যিহোশূয় 8:35 - Chakma Bible

³⁵ মোশি এ পৌইদ্যেনে যেদক্কানি উগুম দিয়্যে তার এক্কো শব্দয়ো বাদ ন-দিইনে যিহোশূয় পুরো ইস্রায়েল সমাজরে সিয়েন পোড়েই শুনেল। এ সমাজ ভিদিরে মিলে, পূঅ-ঝি আর তারা ভিদিরে বজত্তি গোজ্যে অন্য জাদর্ মানুচ্চুনেয়ো এলাক্‌।

যিহোশূয় 8:35 Iomraidhean Croise

ইষ্রা 10:1

ইষ্রা যেক্কে গোজেন ঘর মুজুঙোত্ উবোত্ পুন্দুরী ওইনে তবনা গরের্ আর পাপ স্বীগের্ গরের্ আর কানের্ সেক্কে ইস্রায়েলীয়গুনোর মরদ্, মিলে আর পুয়ো-ঝিগুনোর এক্কো দাঙর্ দল তাইধু এগত্তর্ ওইয়োন। তারায়ো অমকদ কান্নোন্।

নহিমিয় 8:2

সাত্‌ মাজর্ পত্তম দিনোত্‌ ধর্মগুরু ইষ্রা মিলে-মরদ আর যিগুনে শুনিলে বুঝি পারন্‌ এধোক্কেন্‌ বেক্‌ মানুচ্চুনোর্‌ দলর্‌ মুজুঙোত্‌ রীদি-সুদোম বোইবো আনিলো।

নহিমিয় 8:3

পানি-গেট্‌তোর্‌ মুজুঙোত্‌ চক্কর্‌বো ইন্দি মুয়োন্‌ ফিরেইনে মিলে-মরদ্‌ আর অন্য যিগুনে বুঝি পারন্‌ তারার্‌ ইদু তে বেন্যে মাদানত্তুন্‌ ধুরি দ্বিবুজ্যে সং সিয়েন্‌ পোড়েই শুনেল, আর বেক্‌ মানুচ্চুনে মন্‌ দিইনে রীদি-সুদোম বোইবোর্‌ কধা শুনেল।

যাত্রা 12:38

ইস্রায়েলীয়গুনে বাদেয়ো আরঅ বোউত্‌ মানেই আর গোরু-ভেড়াছাগলসুদ্ধো এক্কো দাঙর্‌ য়েমানর্ ঝাক্‌অ‌ তারা সমারে এলঅ‌।

যিরমিয় 26:2

“মুই লগেপ্রভু কঙর্, তুই মর্ ঘর উদোনত্ যেইনে থিয়্যে আর যিহূদার শঅরানিত্তুন যিদুক্কুন মানুচ্ উবোসনাত্তে মঅ ঘরত্ এজন্ তারারে বেক্কুনোরে মুই তরে যেদক্কানি কধা কবাত্তে উগুম দুয়োং সিয়েনি বেক কধানি কঅ, এক্কান কধায়ো বাদ ন-দিচ্।

যোয়েল 2:16

মানুচ্চুনোরে এগত্তর্ গুরিনে গোজেন নাঙে তারারে যুদো গর্; বুড়ো নেতাগুনোরে এক জাগাত্ ডাগ্, যিগুনে বুগো দুধ হান্ তারারে আর পুয়ো-ঝিগুনোরে এগত্তর্ গর্। নুয়ো বৌ নুয়ো জামেয় ঘর ফেলেই এত্তোক্।

সখরিয় 8:23

সেই সময়োত্ নানান্ ভাষা আর জাদর্ দশজন মান্‌জ্যে এক্কো যিহূদীর কাবড় কাজাত্ ধুরিনে কবাক্, ‘আঢ, আমি তমা লগে যেই, কিত্যে আমি শুন্যেইদে যে, গোজেনে তমা লগে আঘে।’ মুই বেগত্তুন্ খেমতাবলা লগেপ্রভু এ কধাগান কঙর্।”

মার্ক 10:14

যীশু সিয়েন দেগিনে রাগ্ ওইনে শিচ্চ্যগুনোরে কলঅ, “চিগোন্ গুরোগুনোরে মইধু এবাত্তে দুয়ো, মানা ন-গোজ্য; কিয়া গোজেন রেজ্যগান্ ইগুনো ধোক্ক্যেন্ মানুচ্চুনোত্যে।

প্রেরিত্‌ 20:27

কিয়া গোজেনে কি চায় সিয়েন তমারে জানেবাত্তে মুই কনদিন্অ পিজেদি ন-ফিরোং।

প্রেরিত্‌ 21:5

মাত্তর্ সেই দিনুন্ বিদি গেলে পরেদি আমি তারারে ফেলেইনে আমা পধ্‌থানদি লদ্ দিলোং। বেক্ শিচ্চ্যগুন আর তারা মোগ্‌কুন আহ্ ঝি-পুয়োগুনে আমা লগে লগে শঅর বারেদি এলাক্। যেরেদি সাগর পারত্ আমি আঢু পাড়িনে তবনা গুরিলোং।

দ্বি’লম্বর বিররণ 29:10

তমার গোজেন লগেপ্রভুর মুজুঙোত্‌ এচ্চ্যে তুমি বেক্কুনে এইনে থিয়েইয়্য-থিয়্যেইয়োন্‌ তমার সদ্দারুনে আর নেতাগুনে, তমার বুড়ো নেতাগুনে আর চাগর-বাগরুনে আহ্‌ অন্য বেক্‌ ইস্রায়েলীয়গুনে।

দ্বি’লম্বর বিররণ 29:11

তমা সমারে আগন্‌ তমার ঝি-পূঅগুনে আর মিলেগুনে; আর আগন্‌ তমার তাম্বুলোত্‌ বজত্তি গোজ্যে অন্য জাদর মানুচ্চুনে যিগুনে তমার গাজ্‌ছুন কাবন্ আর পানিগানি তুলোন্‌।

দ্বি’লম্বর বিররণ 29:9

সেনত্যে তুমি এ সুদোমর বেক্‌ উগুমানি গমেডালে মানি চলিবা যেনে বেক্‌ কামানিদই তমার ভালেদি অয়।

দ্বি’লম্বর বিররণ 31:12

মরদ, মিলে, ঝি-পূঅ আর তমার নানান্‌ আদামর আহ্‌ শঅরর নানান্‌ জাদর্‌ মানুচ্চুনোরে ডাগিনে তুমি একলগে এগত্তর গুরিবা, যেনে তারা সিয়েনি শুনোন আর তমার গোজেন লগেপ্রভুরে ভোক্তি গুরিবাত্তে শিগোন্‌ আর এই রীদি-সুদোমর্ বেক্‌ কধানি দোলেডালে পালন গরন্‌।

দ্বি’লম্বর বিররণ 4:2

মুই তমারে যে উগুমানি দুয়োঙর্‌ তা সমারে কিজু ন মিজেয়ো আর সিয়োত্তুন্‌ কিজু বাদঅ ন দুয়ো। তমা গোজেন লগেপ্রভুর যেদক্কানি উগুম মুই তমারে দুয়োঙর্‌ সিয়েনি তুমি মানি চলিবা।