গুরি নেযেইনে লগেপ্রভুর উগুম মজিম লেবীয়গুনোরে দিলো, যিগুনো উগুরে লগেপ্রভুর থেবার-তাম্বুলোর দেগাশুনোর ভারান্ এলঅ।

দ্বি’লম্বর বিররণ 12:11

সেক্কে তে নিজোরে ফগদাং গুরিবাত্তে যে জাগায়ান তার থেবারজাগা ইজেবে বেঈ লবঅ সিয়েনত্‌ তুমি মর্‌ উগুম্‌ গোজ্যে বেক্‌ জিনিস্‌ছানি আনিবা-তমার পুজ্যে-উৎসর্ব আর অন্য য়েমান-উৎসর্ব, তমা আয়র্‌ দশ ভাগর এক ভাগ, বিশেষ দান আর তমার বেঈ নেযেয়্যে জিনিস্‌ছানি যিয়েনি তুমি লগেপ্রভু ইদু মানত্‌ গোজ্য।

দ্বি’লম্বর বিররণ 12:14

তমা গুট্টিগুনোরে দিয়্যে জাগাত্তুন্‌ যে জাগায়ান লগেপ্রভু বেঈ লবঅ সিয়োদোই তুমি সেই বেক্‌ পুজ্যে-উৎসর্বগুন গুরিবা আর সিয়োদোই তুমি মর্‌ উগুম্‌ গোজ্যে বেক্কানি গুরিবা।

দ্বি’লম্বর বিররণ 12:5

মাত্তর্‌ তমার গোজেন লগেপ্রভু নিজোরে ফগদাং গুরিবাত্তে তমার বেক্‌ গুট্টিগুনোরে দিয়্যে জাগাত্তুন্‌ যে জাগাগান তার থেবার জাগা ইজেবে বেঈ নেযেবা তুমি সিয়োদোই তার উবোসনাত্তে যেবা।

যিহোশূয় 9:21

তারা আরঅ‌ কলাক্‌, “তারা বাঁজি থাদোক্‌।” সেনত্তেই গিবিয়োনীয়গুনো পৌইদ্যেনে নেতাগুনোর কধা মজিম তারা ইস্রায়েলীয় সমাজর বেক্‌ মানুচ্চুনোত্তে দার্‌বো কাবিবার আর পানি আনিবার মানুচ্‌ অলাক্‌।

যিহোশূয় 9:26

সেনত্তে যিহোশূয় ইস্রায়েলীয়গুনোর আঢত্তুন তারারে বাজেল; তারা তারারে মারে ন-ফেলেলাক্।