যিহোশূয় 8:8 - Chakma Bible

⁸ তুমি শঅ‌রান গজক্ গুরি নেযেইনে সিয়েনত্‌ আগুন লাগেই দিবা। লগেপ্রভু যিয়েন উগুম গোজ্যে তুমি সিয়েনই গুরিবা। তমা উগুরে ইয়েন মর্‌ উগুম্‌।”

যিহোশূয় 8:8 Iomraidhean Croise

২ শমূয়েল 13:28

অবশালোমে তা মানুচ্চুনোরে এ উগুমান দিলো, “চঅ, আংগুরো-রস হেইনে যেক্কে অম্নোনর মনান্‌ বেশ্ হুজি ওই উদিবো সেক্কে মুই তমারে কোম, ‘অম্নোনরে মার,’ আর তুমি তারে মারে ফেলেবা। তুমি ন-দোরেয়ো। মুই দঅ তমারে সে উগুমান দুয়োঙর্‌। তুমি সাহস গরঅ আর বোলী অ।”

দ্বি’লম্বর বিররণ 20:16

মাত্তর্‌ তমার গোজেন লগেপ্রভু সোম্বোত্তি ইজেবে যিদুক্কুন জাদরে আদাম বা শঅর তমারে দিবাত্তে যার্‌ সিদুগোর্ কাররে তুমি বাঁজেই ন রাগেবা।

যিহোশূয় 1:16

জোবত্‌ তারা যিহোশূয়রে কলাক্, “তুই আমারে যেদক্কানি উগুম দুয়োচ্‌ সিয়েনি আমি পালন গুরিবোং আর আমারে যিদু পাদেবে সিয়োদোই যেবং।

যিহোশূয় 1:9

মুই তরে উগুম দুয়োঙর, সেনত্তেই তুই বোলী অ আর মনত্‌ সাহস আন্‌। ন-দোরেচ্‌ বা ঝিমেয়্যে ন-ওস্, কিত্যে তুই যিয়োদোই যেদে সাৎ তর্‌ গোজেন লগেপ্রভু তঅ‌ লগে থেবঅ‌।”

যিহোশূয় 6:24

সে পরেন্দি তারা পুরো শঅ‌রান আর সিয়েন ভিদিরে বেক্কানি পুড়ি দিলাক্‌, মাত্তর্‌ সনা, রূবো আহ্‌ পিদলর আর লুয়োর্‌ পযাবিরেনি লগেপ্রভুর ঘরর ধনভান্ডালত্‌ জমা দিলাক্‌।

যিহোশূয় 8:13

এধোক্ক্যেনগুরি ইস্রায়েলীয়গুনে তারার সৈন্যগুনোরে যুদ্ধোত্তে যুক্কোল্‌ গুরি রাগেল-যিগুনে তাম্বুলোত্‌ থেবাক্‌ তারারে রাগেল অয় শঅরর্‌ উত্তরেন্দি আর যিগুনে লুগি থেবাক্‌ তারারে রাগেল শঅরর্‌ পোজিমেন্দি। সে রেদোত্‌ যিহোশূয় কিজিঙোত্‌ এলঅ‌।

যিহোশূয় 8:2

যিরীহো শঅ‌রান্ আর তা রাজাবো উগুরে তুই যিয়েনি গোজ্যচ্‌ অয় শঅর আর সেই রাজাবো উগুয়ো সিয়েনই গুরিবে। মাত্তর্ সিদুগোর্ লুদেয়্যে পযাবিরেনি আর এ্যমান পালুন্‌ তুমি নিজোত্তে নেযেই পারিবা। শঅরর্‌ পিজেন্দি তুই একদল সৈন্য লুগেই রাগেবে।”

যিহোশূয় 8:22

লুগি থেইয়্যে সৈন্যগুনেয়ো অয়র মানুচ্চুনোরে আক্রমণ গুরিবাত্তে শঅ‌রত্তুন নিগিলি এলাক্‌। সেক্কে অয়র মানুচ্চুনে দ্বিবে ইস্রায়েলীয় দলর সংমোধ্যে ঘিরে পড়িলাক্‌। ইস্রায়েলীয়গুনে তারারে বেক্কুনোরে মারে ফেলেলাক্‌, কাররে বাজেই ন-রাগেলাক্‌ বা যেবাত্তেয়ো ন-দিলাক্‌।

যিহোশূয় 8:28

এধোক্ক্যেনগুরি যিহোশূয় অয় শঅ‌রান্‌ পুড়ি দিইনে সিয়েনরে উমরত্তে এক্কান ভস্তর্ কুড়্‌ বানেই রাগেল; এজঅ‌ সিয়েন্‌ এক্কান পোড়া জাগা ওই আঘে।

যিহোশূয় 8:7

সেক্কে তুমি সে গুমুরো জাগানত্তুন্ উদি যেইনে শঅ‌রান গজক্ গুরি নেযেবা। তমা গোজেন লগেপ্রভু সিয়েন তমা আদত্‌ তুলি দিবো।

যিহোশূয় 8:9

ইয়েন পরেন্দি যিহোশূয় তারারে পাধেই দিলো। তারা যেইনে অয় শঅরর্‌ পোজিমেন্দি এক্কান্‌ জাগাত্‌ লুগি থেলাক্‌। জাগায়ান্‌ এলদে বৈথেল আর অয়র সংমোধ্যে। মাত্তর্‌ যিহোশূয় সে রেত্তো বাদবাগী সৈন্যগুনো সমারে কাদেল।

বিচের গুরিয়্যেগুন 4:6

তে নপ্তালি দেজর্‌ কেদশ শঅ‌রত্তুন্‌ অবীনোয়মর পূঅ বারকরে ডাগিনে পাদেল আহ্‌ তারে কলঅ‌, “ইস্রায়েলীয়গুনোর গোজেন লগেপ্রভু তরে এ উগুমান দের্‌, ‘তুই নপ্তালি আর সবূলূন-গুট্টিত্তুন্‌ দশ আজার মানুচ্‌ সমারে নেযা আর তাবোর মুড়োবো ইন্দি তারারে নেযা।