যিহোশূয় 8:28 - Chakma Bible

²⁸ এধোক্ক্যেনগুরি যিহোশূয় অয় শঅ‌রান্‌ পুড়ি দিইনে সিয়েনরে উমরত্তে এক্কান ভস্তর্ কুড়্‌ বানেই রাগেল; এজঅ‌ সিয়েন্‌ এক্কান পোড়া জাগা ওই আঘে।

যিহোশূয় 8:28 Iomraidhean Croise

২ রাজাবলী 19:25

তুই কি ন-শুনোজ্‌, বোউত্‌ আগেন্দি মুই সিয়েনি ঠিগ্‌ গুরি রাগেয়োং? ভালোক্‌দিন আগেন্দি মুই সিয়েনির সল্লা গোজ্যং। আর ইক্কিনে মুই সিয়েনি ঘোদেলুং। সেনত্তে দঅ তুই দেবাল-ঘিজ্যে শঅরানি পাত্তর কুর্‌ গুরি পাজ্যস্‌।

যিশাইয় 17:1

দামেস্ক পৌইদ্যেনে আগাম্ কধা ইয়েনি: লগেপ্রভু কোইয়্যেদে, “চঅ, দামেস্কগান্ আর শঅর ইজেবে ন-থেবঅ, সিয়েন অবদে এক্কান ভস্ত ওইয়্যে কুর্।

যিশাইয় 25:2

তুই শঅরানরে শিল্ পাত্তর ভিদে বানেয়োচ্ আর দেবাল-ঘিজ্যে শঅরানরে গোজ্যস্ ভস্তর্ কুড়্। বিদেশী শত্রুগুনোর ঘরানি আর্ ন-থেবঅ; সিয়েনি কনদিন্অ আর্ বানা ন-অবঅ।

যিরমিয় 49:2

চঅ, সময় এচ্চ্যে যেক্কে মুই অম্মোনীয়গুনোর রব্বা শঅর বিরুদ্ধে যুদ্ধোর ডাগনি দিম; সেক্কে সিয়েন ভস্তর্ কুড়্ অবঅ, আর তার চেরোকিত্তে আদামানিত্ আগুন লাগা অবঅ। সেক্কে যিগুনে ইস্রায়েলরে ধাবেইনে নিগিলেই দুয়োন ইস্রায়েলে তারারে লোড়েইনে নিগিলেই দিবো। মুই লগেপ্রভু এ কধাগান কঙর্।

যিরমিয় 50:26

ও বাবিল শত্রুগুন, তুমি দূরোত্তুন্ তা বিরুদ্ধে এজঅ। তা গোলাঘরানি খুলি ফেলঅ; এগত্তর্ গোজ্যে শোজ্য ধোক্ক্যেন সিয়েনরে কুড়্ বান। তারে পুরোপুরিভাবে ভস্ত গরঅ, সিয়েনর কিচ্চু বাগি ন-রাগেয়ো।

যিরমিয় 9:11

লগেপ্রভু কোইয়্যেদে, “মুই যিরূশালেমানরে এক্কান ভস্তর কুড়্ আর শিয়েলর থেবার জাগা বানেম। মুই যিহূদার শঅরানিরে এমন ভস্তর জাগা বানেম, সিয়েনত্ আর কনজনে বজত্তি গুরি ন-পারিবাক্।”

মীখা 3:12

সেনত্তে তমাত্তে সিয়োনরে খেদ ধোক্ক্যেন গুরি চাষ গরা অবঅ, যিরূশালেমান অবঅ ভস্তর্ কুড়্, আর উবোসনা-ঘরর মুড়োবো ঘন ঝুব্-ঝাড়ে নাঢা পড়িবো।

দ্বি’লম্বর বিররণ 13:16

সিদুগোর্ বেক্‌ লুদেয়্যে পযাপিরানি তুমি শঅরর-সংমোধ্যে নেযেইনে বেক্‌ পযাপিরানি আর সেই আদাম বা শঅরানি তুমি তমার লগেপ্রভুর নাঙে পুজ্যে-উৎসর্ব ধোক্ক্যেন গুরি বেক্কানি পুড়ি দিবা। সে জাগায়ান উমরত্তে যেনে এক্কান ভস্তর কুড়্ ওইনে পড়ি থায়; আর কনদিনঅ যেনে সিয়েনি বানানা ন-অয়।

দ্বি’লম্বর বিররণ 13:17

লগেপ্রভু যেনে তার দর্‌গরেপারা রাগত্তুন্‌ ফিরি এজে সেনত্যে তমা আদত্‌ যেনে এই বেক্‌ পযাপিরানির এক্কানঅ দেগা ন-যায়, কিত্যে সিয়েনি উগুরে আঘেদে ভস্ত অনার্ অবিশাব। সালে তে তমারে দোয়্যে আর মেইয়্যে গুরিবো আর তমার পুরোণি মানুচ্চুনো ইদু শমক্‌ খেইয়্যে এগেম্ মঝিম তমার বংশগুন বাড়েই দিবো,

যিহোশূয় 4:9

যর্দন গাঙর্‌ যে জাগানত্‌ সাক্ষ্য-সুন্দুক্কো বুয়োই নেযেয়্যে ধর্মগুরুগুনে থিয়্যেই এলাক্‌ যিহোশূয় সিয়েনত্‌ আরঅ‌ বারবো পাত্তর্‌ রাগেল। পাত্তরুন ইয়ো সং সিয়েনত্‌ আগন্‌।

যিহোশূয় 8:29

তে অয় শঅরর্‌ রাজাবোরে মারে ফেলেইনে সাজোন্যে সং গাজত্‌ টাঙেই রাগেল। সাজোন্যে অক্তত্‌ তে তার কিয়্যেগান্‌ গাজত্তুন লামেইনে শঅরর্‌ গেদোত্‌ চমিবার পথ্‌তানত্‌ ফেলে দিবাত্তে উগুম্‌ দিলো। মানুচ্চুনে তা উগুরে পাত্তর দিইনে এক্কো দাঙর্‌ কুড়্ গুরি রাগেলাক্‌। সিবে এজঅ‌ আঘে।