যিহোশূয় 8:17 - Chakma Bible

¹⁷ ইস্রায়েলীয়গুনোর পিজেন্দি ন-যান্‌ এধোক্ক্যেন এক্কো মরদ মানুচ্‌অ অয় বা বৈথেলত্‌ ন থেলাক্‌। তারা শঅরর্‌ গেট্টুন্‌ খুলো রাগেইনে ইস্রায়েলীয়গুনোর পিজে পিজে গেলাক্‌।

যিহোশূয় 8:17 Iomraidhean Croise

ইয়োব 5:13

তে জ্ঞানীগুনোরে তারার্‌ চালাগ ভিদিরে ধরে, আর ছলনাগুরিয়্যেগুনোর ফন্দিগানি নঅ ফলে।

দ্বি’লম্বর বিররণ 2:30

মাত্তর্‌ হিষ্‌বোনর রাজা সীহোনে সিয়েন্দোই রাজী ন অলঅ। তমার গোজেন লগেপ্রভু তার্‌ মনান্‌ দরঅ গোজ্যে আর মনান্‌ একবুচ্চ্যেলোই ভোরেই দিয়্যে যেনে তে তমা আদত্‌ পড়ে, আর ইক্কিনে সিয়েনোই ঘদের্‌।

যিহোশূয় 11:20

লগেপ্রভু বেক্‌ মানুচ্চুনোর মনানি আগাত্যে গুরি দিলো যেনে তারা ইস্রায়েলীয়গুনোর বিরুদ্ধে যুদ্ধো গরন্‌ আর সেক্কে তারা যেন্‌ ভস্তর অভিশাবর তলে অন্‌ আর কনঅ‌ দোয়্যে ন-পেইনে মুরি যান্‌। এ উগুমানই লগেপ্রভু মোশিরে দিয়্যে।

যিহোশূয় 8:16

সেক্কে ইস্রায়েলীয়গুনোরে লোড়েবাত্তে অয়র বেক্‌ মানুচ্চুনোরে ডাগা অলঅ‌। তারা যিহোশূয়র পিজে পিজে লোড়েলাক্‌ আর এবাবোত্যেগুরি শঅ‌রত্তুন তারারে দূরোত্‌ নেযা অলঅ‌।

যিহোশূয় 8:18

সেক্কে লগেপ্রভু যিহোশূয়রে কলঅ‌, “তঅ আদ সেই তলোয়ারান্ অয় শঅরন্দি বাবেইনে ধর্‌, কিত্যে তঅ‌ আদত্‌ মুই শঅরান তুলি দিম্‌।” যিহোশূয় সেক্কে তা তলোয়ারান্‌ অয় শঅরন্দি বাবেইনে ধুরিলো;

যিহোশূয় 8:3

সেক্কে অয় শঅ‌রান্‌ আক্রমণ গুরিবাত্তে যিহোশূয় ত্রিশ আজার বীর যোদ্ধা বেঈ নেযেইনে নিগিলি এলঅ‌। তে রেদোত্‌ তারারে এ উগুমান দিলো, “তুমি শুনো, তমা ভিদিরেত্তুন কিজু সৈন্য তুমি শঅরর্‌ পিজেন্দি লুগেই রাগেবা। শঅ‌রত্তুন বেশ্‌ দূরোত্‌ ন-যেবা। তুমি বেক্কুনে যুক্কোল্‌ থেবা।

বিচের গুরিয়্যেগুন 20:31

ইস্রায়েলীয়গুনোরে মানা গুরিবাত্তে বিন্যামীনীয়গুনে নিগিলি এইনে শঅ্‌রত্তুন্‌ বালোদ্দুরোত্‌ গেলাক্‌। তারা আগঅ ধোক্কেন্‌ ইস্রায়েলীয়গুনোরে মারে ফেলা ধুরিলাক্‌। সেক্কে মাদঅ উগুরে আর যে পথ দ্বিয়েনর এক্কান বৈথেলর ইন্দি যেইয়্যে আর এক্কান গিবিয়ার ইন্দি যেইয়্যে সিয়েন উগুরে পেরায় ত্রিজজন মানুচ্‌ মুরি গেলাক্‌।