যিহোশূয় 8:15 - Chakma Bible

¹⁵ যিহোশূয় আর বেক্‌ ইস্রায়েলীয়গুনে তারা মুজুঙেত্তুন ধেই যেবার্‌ ভান্‌ গুরিনে ধূল্যেচরর্‌ চাগালার্‌ পদেন্দি আদি গেলাক্‌।

যিহোশূয় 8:15 Iomraidhean Croise

যিহোশূয় 15:61

ধূল্যেচরর্‌-চাগালাত্‌ তারা যেদক্কানি শঅর্‌ আর আদামানি পেইয়োন সিয়েনি অলঅ‌: বৈৎ-অরাবা, মিদ্দীন, সকাখা,

যিহোশূয় 16:1

চাম্বা চানা মজিম যোষেফ-গুট্টির মানুচ্চুনোরে যে জাগায়ানি দিয়্যে অলঅ সিয়েনির্‌ দুযি আরাম্ভ অলঅ যিরীহোর উগুদোন্দি যিরীহোর উইফুদোর্‌ পূগেন্দি যর্দন গাঙত্তুন্‌। সে পরেন্দি দুযির্‌ চিহ্নোগান ধূল্যেচর-চাগালার্‌ ভিদিরেন্দি যেইনে বৈথেলর মুড়ো-মুড়ি চাগালাত্‌ উদিলো।

যিহোশূয় 18:12

উত্তোরেন্দি তারার্‌ ভূইয়োর দুযির্‌ চিহ্নোগান্‌ যর্দন গাঙ্‌ত্তুন্‌ আরাম্ভ ওইনে যিরীহোর উত্তোরেন্দি কামা জাগায়ান পার্‌ ওইনে পোজিমেন্দি মুড়ো-মুড়ি চাগালার ভিদিরেন্দি যেইনে বৈৎ-আবনর ধূল্যেচরর্‌-চাগালাগান সং গেলঅ‌।

যিহোশূয় 8:14

ইস্রায়েলীয়গুনোরে দেগিনে অয়র রাজা তারা সমারে যুদ্ধো গুরিবাত্তে বেন্যেমাদান্ যাদিমাদি উদিনে বেক্‌ মানুচ্চুনোরে নিইনে শঅ‌রত্তুন্‌ নিগিলিনে অরাবা সংজাগান ইদু এক্কান ঠিগগোজ্যে জাগাত্‌ গেলাক্‌। মাত্তর্ তে হবর্ ন-পেদঅ‌, শঅরর্‌ পিজেন্দি তা বিরুদ্ধে একদল সৈন্য লুগিই আগন্‌।

বিচের গুরিয়্যেগুন 20:36

ইয়েনর্ পরেন্দি বিন্যামীনীয়গুনে বুঝিলাক্‌, তারা উদিই যেইয়োন। গিবিয়ার ইদু যে সৈন্যগুনোরে লুগেই রাগা ওইয়্যে তারা আজাই ইস্রায়েলীয়গুনে বিন্যামীনীয়গুনোর মুজুঙেত্তুন পিজেন্দি যেইয়োন।

বিচের গুরিয়্যেগুন 20:42

সেনত্তেই তারা ইস্রায়েলীয়গুনো মুজুঙোত্তুন ধূল্যেচরর্‌ চাগালার্‌ ইন্দি ধেই যাহ্ ধুরিলাক্‌, মাত্তর্‌ যুদ্ধোত্তুন ন-বাঁজিলাক। অন্য ইস্রায়েলীয়গুনে শঅর্‌ আর আদামত্তুন নিগিলি এইনে সিয়োদোই তারারে মারে ফেলেলাক্‌।