যিহোশূয় 7:3 - Chakma Bible

³ সে পরেন্দি তারা যিহোশূয় ইদু ফিরি এইনে কলাক্‌, “অয় শঅরর্‌ বিরুদ্ধে বেক্‌ মানুচ্চুনোর যানা দরকার নেই। সিয়েন গজক্ গুরিবাত্তে দুই বা তিন আজার্ মানুচ্‌ পাধেই দে। ইয়েন্দোই বেক্‌ মানুচ্চুনোরে দুখ্‌ ন-দিচ্‌, কিত্যে সিদুগোর্ মান্‌জ্যর্‌ সোংখ্যেগুন অমকদ কম।”

যিহোশূয় 7:3 Iomraidhean Croise

গম্ উপদেজ্ 13:4

আল্‌সি মান্‌জ্যে পেবাত্তে চায় মাত্তর্ কিচ্চু ন-পায়, মাত্তর্ কাম্যগুনে তারার চানাত্তুন্ বেশ্ পান। ‍

গম্ উপদেজ্ 21:25

আল্‌সি মান্‌জ্যর কামনাগানে তা মরণান্ ঘদায়, কিত্তে তা আঢ্‌তানে কাম গুরিবাত্তে অস্বিগের্ গরে।

লূকে লেখ্যে গম্ হবর্ 13:24

চিগোন্ দুয়োরদি সুমিবাত্যে জদবদে চেষ্টা গরঅ। মুই তমারে কঙর্, ভালোক্‌জনে সুমিবাত্যে চেষ্টা গুরিবাক্ মাত্তর্ ন-পারিবাক্।

ইব্রীয় 4:11

ইয়েনত্যে এজঅ, আমি সেই জিরেন্ পেবাত্যে গমেডালে আয়োজি ওই। কেঅ যেন সেই অবাধ্য ইস্রায়েলীগুনো ধোক্ক্যেন গোজেনরে অমান্য গুরিনে তার্ দিয়্যে জিরেনত্তুন্ বাদ ন-পড়ন্।

যিহোশূয় 7:2

যিহোশূয় যিরীহোত্তুন অয় শঅ‌রত্‌ মানুচ্‌ পাদেল। সে শঅ‌রান এলদে বৈথেল শঅরর্‌ পূগেন্দি বৈৎ-আবন শঅরর্‌ কায়। সেই মানুচ্চুনোরে পাদেবার অক্তত্‌ তে তারারে কোই দিলো্‌, “তুমি যেইনে দেজ্‌চান গমেডালে চেই এজঅ‌।” সেনত্তেই মানুচ্চুনে যেইনে গুমুরোত্ অয় শঅরর্‌ হবর্ নিলাক্‌।

যিহোশূয় 7:4

সেনত্তে কমেদি তিন আজার মানুচ্‌ সিদু গেলাক্‌; মাত্তর্ তারা অয় শঅরর্‌ মানুচ্চুনো ইদু উদি যেইনে ধেই এত্তে বাধ্য অলাক্‌।

২ পিতর 1:10

ইয়েনত্যে ভেইলগ, গোজেনে যে ঘেচ্চ্যেকগুরি তমারে ডাক্ক্যে আর বেঈ লোইয়্যে সিয়েন যদবদে অবাত্যে আরঅ বেচ্ আওজি অ। ইয়েনি গুরিলে তুমি কনদিনঅ উজোট্ ন-হেবা।

২ পিতর 1:5

ইয়েনত্যে ভারী আওজি ওইনে তমা বিশ্বেজ সমারে গম খাচ্চ্যত্, গম খাচ্চ্যদ সমারে জ্ঞান,