যিহোশূয় 9:22 - Chakma Bible

²² ইয়েনর্ পরেন্দি যিহোশূয় গিবিয়োনীয়গুনোরে ডাগিনে কলঅ‌, “তুমি আমার কায়-কুরেত্তুন বোউত্‌ দূরোত্‌ থাগঅ‌ এ কধাগান কোইনে কিত্তে আমারে ঠোগেলা? আজলে তুমি দঅ আমা কায়-কুরে বজত্তি গরঅ‌।

যিহোশূয় 9:22 Iomraidhean Croise

পত্থম 29:25

বেন্যে পহ্‌র অনার পরেদি যাকোবে আমক্‌ ওই চেলদে, সিবে লেয়া। সেনত্তে তে লাবনরে কলঅ, “তুমি মঅ লগে ইয়েন্‌ কিবাবোত্যে বেবহার্‌ গুরিলা? এদক্‌দিন সং কি মুই রাহেলত্তে তমার্‌ কনঅ কাম্‌ ন গরং? সালে কিত্তেই তুমি মরে ঠোগেলা?”

২ করিন্হীয় 11:3

মাত্তর্ মর্ দর্ লাগেত্যে, সেই সাপ্পো তার্ পাজি বুদ্ধি খাদেইনে যেধোক্ক্যেন্ গুরি হবারে ভুলেয়্যে সেধোক্ক্যেন গুরি খ্রীষ্ট উগুরে খাটি আর মন ভোক্তিত্তুন্ কেঅ অয়ত তমারেয়ো ভুলেইনে নেযেব।

যিহোশূয় 9:16

গিবিয়োনীয়গুনো সমারে আঢ্ মিলেবার তিন দিন পরেদি ইস্রায়েলীয়গুনে শুনিলাক্‌, তারা আজলে তারার্‌ পাড়াল্যে আর তারা কায়কুরে বজত্তি গরন্‌।

যিহোশূয় 9:3

যিরীহো আর অয়র অবস্থা যিহোশূয় যেধোক্ক্যেন্‌ গোজ্যে সিয়েনি যেক্কে গিবিয়োন শঅরর্‌ আদাম্মে হিব্বীয়গুনে শুনিলাক্‌ সেক্কে তারা এক্কান চালাগি গুরিলাক্‌। তারার্‌ পক্ষেত্তুন একদল মানুচ্‌ যিহোশূয় ইদু যাহ্ ধুরিলাক্‌। তারা গাধাগুনো উগুরে পুরোণ বস্তাগুন্‌ আর ফাদা আর তালি দিয়্যে আংগুর-রস রাগেবাত্তে পুরোণ চামর্‌ থৈল্যেগুন্‌ রাগেলাক্‌।

যিহোশূয় 9:6

এধোক্ক্যেনগুরি তারা গিল্‌গলত্‌ ইস্রায়েলীয়গুনো তাম্বুলোত্‌ যিহোশূয়র মুজুঙোত্‌ আঝিল্ অলাক্‌। তারা তারে আর ইস্রায়েলীয়গুনোরে কলাক্‌, “আমি বোউত্‌ দূর দেজত্তুন্‌ এচ্ছ্যেই; তুমি আমা লগে আঢ্ মিলো।”