যিহোশূয় 8:1 - Chakma Bible

¹ সে পরেন্দি লগেপ্রভু যিহোশূয়রে কলঅ‌, “তুই ন-দোরেচ্‌ আর আজা ন-আরেচ্‌। তর্‌ বেক্‌ সৈন্যদলুন্‌ নিইনে তুই অয় শঅ‌রান আরঅ‌ আক্রমণ গুরিবাত্তে যাহ্‌। অয় শঅরর্‌ রাজা, তা মানুচ্চুন্‌, তা শঅ‌রান্‌ আর দেজচান মুই তঅ‌ আদত্‌ তুলি দুয়োং।

যিহোশূয় 8:1 Iomraidhean Croise

গীতসংহিতা 27:1

লগেপ্রভুই মর্ পহ্‌র্ আর মর্ উদ্ধোর গুরিয়্যে, মুই কারে দোরেম্? লগেপ্রভু মরে রোক্ষ্যে গুরিবো বেক্ দযানিত্তুন, মুই কনমতে ন দোরেম্।

গীতসংহিতা 44:3

তারা নিজো তলোয়ারলোই এ দেজ্‌ছান গজক্ ন-গরন, নিজো বল্লোই নয়ও জিদোন্; তর্ বল্লোই, অয়, তর্ বল্লোই; আর তর্ মহিমালোই সিয়েনি গোজ্যন্, কিয়া তারা উগুরে তর্ দোয়্যে এলঅ।

গীতসংহিতা 46:11

বেগত্তুন খেমতাবলা গিরোজ্ লগেপ্রভু আমা সমারে আঘে; যাকোবর গোজেনে আমা ঘর্।

যিশাইয় 12:2

ঘেচ্চেক্‌গুরি, গোজেনে মর্ উদ্ধোরগুরিয়্যে; মুই তা উগুরে বিশ্বেজ্ গুরিম, ন-দোরেম্। লগেপ্রভু, লগেপ্রভু মর্ বল্ আর মর্ গান; তেয়ই মর্ উদ্ধোরগুরিয়্যে ওইয়্যে।”

যিশাইয় 43:2

তুই যেক্কে পানি উগুরেদি যেবে সেক্কে মুই তঅ লগে লগে থেম্। যেক্কে তুই গাঙ উগুরেদি যেবে, সেক্কে সিয়েনিয়ে তরে ন-ডুবেব; তুই যেক্কে আগুনো উগুরেদি যেবে, সেক্কে তুই পুড়ি ন-যেবে, আগুনো জ্বিলান্ তঅ কিয়্যেত্ ন-বাঁজিবো;

যিরমিয় 46:27

“ও মর্ চাগর যাকোব, ন-দোরেচ্; ও ইস্রায়েল, আজা নেইয়্যে ন-ওচ্। মুই দূর্ দেজত্তুন্, বন্দী থেইয়্যে দেজত্তুন্ তরে আর তঅ বংশধরুনোরে ঘেচ্চেকগুরি উদ্ধোর্ গুরিম। যাকোবে আরঅ সুগে-শান্দিয়্যে আর গমেডালে থেবঅ, কনজনে তারে দর্ ন-দেগেবাক্।

যিরমিয় 49:3

“ও হিশ্‌বোন, আবিলেচ্ গর্, কিত্তে অয় শঅর ভস্ত ওই যেইয়্যে। ও রব্বা শঅরর্ আদাম্মেগুন, কানঅ; বস্তা ফাদা উরিনে আবিলেচ্ গরঅ। দেবাল ভিদিরে দাবাদেদি গরঅ, কিত্তে তঅ দেবেদা মিল্‌‌কমে বন্দী ওইনে দূর দেজত্ যেবঅ, আর তা লগে যেবাক্ তার ধর্মগুরু আর দাঙর্ পোজিশন কামগুরিয়্যেগুনে।

দানিয়েল 2:21

তেয়ই সময় আর ঋতু তা অধীনোত্ রাগায়; তে রাজাগুনোরে সিংহাসনত্ বজায় আর লামেই দে। তে জ্ঞানীগুনোরে জ্ঞান দান গরে আর বুদ্ধিমানুনোরে বুদ্ধি দান গরে।

দানিয়েল 4:25

তরে মানুচ্চুনো ইত্তুন্ ধাবেই দিয়্যে অবঅ আর তুই য়েমানুনো সমারে বজত্তি গুরিবে; তুই দামাড়া গোরু ধোক্ক্যেন ঘাস হেবে আর আগাজ শিরোপানিয়ে ভিজিবে। এবাবোত্যেগুরি সাত বজর্ যেবগোই, যেদক ভিলোন্ সং তুই মানি ন-নেযেব, মান্‌‍‍জ্য রেজ্যনি উগুরে দাঙর্ গোজেনে কাবিদ্যঙি গরে আর তেয়ই সিদুগোর্ বেক রেজ্যগানি সেই বেক্ রেজ্যগানি যিবেরে আওজ্ তারে দে।

দানিয়েল 4:35

পিত্‌‌‌‌থিমীর বেক্ মানুচ্চুন তাইদু কিচ্চু নয়। তে স্বর্গদূত্তুনোরে আর পিত্‌‌‌‌থিমীর মানুচ্চুনোরে নিইনে তা আওজ্ মজিম কাম গরে। এমন কনজন নেই যে, তার আঢ্‌‌‌‌তানি থামেই দি পারে বা তারে কোই পারে, ‘তুই কি গরর্?’ ”

মথি লেখ্যে গম্ হবর্ 8:26

সেক্কে তে তারারে কলঅ, “কম্-বিশ্বেসীগুন, কিত্তে তুমি দরর্?” ইয়েনর্ পরেদি তে উদিনে বোইয়্যের্ আর সাগরানরে ধমক্ দিলো। সেক্কে বেক্কানি অলর্ ওই গেলঅ।

দ্বি’লম্বর বিররণ 1:21

চঅ‌, তমার গোজেন লগেপ্রভুর দিয়্যে পুরো দেজ্‌ছানই তমা মুজুঙোত্‌ আঘে। তমার পুরোণি মানুচ্চুনোর গোজেন লগেপ্রভুর কধা মজিম্‌ তুমি যেইনে দেজ্‌ছান গজক্ গরঅ। তুমি ন দোরেয়ো, নিরাশঅ ন ওইয়ো।

দ্বি’লম্বর বিররণ 31:8

লগেপ্রভু নিজে তমার আগে আগে যেবঅ আর তমা সমারে থেবঅ। তে কনদিনঅ তরে ছাড়িনে ন-যেবঅ বা বাদ ন-দিবো। তুই ন-দোরেচ্‌, মনবল ন-আরেচ্‌।”

দ্বি’লম্বর বিররণ 7:18

মাত্তর্‌ তুমি তারারে ন-দোরেয়ো। ফরৌণ আর গোদা মিসর্‌ দেজ উগুরে তমা গোজেন লগেপ্রভু কি গোজ্যে সিয়েনি পুরি ন ফেলেইয়ো।

দ্বি’লম্বর বিররণ 7:21

তুমি তারারে ন-দোরেয়ো, কিত্যে তমা গোজেন লগেপ্রভু যিবে তমা ভিদিরে আঘে, তে দাঙর্‌ আর ভোক্তিলোই ভোজ্যে দর্‌ জাগেয়্যে গোজেন।

যিহোশূয় 1:9

মুই তরে উগুম দুয়োঙর, সেনত্তেই তুই বোলী অ আর মনত্‌ সাহস আন্‌। ন-দোরেচ্‌ বা ঝিমেয়্যে ন-ওস্, কিত্যে তুই যিয়োদোই যেদে সাৎ তর্‌ গোজেন লগেপ্রভু তঅ‌ লগে থেবঅ‌।”

যিহোশূয় 10:7

এ হবরান পেইনে যিহোশূয় তার পুরো সৈন্যদলুন নিইনে গিল্‌গলত্তুন উজেই গেলঅ‌। তা ভিদিরে এলাক্কে ইস্রায়েলীয়গুনোর বেক্‌ বীর যোদ্ধাগুন্‌।

যিহোশূয় 10:8

লগেপ্রভু যিহোশূয়রে কলঅ‌, “তুই তারারে ন-দোরেচ্‌; মুই তারারে তঅ‌ আঢত্‌ তুলি দুয়োং। তারা কনজনে তঅ মুজুঙোত্‌ থিয়্যেই ন-পারিবাক্‌।”

যিহোশূয় 2:24

তারা যিহোশূয়রে কলাক্, “এ কধাগান ঠিগ্‌, লগেপ্রভু পুরো দেজ্‌চান আমা আদত্‌ তুলি দিয়্যে। আমা দরে সে জাগানর্‌ বেক্‌ মানুচ্চুনে এক্কুবারে মন্‌মরা ওই পোজ্যন্‌।”

যিহোশূয় 6:2

লগেপ্রভু সেক্কে যিহোশূয়রে কলঅ‌, “চাহ্‌, মুই যিরীহো শঅ‌রান্‌, সিয়েনর্‌ রাজারে আর তার বেক্‌ বীর যোদ্ধাগুনোরে তঅ‌ আঢত্‌ তুলি দুয়োং।

যিহোশূয় 7:9

কনানীয়গুনে আর এ দেজর্‌ অন্য মানুচ্চুনে এ কধানি শুনিবাক্‌ আর তারা আমারে ঘিরিবাক্‌ আহ্‌ দুনিয়ের্‌ বুগোত্তুন আমা নাঙানি বাদ দিবাক্‌। ইয়েনর্ পরেন্দি তুমি কিঙিরিনে তমার সুনাঙানি রোক্ষ্যে গুরিবা?”