যিহোশূয় 7:26 - Chakma Bible

²⁶ আখনর কিয়্যের্‌ উগুরেন্দি তারা ভালোক্কুন্‌ পাত্তর্‌ এগত্তর্ গুরিনে এক্কো হুড়্ বানেলাক্‌। সিবে এজঅ‌ আঘে। ইয়েনর্ পরেন্দি লগেপ্রভু তা রাক্কানত্তুন্‌ ফিরিলো। ইয়েনত্তেই সে জাগায়ানরে ইয়েনর্‌ পরেত্তুন্‌ ধুরি আখোর কিজিং কুয়ো অদঅ‌।

যিহোশূয় 7:26 Iomraidhean Croise

২ শমূয়েল 18:17

তারা অবশালোমরে নেযেইনে ঝার ভিদিরে এক্কো দাঙর্‌ গাদত্‌ ফেলেই দিলাক্ আর তা উগুরে সিলুন্ এগত্তর্ গুরিনে এক্কো দাঙর্‌ কুড়্ বানেই রাগেলাক্। এ ভিদিরে ইস্রায়েলীয়গুনে বেক্কুনে যার্‌ যার্‌ ঘরত্‌ ধেই গেলাক্।

২ শমূয়েল 21:14

দায়ূদো মানুচ্চুনে শৌল আর তার্‌ পূঅ যোনাথনর অাড়ুন বিন্যামীন চাগালার্‌ সেলাত্‌ তা বাপ্পো কীশোর গোরানত্‌ থলাক্। রাজার উগুম্‌ মজিম্‌ তারা বেক্কানি গুরিলাক্। সে পরেন্দি দেজত্তেই গোজেন ইদু তবনা গরা অলে পরেন্দি তে জোব্ দিলো।

২ বংশধর 29:10

মুই ইক্কিনে ইস্রায়েলর গোজেন লগেপ্রভুর লগে এক্কো চুক্তি গুরিবাত্তে চাং যেনে তার্‌ দর্‌গরেপারা রাগ্‌কান আমা উগুরেত্তুন্‌ যাইয়োই।

ইষ্রা 10:14

আমা দাঙর্ পোজিশনর্ কামগুরিয়্যেগুনে যেনে পুরো সমাজর নেতা অন্। সে পরেদি আমার নানান্ আদাম আর শঅর ভিদিরে যিগুনে অন্য জাদর্ মিলেরে লোইয়োন্ তারা পত্তিজনে তারার্ বুড়ো নেতাগুনোরে আর বিচেরগ্‌কুনোরে লোইনে এক্কো ঠিগ্ সময়োত্ যিরূশালেমত্ এজোদোক্। সেক্কে এই পাপ্পানত্যে আমা গোজেনর্ দর্‌গরেপারা রাগ্‌কান্ আমাত্তুন্ যেবগোই।”

গীতসংহিতা 85:4

ও আমা উদ্ধোর গুরিয়্যে গোজেন, তুই আমারে আগ অবস্তাদ ফিরেই আন; আমা উগুরে তর্ বেজার্ অনাগান তুই থামা।

যাত্রা 32:12

কিত্তেই মিসরীয়গুনে এই কধাগান্‌ কবার্‌ সুযোগ্‌ পেবাক্‌, মুড়োমুড়ি চাগালা ভিদিরে আনিনে তারারে মারে ফেলেইনে পিত্‌থিমীর্‌ বুগোত্তুন্‌ তুলি দিবার্‌ ভান্ন্যেই আওজে তুই তারারে নিগিলেই আন্যচ্‌? তর্‌ এই জদবদে রাক্কান্‌ তুই থামা। দোয়্যে গর্‌, তঅ মানুচ্চুনো উগুরে তুই এই বিপদ্‌থান্‌ ন-আনিচ্‌।

যিশাইয় 40:2

যিরূশালেম মানুচ্চুনো লগে গমেডালে কধা কঅ, আর তারা ইদু এ কধাগান ফগদাং গরঅ, তারার দুঘ্‌কানি শেজ্ ওইয়্যে, ‍ তারার পাপর খেমা ওইয়্যে, তারার বেক্ পাপর ফলানি তারা লগেপ্রভুত্তুন্ ভর্ পুনংগুরি পেইয়োন।”

যিশাইয় 65:10

মর্ যে মানুচ্চুনে মর্ আওজ্ মজিম চলদন্ তারাত্তে শারোণান অবঅ ভেড়া পাল চোড়েবার জাগা আর আখোর কলগ্‌কান অবঅ য়েমান পালর্ জিরেবার-জাগা। ‍‍‍

আবিলেচ্ 3:53

তারা গাদ ভিদিরে মঅ পরাণান শেজ্ গুরি দিবার্ চেরেস্‌‌‌টা গোজ্যন্ আর মঅ উগুরে পাত্তর্ মাজ্যন্।

হোশেয় 2:15

মুই সিদু তার আংগুর খেত্‌‌‌তান তারে ফিরেই দিম আর আখোর্ কলগ্‌‌‌কানরে আজার দোর্ বানেম। তার গাবুজ্যে জিংকানি ধোক্ক্যেন গুরি তে সিদু গীদ্ গেইনে জোব্ দিবো যেবাবোত্যেগুরি তে দিয়্যে মিসরত্তুন্ নিগিলি এবার্ দিনোত্।

হোশেয় 2:17

তা মুয়োত্তুন্ মুই বাল দেবেদাগুনোর্ নাঙানি দূর্ গুরি দিম; তে আর বাল দেবেদাগুনোরে ন-ডাগিবো।

যোয়েল 2:13

তমা পোজাক্কানি ন-ফাদিনেই মনান্ ফাদি ফেলঅ। তমা গোজেন লগেপ্রভু ইধু ফিরি এজঅ, কিত্যে তে দোয়্যেবলা আর মেয়্যেলোই ভরা; তে সহজে বেজার্ ন-অয়, তার অমকদ কোচ্‌‌পানার দুযি নেই আর তে মনান্ বুদুলিনে আর্ সাজা ন-দে।

যোয়েল 2:18

সেক্কে লগেপ্রভু তা দেজ্‌‌‌চানত্তে আওজি অবঅ আর তা মানুচ্চুনো উগুরে মেয়্যে গুরিবো।

যোনা 1:15

ইয়েনর পরেদি তারা যোনারে ধুরিনে সাগরত্ ফেলেই দিলাক্, সেক্কে তুবোল্ উঠ্যে সেই সাগরান শান্ত ওই গেলঅ।

সখরিয় 6:8

সে পরেদি তে মরে ডাগিনে কলঅ, “চাহ্, যিগুনে উত্তোর্ দেজ ইন্দি যাদন্ তারা মঅ রাগ্‌‌‌‌‌‌কান থামেই দুয়োন্।”

দ্বি’লম্বর বিররণ 13:17

লগেপ্রভু যেনে তার দর্‌গরেপারা রাগত্তুন্‌ ফিরি এজে সেনত্যে তমা আদত্‌ যেনে এই বেক্‌ পযাপিরানির এক্কানঅ দেগা ন-যায়, কিত্যে সিয়েনি উগুরে আঘেদে ভস্ত অনার্ অবিশাব। সালে তে তমারে দোয়্যে আর মেইয়্যে গুরিবো আর তমার পুরোণি মানুচ্চুনো ইদু শমক্‌ খেইয়্যে এগেম্ মঝিম তমার বংশগুন বাড়েই দিবো,

দ্বি’লম্বর বিররণ 13:18

কিত্যে এচ্চ্যে মুই তমারে যেদক্কানি উগুম দুয়োঙর্‌ সিয়েনি পালন গরঅ আর তার চোগেদি যিয়েনি গম্‌ সিয়েনি গরঅ তুমি তমার গোজেন লগেপ্রভুর বাধ্য ওইয়ো।

যিহোশূয় 10:27

বেলান্‌ ডুবিবার্‌ অক্তত্‌ যিহোশূয়র উগুমে মানুচ্চুনে গাজত্তুন্‌ তারার কিয়্যেনি লামেল আর যে গাত্তোত্‌ তারা পোল্ল্যেই এলাক্‌ সে ভিদিরে কিয়্যেনি ফেলেলাক্‌। গাত্তোর্‌ মুয়োনি তারা দাঙর্‌ দাঙর্‌ পাত্তর্‌ দিইনে নাঢি দিলাক্‌। সিগুন এজঅ‌ সিয়েনত্‌ আগন্‌।

যিহোশূয় 7:24

পরেন্দি যিহোশূয় আর বেক্‌ ইস্রায়েলীয়গুনে সেরহর বংশধর আখনরে লোইনে আখোর কিজিঙোত্‌ গেলাক্‌। তারা লগে নেযেলাক্‌ সে রূবোনি, কাবড়ানি, সনার কট্টানি, আখনর পূঅ-ঝিগুন্‌, তার গোরু-গাধা-ভেড়াগুন্‌, তার তাম্বুলানি আর যিয়েনি এলঅ‌ বেক্কানি।

যিহোশূয় 8:29

তে অয় শঅরর্‌ রাজাবোরে মারে ফেলেইনে সাজোন্যে সং গাজত্‌ টাঙেই রাগেল। সাজোন্যে অক্তত্‌ তে তার কিয়্যেগান্‌ গাজত্তুন লামেইনে শঅরর্‌ গেদোত্‌ চমিবার পথ্‌তানত্‌ ফেলে দিবাত্তে উগুম্‌ দিলো। মানুচ্চুনে তা উগুরে পাত্তর দিইনে এক্কো দাঙর্‌ কুড়্ গুরি রাগেলাক্‌। সিবে এজঅ‌ আঘে।