যিহোশূয় 8:2 - Chakma Bible

² যিরীহো শঅ‌রান্ আর তা রাজাবো উগুরে তুই যিয়েনি গোজ্যচ্‌ অয় শঅর আর সেই রাজাবো উগুয়ো সিয়েনই গুরিবে। মাত্তর্ সিদুগোর্ লুদেয়্যে পযাবিরেনি আর এ্যমান পালুন্‌ তুমি নিজোত্তে নেযেই পারিবা। শঅরর্‌ পিজেন্দি তুই একদল সৈন্য লুগেই রাগেবে।”

যিহোশূয় 8:2 Iomraidhean Croise

২ বংশধর 13:13

যারবিয়ামে ভিদিরে ভিদিরে যিহূদার সৈন্যগুনো পিজেদি একদল সৈন্য পাধেই দিলো; সেক্কে তার্‌ একদল সৈন্য যিহূদার মুজুঙেন্দি আর একদল সৈন্য যিহূদার পিজেদি রলাক্‌।

২ বংশধর 20:22

মানুচ্চুনে যেক্কে গান গেবাত্তে আর বাঈনী গরা ধুরিলাক্‌ সেক্কে লগেপ্রভু যিহূদার মানুচ্চুনোর লগে যুদ্ধো গুরিবাত্তে এচ্ছ্যে অম্মোন আর মোয়াব আর সেয়ীর মুড়োবোর মানুচ্চুনো বিরুদ্ধে সৈন্যগুনোরে হাফ্ দিইনে বুয়োই রাগেল। সে অক্তত্‌ অম্মোন আর মোয়াব মানুচ্চুনে সেয়ীর মুড়োবোর মানুচ্চুনো বিরুদ্ধে লাগিনে তারার্‌ বেক্কানি ভস্ত গুরি ফেলেলাক্‌। সেয়ীর মানুচ্চুনোরে মারে ফেলানার পরেন্দি তারা একজন আরেকজনরে মারে ফেলা ধুরিলাক্‌। এধোক্ক্যেন গুরিনে তারা উদি গেলাক্‌।

গীতসংহিতা 39:6

মানুচ্ এজন্দে ছাবা ধোক্ক্যেন্, যান্দেয়ো ছাবা ধোক্ক্যেন; তে মিজে মিজে কিজিক্ কাজাক্ গরে; তে ধন-সোম্বোত্তি তুবোয় মাত্তর্ কন্না সিয়েন ভোগ গুরিবো হবর্ ন-পায়।

গম্ উপদেজ্ 13:22

গম্ মান্‌জ্যে তা নাদিন-পুদিনুনোত্তে অধিকার থোই যায়, মাত্তর্ পাপীগুনো ধনানি গোজেন ভক্তগুনোত্তে থুবো অয়।

গম্ উপদেজ্ 28:20

বিশ্বেজি মান্‌‌জ্যে বোউত্ বর্ পান, মাত্তর্ যে ধনী অবাত্তে আওজ্ গরে তে সাজা পেবদে পেবঅ।

যিরমিয় 17:11

“অন্য বদাত্ উম্ দিইনে চঅ পেইয়্যে তিতি পেগো ধোক্ক্যেন সেই মানুচ্চো, যে ভান্ন্যেই গুরিনে ধন লাভ গরে। তা বয়জর্ সংমোধ্যে সময়ানত্ সেই ধনানিয়ে তারে ছাড়িনে যেবগোই, আর যেরেদি তে বেদমা বিলিনে ফগদাং অবঅ।”

যিরমিয় 51:12

বাবিলরে আক্রমণ গুরিবাত্তে এক্কান বাবতা তুলো। রোক্ষীদলরে আরঅ দরমর গরঅ, চুগিদার্ বজঅ, গুমুরো জাগাত্ সৈন্যগুনোরে যুক্কোল্ রাগঅ। লগেপ্রভু বাবিল মানুচ্চুনো বিরুদ্ধে তার উদ্দেশ্যগান্ আর উগুম মজিম্ কাম গুরিবো।

দ্বি’লম্বর বিররণ 2:35

মাত্তর্‌ য়েমানপাল আর শঅরত্তুন্‌ লুদেয়্যে পযাপিরানি আমি নিজোত্তে আনিলোং।

দ্বি’লম্বর বিররণ 20:14

মাত্তর্‌ মিলেমানুচ্‌, ঝি-পূঅ, য়েমানপাল আর সিদুগোর্ অন্য বেক্কানি তুমি লুদেয়্যে জিনিস ইজেবে নিজোত্তে নেযেই পারিবা। শত্রুগুনোর দেজত্তুন লুদেয়্যে যেদক্কানি জিনিস তমার গোজেন লগেপ্রভু তমারে দিবো সিয়েনি তুমি ভোগ গুরি পারিবা।

দ্বি’লম্বর বিররণ 3:2

সেক্কে লগেপ্রভু মরে কলঅ, তুই তারে ন-দোরেচ্‌, কিত্যে তারে আর তার্‌ দেজ্‌ছান আহ্‌ সৈন্যগুন মুই তমা আদত্‌ তুলি দুয়োং। তুই হিষ্‌বোনত্‌ বজত্তি গুরিয়্যে ইমোরীয়গুনোর্‌ রাজা সীহোনর্‌ অবস্থা যিয়েন্‌ গোজ্যচ্‌ ইবের্‌ অবস্থায়ো সেধোক্ক্যেন গুরিবে।

যিহোশূয় 10:1

যিরূশালেমর রাজা অদোনী-ষেদকে শুনিল, যিহোশূয় অয় শঅরান গজক্ গুরি নিইনে সিয়েন এক্কুবারে ভস্ত গুরি দিয়্যে আর তে যিরীহো আহ্‌ সে রাজাবোর দযাাগান্ যেধোক্ক্যেন গোজ্যে অয় আর সে রাজাবোর দযাগান্অ সেধোক্ক্যেন্‌ গুরিলো। তে আরঅ শুনিলোদে, গিবিয়োনীগুনে ইস্রায়েলীয়গুনো লগে আঢ্ মিলেয়োন্‌ আর তারা তারার্‌ সমারে আগন্‌।

যিহোশূয় 10:28

যিহোশূয় সেদিন্যে মক্কেদাগান্ অধিকার গুরি নিলো। তে সে শঅরর্‌ রাজা আর বেক্‌ মানুচ্চুনোরে মারে ফেলেল আর সিদুগোর্ বেক্‌ জেদা পরাণবলাগুনোরে শেজ্‌ গুরি দিলো, কাররে বাজে ন-রাগেল। তে যিরীহো রাজার যে অবস্থা গোজ্যে মক্কেদার রাজার অবস্থায়ো সেধোক্ক্যেন্‌ গুরিলো।

যিহোশূয় 11:14

এ শঅরানিত্তুন যেদক্কানি পযাপিরা আর এ্যমানপাল লুদো ওইয়্যে সিয়েনি ইস্রায়েলীয়গুনে নিজোত্তে নেযেলাক্‌; মাত্তর্‌ বেক্‌ মানুচ্চুনোরে তারা এক্কুবারে শেজ্‌ গুরি দিলাক্‌, এক্কো জেদা প্রাণীরেয়ো তারা বাঁজেই ন-রাগেলাক্।

যিহোশূয় 6:21

তারা আত্যের্‌লোই মিলে-মরদ, পূঅ-বুড়ো, গোরু, ভেড়া ছাগল, গাধা সুদ্ধো বেক্‌ পরাণবলাগুনোরে শেজ্‌ গুরি দিলাক্‌।

যিহোশূয় 8:12

যিহোশূয় প্রায় পাচ্ আজার সৈন্য শঅরর্‌ পোজিমেন্দি বৈথেল আর অয়র সংমোধ্যে এক্কান জাগাত্‌ লুগেই রাগেল।

যিহোশূয় 8:14

ইস্রায়েলীয়গুনোরে দেগিনে অয়র রাজা তারা সমারে যুদ্ধো গুরিবাত্তে বেন্যেমাদান্ যাদিমাদি উদিনে বেক্‌ মানুচ্চুনোরে নিইনে শঅ‌রত্তুন্‌ নিগিলিনে অরাবা সংজাগান ইদু এক্কান ঠিগগোজ্যে জাগাত্‌ গেলাক্‌। মাত্তর্ তে হবর্ ন-পেদঅ‌, শঅরর্‌ পিজেন্দি তা বিরুদ্ধে একদল সৈন্য লুগিই আগন্‌।

যিহোশূয় 8:19

লগে লগে লুগি থেইয়্যে সে সৈন্যগুনে তারার জাগানত্তুন্ যাদিমাদি উদিনে শঅরর্‌ ইন্দি ধাবা গেলাক্‌। তারা সিয়েনত্‌ চোমেইনে সিয়েন গজক্ গুরি নেযেলাক্‌ আর কানক্কণ্ ভিদিরে শঅরত্‌ আগুন ধোরেই দিলাক্।

যিহোশূয় 8:24

যে খলাবোত্‌, অত্তাৎ যে ধূল্যেচরর্‌-চাগালাত্‌‌ অয় শঅরর্‌ মানুচ্চুনে ইস্রায়েলীয়গুনোরে লোড়েইনে নেযেয়োন্‌ সিদু অয়র মানুচ্চুনোরে বেক্কুনোরে মারে ফেলানার পরেন্দি বেক্‌ ইস্রায়েলীয়গুনে অয় শঅরত্‌ ফিরি এলাক্‌ আর শঅর ভিদিরে যিগুনে এলাক্‌ তারা তারারেয়ো মারে ফেলেলাক্‌।

যিহোশূয় 8:3

সেক্কে অয় শঅ‌রান্‌ আক্রমণ গুরিবাত্তে যিহোশূয় ত্রিশ আজার বীর যোদ্ধা বেঈ নেযেইনে নিগিলি এলঅ‌। তে রেদোত্‌ তারারে এ উগুমান দিলো, “তুমি শুনো, তমা ভিদিরেত্তুন কিজু সৈন্য তুমি শঅরর্‌ পিজেন্দি লুগেই রাগেবা। শঅ‌রত্তুন বেশ্‌ দূরোত্‌ ন-যেবা। তুমি বেক্কুনে যুক্কোল্‌ থেবা।

যিহোশূয় 8:7

সেক্কে তুমি সে গুমুরো জাগানত্তুন্ উদি যেইনে শঅ‌রান গজক্ গুরি নেযেবা। তমা গোজেন লগেপ্রভু সিয়েন তমা আদত্‌ তুলি দিবো।

যিহোশূয় 8:8

তুমি শঅ‌রান গজক্ গুরি নেযেইনে সিয়েনত্‌ আগুন লাগেই দিবা। লগেপ্রভু যিয়েন উগুম গোজ্যে তুমি সিয়েনই গুরিবা। তমা উগুরে ইয়েন মর্‌ উগুম্‌।”

যিহোশূয় 8:9

ইয়েন পরেন্দি যিহোশূয় তারারে পাধেই দিলো। তারা যেইনে অয় শঅরর্‌ পোজিমেন্দি এক্কান্‌ জাগাত্‌ লুগি থেলাক্‌। জাগায়ান্‌ এলদে বৈথেল আর অয়র সংমোধ্যে। মাত্তর্‌ যিহোশূয় সে রেত্তো বাদবাগী সৈন্যগুনো সমারে কাদেল।

যিহোশূয় 9:3

যিরীহো আর অয়র অবস্থা যিহোশূয় যেধোক্ক্যেন্‌ গোজ্যে সিয়েনি যেক্কে গিবিয়োন শঅরর্‌ আদাম্মে হিব্বীয়গুনে শুনিলাক্‌ সেক্কে তারা এক্কান চালাগি গুরিলাক্‌। তারার্‌ পক্ষেত্তুন একদল মানুচ্‌ যিহোশূয় ইদু যাহ্ ধুরিলাক্‌। তারা গাধাগুনো উগুরে পুরোণ বস্তাগুন্‌ আর ফাদা আর তালি দিয়্যে আংগুর-রস রাগেবাত্তে পুরোণ চামর্‌ থৈল্যেগুন্‌ রাগেলাক্‌।