যিহোশূয় 9:17 - Chakma Bible

¹⁷ সেক্কে ইস্রায়েলীয়গুনে তারার্‌ চাগালান্দি যাহ্ ধুরিলাক্‌ আর তিন দিনোত্‌ সিদু যেইনে লুমিলাক্‌। তারার্‌ চাগালাত্‌‌ এলাক্কে গিবিয়োন, কফীরা, বেরোৎ আর কিরিয়ৎ-যিয়ারীম শঅরান্‌।

যিহোশূয় 9:17 Iomraidhean Croise

২ শমূয়েল 4:2

শৌলর পূঅবোর্‌ পক্ষেন্দি এলাক্‌ দ্বিজন নেতা এলাক্। তারার্‌ এক্কোর্‌ নাঙ্‌ অলদে বানা আর অন্যজনর নাঙ্‌ রেখব। তারা অলাক্‌ বিন্যামীন-গুট্টির্‌ বেরোতীয় রিম্মোণর পূঅ। বেরোত্‌রে বিন্যামীন চাগালার্‌ এক্কো ভাগ্‌ বিলিনে ধরা অদঅ,

১ বংশধর 12:4

গিবিয়োনীয় যিশ্ময়িয়- ইবে সেই “ত্রিশ” নাঙে বীরুনোর্ দল ভিদিরে এক্কো নেতা; যিরমিয়, যহসীয়েল, যোহানন, গদেরাথীয় যোষাবদ;

১ বংশধর 2:50

ইবে অলঅ কালেব বংশর কধা : ইফ্রাথা দাঙর্‌ পুয়ো হূর পুয়োগুনে অলাক্‌ শোবল, শল্‌ম আর হারেফ। শোবল কিরিয়ৎ যিয়ারীম নাঙে এক্কান্‌ আদাম বানেয়্যে;

১ বংশধর 2:52

কিরিয়ৎ-যিয়ারীম যে বানেয়্যে সে শোবল বংশর মানুচ্চুনে অলাক্‌ হরোয়া, মনূহোতীয়গুনোর অদ্দেক্‌ মানুচ্‌ আর কিরিয়ৎ-যিয়ারীমোর আদাম্মেগুন। কিরিয়ৎ-যিয়ারীমোর আদাম্মেগুন অলাক্‌ যিত্রীয়, পূথীয়, শূমাথীয় আর মিশ্রায়ীয়োগুন। ইগুনোত্তুন্‌ সরাথীয় আর ইষ্টায়োলীয় বংশর জর্ম ওইয়্যে।

১ বংশধর 21:29

ধূল্যেচর-চাগালাত্‌ মোশি লগেপ্রভুত্তে যে থেবার্‌-তাম্বুলান্‌ বানেয়্যে সিয়েন্‌ আর পূজ্যে-উৎসর্বর ডালিপূজোবো সে অক্তত্‌ গিবিয়োন তবনা গরেদে অজল্‌ জাগানত্‌ এলঅ।

ইষ্রা 2:25

কিরিয়ৎ-আরীম, কফীরা আর বেরোতের সাতশ তেতাল্লিশ জন মানুচ্;

নহিমিয় 7:29

কিরিয়ৎ-যিয়ারীম, কফীরা আর বেরোতর মানুচ্চুন্‌ সাতশঅ তেতাল্লিশ জন;

যিরমিয় 26:20

কিরিয়ৎ-যিয়ারীমর শময়িয়র পুয়ো ঊরিয় অলদে আর একজন যিবে লগেপ্রভুর নাঙে ভাববাদী ইজেবে কধা কদঅ। তেয়ো যিরমিয় ধোক্ক্যেন এ শঅরান আর এ দেজ বিরুদ্ধে এধোক্ক্যেন কধা কদঅ।

যিহোশূয় 10:2

ইয়েন্দোই তে আর তা মানুচ্চুনে অমকদ দোরেলাক্‌, কিত্যে গিবিয়োনান্‌ এলদে রাজধানী ধোক্ক্যেন্‌ এক্কান দাঙর্‌ শঅ‌র। ইয়েন এলদে অয় শঅ‌রত্তুনঅ দাঙর আর সিয়েনর বেক্‌ মরদ মানুচ্চুন্‌ বোলী এলাক্।

যিহোশূয় 15:60

কিরিয়ৎ-বাল, অত্তাৎ কিরিয়ৎ-যিয়ারিম আর রব্বা। এ দ্বিয়েন শঅর্‌ আর ইয়েনির কায়-কুরে জাগায়ানি তারা পেইয়োন।

যিহোশূয় 15:9

সেই দুযির্‌ চিহ্নোগান সে পরেন্দি মুড়োবো উগুরেত্তুন্‌ নিপ্তোহর উইফুদোর্‌ ইন্দি গেলঅ‌। সিয়োত্তুন্‌ ইফ্রোণ মুড়োবোর্‌ আদামানির কায়-কুরেন্দি নিগিলিনে সিয়েন বালার ইন্দি, অত্তাৎ কিরিয়োৎ-যিয়ারীমর ইন্দি লামি গেলঅ‌।

যিহোশূয় 18:14

সে পরেন্দি সে দুযির্‌ চিহ্নোগান বৈৎ-হোরোণর দোগিণো মুড়োবোর পোজিমেন্দি ওইনে দোগিণেন্দি ঘুরি গেলঅ‌ আর কিরিয়ৎ-বাল, অত্তাৎ কিরিয়ৎ-যিয়ারীম সং গেলঅ‌। কিরিয়ৎ-যিয়ারীম এলঅ‌ যিহূদা-গুট্টির এক্কান্‌ শঅর্‌। ইয়েন অলঅ বিন্যামীন-গুট্টির পোজিমেন্দি দুযি।

যিহোশূয় 18:15

তারার্‌ দোগিণেন্দি দুযির্‌ চিহ্নোগান পোজিমে কিরিয়ৎ-যিয়ারীমর দুযিত্তুন্‌ আরাম্ভ ওইনে নিপ্তোহর উইফুদ সং গেলঅ‌।

যিহোশূয় 9:16

গিবিয়োনীয়গুনো সমারে আঢ্ মিলেবার তিন দিন পরেদি ইস্রায়েলীয়গুনে শুনিলাক্‌, তারা আজলে তারার্‌ পাড়াল্যে আর তারা কায়কুরে বজত্তি গরন্‌।

যিহোশূয় 9:18

মাত্তর্ ইস্রায়েলীয়গুনে তারারে আক্রমণ ন-গুরিলাক্‌, কিত্যে তারা সমাজর নেতাগুনে ইস্রায়েলীয়গুনোর গোজেন লগেপ্রভুর নাঙে তারা ইদু শমক্‌ খেইয়োন্‌। সেক্কে নেতাগুনোর বিরুদ্ধে পুরো ইস্রায়েল সমাজ্‌সোই কাঙেলাত্যে ফগদাং গরা ধুরিলো।

যিহোশূয় 9:3

যিরীহো আর অয়র অবস্থা যিহোশূয় যেধোক্ক্যেন্‌ গোজ্যে সিয়েনি যেক্কে গিবিয়োন শঅরর্‌ আদাম্মে হিব্বীয়গুনে শুনিলাক্‌ সেক্কে তারা এক্কান চালাগি গুরিলাক্‌। তারার্‌ পক্ষেত্তুন একদল মানুচ্‌ যিহোশূয় ইদু যাহ্ ধুরিলাক্‌। তারা গাধাগুনো উগুরে পুরোণ বস্তাগুন্‌ আর ফাদা আর তালি দিয়্যে আংগুর-রস রাগেবাত্তে পুরোণ চামর্‌ থৈল্যেগুন্‌ রাগেলাক্‌।

যিহোশূয় 9:9

জোবত্‌ তারা কলাক্‌, “তঅ‌ গোজেন লগেপ্রভুর সুনাং শুনিনে তর্‌ এই চাগরুনে বোউত্‌ দূর দেজত্তুন এচ্চ্যন্‌। তে মিসর দেজত্‌ যিয়েনি গোজ্যে সে হবরানি আমি পেইয়্যেই।

বিচের গুরিয়্যেগুন 18:12

পদথ্‌ তারা যিহূদা-দেজর কিরিয়ৎ-যিয়ারীমোর ইদু তাম্বুল ফেলেলাক্‌। সেনত্তেই কিরিয়ৎ-যিয়ারীমোর পোজিমেন্দিগানরে এজঅ মহনে-দান কুয়ো অয় (যিয়েনর্ ভেদ্‌তান্ “দানর তাম্বুল”)।

১ শমূয়েল 6:21

সে পরেন্দি তারা কয়েকজন মান্‌জ্যর্ মাধ্যমে কিরিয়ৎ-যিয়ারীমর মানুচ্চুনো ইদু কোই পাদেলাক্, “পলেষ্টীয়গুনে লগেপ্রভুর সুন্দুক্কো ফিরেই দুয়োন। তুমি লামি এইনে সুন্দুক্কো তমা ইদু লোই যঅ।”

১ শমূয়েল 7:1

সেনত্যেই কিরিয়ৎ-যিয়ারীমর মানুচ্চুনে এইনে লগেপ্রভুর সুন্দুক্কো নেযেলাক্। তারা সুন্দুক্কো নেযেইনে মুড়ো উগুরে তারার শঅরত্‌ অবীনাদবর ঘরত্‌ রাগেলাক আর সিবে দেগাশুনো গুরিবাত্যে অবীনাদবর পূঅ ইলিয়াসরে লগেপ্রভুর নাঙে ফারক্‌ গুরি নেযেলাক্।