যিহোশূয় 9:20 - Chakma Bible

²⁰ তো আমি তারাত্ত্যেই এই কামান্‌ গুরিবোং, আমি তারারে পরাণে ন-মারিবোং যেনে আমি তারা ইদু যে শমক্তান্‌ গোজ্যেই সিয়েন ভাঙিবার কারনে লগেপ্রভুর রাগ্‌কান্‌ আমা উগুরে ন-পড়ে।”

যিহোশূয় 9:20 Iomraidhean Croise

২ বংশধর 36:13

ইয়েনিবাদে রাজা নবূখদ্‌নিৎসর, যিবে গোজেনর নাঙে তারে শমক্‌ খাবেয়্যে, তার্‌ বিরুদ্ধে তে উল্লোমি গুরিলো। তে একগেয়েমি গুরিনে আর নিজো মনান্‌ দর গুরিনে ইস্রায়েলর গোজেন লগেপ্রভুর ইন্দি ন-ফিরিলো।

গম্ উপদেজ্ 20:25

ভাবি ন-চেইনে যাদিমাদি লগেপ্রভুর নাঙে কন কিজু মানানা মান্‌জ্যত্তে ফাল্ অয়।

মালাখি 3:5

বেগত্তুন্ খেমতাবলা লগেপ্রভু কত্তে, সেক্কে মুই বিচের্ গুরিবাত্তে তমা ইদু এইম্; সে অক্তত্ যাদুগুরিয়্যেগুন, বেশ্যেমিগুরিয়্যেগুন, মিজে সাক্ষীদিয়্যেগুন আর যিগুনে চাগরুনোরে ঠগান্, যিগুনে রানি মিলেগুনোরে আর মা-বাপ্ নেইয়্যেগুনোরে অত্যেচার গরন্ আর বিদেশীগুনোরে ন্যায়বিচের্ পেবাত্তে ন-দুয়োন, অত্তাৎ যিগুনে মরে ন-দরান্ তারা বেক্কুনো বিরুদ্ধে মুই সাক্ষী দিবাত্তে দেরি ন-গুরিম।

রোমীয় 1:31

গম্-ভান্ন্যেয়র্ জ্ঞান্ তারাত্তুন্ নেই, আর তারা অবিশ্বেজি। পরিবার ইন্দি তারার্ কোচ্‌পানা নেই আর তারার্ মনত্ দোয়্যে-মেয়্যে নেই।

১ তীমথিয় 1:10

যিগুনে সিনেলী গরন, যিগুনে সমকামী, যিগুনে চাগর বেবসা গরন্, যিগুনে মিজে কধা কন্ আর মিজে সাক্ষি দুয়োন, আর যিগুনে সত্য শিক্ষ্যের বিরুদ্ধে অন্য কনঅ কাম্ গরন।

যিহোশূয় 9:19

সেক্কে বেক্‌ নেতাগুনে তারারে কলাক্‌, “আমি ইস্রায়েলীয়গুনোর গোজেন লগেপ্রভুর নাঙে তারা ইদু শমক্‌ গোজ্যেই সেনত্তেই ইক্কিনে আমি তারার কিয়্যেত্‌ আঢ্ তুলি ন-পারিই।

যিহোশূয় 9:21

তারা আরঅ‌ কলাক্‌, “তারা বাঁজি থাদোক্‌।” সেনত্তেই গিবিয়োনীয়গুনো পৌইদ্যেনে নেতাগুনোর কধা মজিম তারা ইস্রায়েলীয় সমাজর বেক্‌ মানুচ্চুনোত্তে দার্‌বো কাবিবার আর পানি আনিবার মানুচ্‌ অলাক্‌।