যিহোশূয় 8:14 - Chakma Bible

¹⁴ ইস্রায়েলীয়গুনোরে দেগিনে অয়র রাজা তারা সমারে যুদ্ধো গুরিবাত্তে বেন্যেমাদান্ যাদিমাদি উদিনে বেক্‌ মানুচ্চুনোরে নিইনে শঅ‌রত্তুন্‌ নিগিলিনে অরাবা সংজাগান ইদু এক্কান ঠিগগোজ্যে জাগাত্‌ গেলাক্‌। মাত্তর্ তে হবর্ ন-পেদঅ‌, শঅরর্‌ পিজেন্দি তা বিরুদ্ধে একদল সৈন্য লুগিই আগন্‌।

যিহোশূয় 8:14 Iomraidhean Croise

উপদেশক 9:12

কনজনে হবর্ ন-পান্ তার্ মরণর্ অক্তবো কক্কে এবঅ। যেধোক্ক্যেন্ গুরিনে মাছে জালত্ ধরা পড়ন্ আর পেগ্‌কুনে ফালত্ পড়ন্ সেধোক্ক্যেন্ গুরিনে দজা অদাতৎ মান্‌জ্য উগুরে এজে আর তারে ফালত্ ফেলায়।

যিশাইয় 19:11

সোয়নর দাঙর্ পোজিশনর্ কামগুরিয়্যেগুনে এক্কুবারে ভুল্ বেদমা; ফরৌনর জ্ঞানী সল্লাদিয়্যেগুনে অত্তনেইয়্যে উপদেজ্ দুয়োন্। তুমি ফরৌণরে কেধোক্ক্যেন গুরি কোই পার, “মুই জ্ঞানী মানুচ্চুনো ভিদিরে একজন আর খুব পুরোনা দিনো রাজাগুনোর বংশধর্”?

যিশাইয় 19:13

সোয়নর দাঙর্ পোজিশনর্ কামগুরিয়্যেগুনে ভুল্-বেদমা ধোক্ক্যেন ওইয়োন্, আর নোফর নেতাগুনে ঠোক্ক্যন্; মিসরর আজল্ নেতাগুনে মিসরর ভান্ন্যেই পধেদি নেযেয়োন।

দানিয়েল 4:31

কধানি তা মুয়োত্ থাগদে থাগদে স্বর্গত্তুন্ কনঅ একজনে কলঅ, “ও রাজা নবূখদ্‌নিৎসর, তরে কুয়ো অত্তে যে, তঅ রেজ্যগানি তত্তুন্ নেযা ওইয়্যে।

মথি লেখ্যে গম্ হবর্ 24:39

যেদক্ বিলোন্ সং বান পানিগান্ এইনে তারারে বেক্কুনোরে ভাজেই ন-নেযেল সেদক্ বিলোন্ সং তারা কিচ্চু বুঝি ন-পারিলাক্। মান্‌জ্য পুয়োবোর্ এজানাগান ঠিগ্ সেবাবোত্যে অবঅ।

মথি লেখ্যে গম্ হবর্ 24:50

মাত্তর্ যেদিন্নো আর যে অক্তবোর্ কধা সেই চাগর্‌বো আজায়ো ন-গরে, নয়ো জানিবো, সেদিন্যে আর সে সময়োত্ তা গিরোজ্‌সো এইনে আজির্ অবঅ।

দ্বি’লম্বর বিররণ 1:1

মোশি যর্দন গাঙর্‌ পূগেন্দি ধূল্যেচর-চাগালাত্, অত্তাৎ অরাবাতত্‌ বেক্‌ ইস্রায়েলীয়গুনো ইদু বালক্কানি কধা কোইয়্যে। তে যিয়েনত্‌ সেদক্কানি কধা কোইয়্যে সেই জাগায়ান এলদে সূফর মুজুঙোন্দি। সিয়েনর্‌ এক কিত্তেন্দি এলদে পারণ আর আরেক কিত্তেন্দি এলদে তোফল, লাবন, হৎসেরোৎ আহ্‌ দীষাহব।

যিহোশূয় 8:13

এধোক্ক্যেনগুরি ইস্রায়েলীয়গুনে তারার সৈন্যগুনোরে যুদ্ধোত্তে যুক্কোল্‌ গুরি রাগেল-যিগুনে তাম্বুলোত্‌ থেবাক্‌ তারারে রাগেল অয় শঅরর্‌ উত্তরেন্দি আর যিগুনে লুগি থেবাক্‌ তারারে রাগেল শঅরর্‌ পোজিমেন্দি। সে রেদোত্‌ যিহোশূয় কিজিঙোত্‌ এলঅ‌।

যিহোশূয় 8:15

যিহোশূয় আর বেক্‌ ইস্রায়েলীয়গুনে তারা মুজুঙেত্তুন ধেই যেবার্‌ ভান্‌ গুরিনে ধূল্যেচরর্‌ চাগালার্‌ পদেন্দি আদি গেলাক্‌।

যিহোশূয় 8:16

সেক্কে ইস্রায়েলীয়গুনোরে লোড়েবাত্তে অয়র বেক্‌ মানুচ্চুনোরে ডাগা অলঅ‌। তারা যিহোশূয়র পিজে পিজে লোড়েলাক্‌ আর এবাবোত্যেগুরি শঅ‌রত্তুন তারারে দূরোত্‌ নেযা অলঅ‌।

যিহোশূয় 8:5

মুই মঅ লগে মানুচ্চুন লোইনে শঅরন্দি উজেই যেম্‌। তারা যেক্কে আগঅ‌ ধোক্ক্যেন্‌ আমা লগে যুদ্ধো গুরিবাত্তে নিগিলি এবাক্‌ সেক্কে আমি তারা মুজুঙেত্তুন ধেই যেবং।

২ পিতর 2:3

লুভে পড়িনে ছলনার্ কধা কোইনে তারা নিজো লাভত্যে তমারে কামত্ লাগেবাক্। তারার্ সাজাগান ভালোক দিন ধুরিনে তারা উগুরে দুলের্, আর তারার্ ভস্ত অনাগান জুরো গুরিনে বোইদ্যে নেই।

বিচের গুরিয়্যেগুন 20:37

সে পৌল্যেই থেইয়্যে সৈন্যগুনে গিবিয়ার উগুরে আদিক্কেন্‌ গুরি ঝাবেই পড়িলাক্‌ আর শঅরর্‌ ভিদিরে ছিদি পড়িনে সিদুগোর্‌ বেক্‌ মানুচ্চুনোরে মারে ফেলেলাক্‌।