যিহোশূয় 9:1 - Chakma Bible

¹ যর্দন গাঙর্‌ পোজিমেন্দি রাজাগুনে এ বেক্‌ কধানি শুনিলাক্‌। ইগুনে এলাক্‌ অজল্‌ মুড়ো চাগালাত্‌‌ আর তা তলেদি মুড়ো চাগালার্‌ দেজ্‌চানিত্‌ আর লেবানন সং ভূমধ্য সাগরর্‌ বেক্‌ দুযিগুন্‌ ধুরিনে যে দেজ্‌চানি এলঅ‌ সিগুনোর রাজাগুন্‌। ইগুনে এলাক্‌ হিত্তীয়, ইমোরীয়, কনানীয়, পরিষীয়, হিব্বীয় আর যিবূষীয়গুনোর রাজাগুন্‌।

যিহোশূয় 9:1 Iomraidhean Croise

২ শমূয়েল 24:7

সে পরেন্দি তারা সোরর্‌ তাম্বুলোত্‌ আর হিব্বীয় আর কনানীয়গুনোর বেক্‌ শঅরানিত্‌ গেলাক্। যেরেন্দি তারা যিহূদার দোগিণে বের্‌-শেবাত্‌ গেলাক্।

যাত্রা 23:23

ইমোরীয়ো, হিত্তীয়, পরিষীয়, কনানীয়, হিব্বীয় আর যিবূষীয়গুনে যে দেজত্‌ বজত্তি গত্তন্‌ মর্‌ দূত্তো তমার আগ্‌ মোলিম্‌ ওইনেই সেই দেজত্‌ তমারে নেযেব। মুই তারারে বেক্কুনোরে শেজ্ গুরি ফেলেম্‌।

যাত্রা 23:31

“এক কিত্তেদি লোহিত সাগরত্তুন্‌ পলেষ্টীয়গুনোর দেজর্‌ সাগরান সং আর এক কিত্তেদি ধূল্যেচর-চাগালাত্তুন ধুরি ইউফ্রেটিস গাঙান্‌ সং তমা দেজর্‌ দুঝিবো মুই ঠিগ্ গুরি দিম। সেই দেজত্‌ যিগুনে বজত্তি গত্তন্‌ তারারে মুই তমা আদত্‌ তুলি দিম্‌ আর তমা মুজুঙোত্তুন্‌ তুমি তারারে ধাবেইনে নিগিলেই দিবা।”

যাত্রা 3:17

সেনত্যে মুই কঙর্‌, মিসর দেজর্ অত্যেচারত্তুন্‌ নিগিলেনে মুই তমারে কনানীয়, হিত্তীয়, ইমোরীয়, পরিষীয়, হিব্বীয় আর যিবূষীয়গুনোর দেজত্‌ নেযেম্‌। সিয়েনত্ দুধ, মধু আর কনঅ কিজুর্‌ অভাব নেই।

যাত্রা 34:11

এচ্চ্যে মুই তমারে যে উগুমানি দিম্‌ সিয়েনি তুমি পালেবা। ইমোরীয়, কনানীয়, হিত্তীয়, পরিষীয়, হিব্বীয় আর যিবুষীয়গুনোরে মুই তমা মুজুঙোত্তুন্‌ ধাবেই দিম্‌।

গণাণা 13:29

অমালেকীয়গুনে থান্দে নেগেভত; হিত্তীয়, যিবূষীয় আর ইমোরীয়গুনে থান্দে মুড়ো-মুরি চাগালাত্‌ আর কনানীয়গুনে থান্দে বড়সাগর ইদু আর যর্দন গাঙর্‌ পাড়ত্‌।”

গণাণা 34:6

তমা দেজর্‌ পোজিমেন্দি দুঝিবো অবঅ ভুমধ্য সাগরান। ইয়েনোই অবঅ তমার্‌ পোঝিমেন্দি শেজ্ দুঝিগান।

দ্বি’লম্বর বিররণ 1:7

ইক্কিনে তুমি তাম্বুলানি তুলি নেযেইনে ইমোরীয়গুনোর মুড়োমুড়ি চাগালাত্‌ আর তার্‌ কায়-কুরে জাগায়ানির্‌ মানুচ্চুনো ইদু যঅ‌। তারা অরাবাতত্‌, উজু মুড়ো চাগালাত্‌, তলে মুড়োমুড়ি চাগালাত্‌, নেগেভ আর সাগরর্‌ পারত্‌ বজত্তি গরন। এই জাগায়ানি অলদে কনানীয়গুনোর্‌ দেজ্‌ছানি সুদ্দো লেবানন ওইনে বড়্‌গাঙ্‌ ইউফ্রেটিস সং বেক্‌ জাগাগান।

দ্বি’লম্বর বিররণ 3:25

যর্দন পার্‌ ওই যেইনে সেই অমহদ দোল্‌ দেজ্‌ছান, অত্তাৎ সে মুড়োমুড়ির্‌ দেজ্‌ছান আর লেবাননান মরে চেবাত্তে দে।

দ্বি’লম্বর বিররণ 4:49

সিয়েন ভিদিরে এলদে যর্দনর্‌ পূগেন্দি পুরো অরাবা চাগালাগান। ইয়েন্‌ পিস্‌গা মুড়োবো কামাগানর্‌ তলেন্দি অরাবার সাগর সং যেয়েগোই।

দ্বি’লম্বর বিররণ 7:1

তুমি যে দেজ্‌ছান গজক্ গুরিবাত্তে যর্‌ সিদু তমার্‌ গোজেন লগেপ্রভু তমারে নেযেব আর নানান্‌ জাদরে তমা মুজুঙোত্তুন্‌ ধাবেই দিবো। এ জাদ্‌তুনে অলাক্‌ হিত্তীয়, গির্গাষীয়, ইমোরীয়, কনানীয়, পরিষীয়, হিব্বীয় আর যিবূষীয়। এ সাত্তো জাদ মান্‌জ্যর সোংখ্যেন্দি আর বলেদি তমাত্তুন্‌ দাঙর্‌।

যিহোশূয় 1:15

লগেপ্রভু যেদকদিন তমা ধোক্ক্যেন গুরি তমা ভেইয়ুনোরেয়ো বেক্কানিত্তুন জিরেবাত্তে ন-দে আর যেদকদিন সং তারা তমার গোজেন লগেপ্রভুর দিয়্যে দেজ্‌চান গজক্ গুরি ন-নেযান্‌ সেদকদিন সং তুমি ভেইয়ুনোরে এজাল্‌ দিবা। সে পরেন্দি তুমি ফিরি এইনে তমার নিজোর জাগায়ানি পুরোপুরিগুরিনে গজক্ গুরি পারিবা যিয়েনি লগেপ্রভুর চাগর্‌ মোশি যর্দনর পূগেন্দি তমারে দি যেইয়্যে।”

যিহোশূয় 1:4

তমার দেজ্‌ছান্‌ অবঅ‌ ধূল্যেচর-চাগালাত্তুন লেবানন সং আর পূগেন্দি বড়গাঙ্‌ ইউফ্রেটিস আহ্‌ পোজিমেন্দি ভূমধ্য সাগর সং, অত্তাৎ হিত্তীয়গুনোর পুরো চাগালাগান্‌।

যিহোশূয় 10:23

সেক্কে সে গাত্তোত্তুন্‌ সে পাচজন রাজারে তারা নিগিলেনেই আনিলাক্‌। ইগুনে এলাক্‌ যিরূশালেম, হিব্রোণ, যর্মূত, লাখীশ আর ইগ্লোনর রাজা।

যিহোশূয় 11:17

এক কধায় সেয়ীর মুড়োবো ইন্দি উদি যেইয়্যে হালক মুড়োত্তুন হর্মোণ মুড়োবোর্‌ তলেদি লেবানন কিজিঙোর্‌ বাল্‌গাদ সং বেক্‌ জাগায়ানি যিহোশূয় গজক্ গুরি নেযেল। তে বেক্‌ জাগায়ানির্‌ রাজাগুনোরে ধুরিনে মারে ফেলেল।

যিহোশূয় 13:5

গিব্‌লীয়গুনোর চাগালা, পূগেদি হর্মোণ মুড়োবোর তলেদি বাল্‌গাদত্তুন হমাৎ সং পুরো লেবানন আর লেবাননত্তুন্‌ মিষ্রফোৎ-ময়িম সং মুড়ো-মুড়ি চাগালাগান্‌, অত্তাৎ সীদোনীয়গুনোর বেক্‌ দেজ্‌চানি। মুই নিজেই ইস্রায়েলীয়গুনো মুজুঙোত্তুন্‌ বেক্কুনোরে ধাবেই দিম্‌। মুই তরে যেধোক্ক্যেন্‌ উগুম্‌ দুয়োং সেই মজিম তুই এ দেজ্‌চান সোম্বোত্তি ইজেবে ইস্রায়েলীয়গুনোরে দিবে।

যিহোশূয় 15:12

পোজিমেন্দি দুযিগান্‌ অলঅ‌ ভূমধ্য সাগরর পারত্‌। ইয়েন্‌ অলঅ যিহূদা-গুট্টির্‌ নানান্‌ বংশর জাগানির্‌ চেরোকিত্তে দুযির্‌ চিহ্নোগান্‌।

যিহোশূয় 22:4

তমা গোজেন লগেপ্রভুর এগেম্ মজিম তে যুদ্ধোত্তুন্‌ তমা ভেইয়ুনোরে জিরেবাত্তে দিয়্যে; সেনত্তেই লগেপ্রভুর চাগর্‌ মোশি যর্দনর উইপারত্‌ তমারে যে জাগায়ান্‌ দিয়্যে সে জাগানর ঘরানত্‌ এবেরা তুমি ফিরি যঅ।

যিহোশূয় 22:7

মনঃশি-গুট্টির অদ্দেক্‌ মান্‌জ্যরে মোশি বাশন দেজ্‌চান দিয়্যে, আর যিহোশূয় বাদবাগি অদ্দেক্‌ মানুচ্চুনোরে জাগা দিলো তারার্‌ ইস্রায়েলীয় ভেইয়ুনোর সমারে যর্দনর পোজিমেন্দি। যিহোশূয় তারার্‌ ঘরত্‌ যেবাত্তে বিদেয় দিবার্‌ সময়ানত্‌ বর্ দিইনে কোইয়্যেদে,

যিহোশূয় 23:4

যর্দন গাঙত্তুন্‌ পোজিমেন্দি ভূমধ্য সাগর সং যিদুক্কুন্‌ জাদরে মুই ভস্ত গুরি দুয়োং আর যিদুক্কুন্‌ জাদ এজঅ‌ বাগি রোইয়োন্‌ তারার্‌ বেক্কুনোর জাগায়ানি মুই তমা গুট্টিগুনো ভিদিরে সোম্বোত্তি ইজেবে ভাগ গুরি দুয়োং।

যিহোশূয় 24:11

“ ‘সে পরেন্দি তুমি যর্দনান্‌ পার্‌ ওইনে যিরীহোত্‌ এলা। যিরীহো শঅরর্‌ মানুচ্চুনে আর ইমোরীয়, পরিষীয়, কনানীয়, হিত্তীয়, গির্গাশীয়, হিব্বীয় আর যিবূষীয়গুনে তমা বিরুদ্ধে যুদ্ধো গুরিলাক্‌, মাত্তর্‌ মুই তারারে বেক্কুনোরে তমা আঢত্‌ তুলি দিলুং।

যিহোশূয় 3:10

জেদা গোজেনে যে তমা ভিদিরে আঘে আর তেয়ই যে কনানীয়, হিত্তীয়, হিব্বীয়, পরিষীয়, গির্গাষীয়, ইমোরীয় আর যিবূষীয়গুনোরে হামাক্কায় তমা মুজুঙেত্তুন্‌ ধাবেই দিবো সিয়েন তুমি এধোক্ক্যেনগুরি বুঝি পারিবা।

যিহোশূয় 3:17

যেদক্ষণ সং বেক ইস্রায়েলীয়নে যর্দন গাঙান্‌ পার্‌ ন-অলাক্‌ সেদক্ষণ সং লগেপ্রভুর সাক্ষ্য-সুন্দুক বোইয়্যে ধর্মগুরুগুনে যর্দন গাঙত্‌ শুগুনো মাদি উগুরে থিয়্যেই রলাক; আর পুরো জাদ্‌তোই শুগুনো মাদি উগুরেন্দি পার্‌ ওই গেলাক্‌।

যিহোশূয় 5:1

যর্দন গাঙর্‌ পোজিমেন্দি ইমোরীয়গুনোর বেক্‌ রাজাগুনে আর সাগর পারর্‌ বেক্‌ কনানীয় রাজাগুনে যেক্কে শুনিলাক, আমি পার্‌ ওই এজানার্‌ সলাবোত্‌ লগেপ্রভু কিঙিরিনে যর্দনর পানিগান আমারে, অত্তাৎ ইস্রায়েলীয়গুনোর মুজুঙোত্তুন্‌ শুগেই দিয়্যে সেক্কে তারার আজা-ভরসা থুম্‌ অলঅ; ইস্রায়েলীয়গুনো মুজুঙোত্‌ থিয়্যেবার সাহস আর তারার ন-থেলঅ।

যিহোশূয় 6:27

লগেপ্রভু যিহোশূয়র সমারে রলঅ, আর দেজর বেক্‌ জাগানিত্‌ তার সুনাং ছিদি পড়িলো।

যিহোশূয় 9:7

সেক্কে ইস্রায়েলীয়গুনে সে হিব্বীয়গুনোরে কলাক্‌, “যুনি সম্ভব অয় তুমি আমা ইদু থাগঅ‌। যুনি সিয়েনই অয় সালে কেধোক্ক্যেন্‌ গুরি আমি তমা লগে আঢ্ মিলেবং?”