যিহোশূয় 7:24 - Chakma Bible

²⁴ পরেন্দি যিহোশূয় আর বেক্‌ ইস্রায়েলীয়গুনে সেরহর বংশধর আখনরে লোইনে আখোর কিজিঙোত্‌ গেলাক্‌। তারা লগে নেযেলাক্‌ সে রূবোনি, কাবড়ানি, সনার কট্টানি, আখনর পূঅ-ঝিগুন্‌, তার গোরু-গাধা-ভেড়াগুন্‌, তার তাম্বুলানি আর যিয়েনি এলঅ‌ বেক্কানি।

যিহোশূয় 7:24 Iomraidhean Croise

পত্থম 18:25

ইয়েন্‌ তর্‌ পক্ষে সম্ভব নয়। গম্‌ আর ভান্ন্যেয় উগুরে এক বাবোত্যে বেবহার গুরিনে তারারে একলগে মারে ফেলানা তর্‌ পক্ষে এক্কুবারে সম্ভব নয়। গোদা পিত্‌থিমীয়ানর্‌ যিবে বিচেরর্ মালিক্‌ তে কি দোল্‌বিচের্‌ গুরি ন পারে?”

ইয়োব 20:15

যে ধন-সোম্বোত্তিগানি তে গিল্যে সিয়েনি তে উগুলি দিবো; গোজেনে তা পেদত্তুন্‌ সিয়েনি নিগিলেই ফেলেব।

যাত্রা 20:5

তুমি তারারে পূজোয়ো ন-গুরিবা, তারারে সেবায়ো ন-গুরিবা, কিত্তে বানা মুয়ই লগেপ্রভু তমার্‌ গোজেন। মর্‌ পাওনা ভোক্তিগান মুই চাং। যিগুনে মরে ঘিনেন্‌ তারার্‌ পাবর্‌ সাজা-মুই তারারে তিনোত্তুন্‌ ধুরি চের্‌ পুরুষ সং দুয়োং।

গম্ উপদেজ্ 15:27

লুভি মান্‌জ্যে তা পরিবারত্ দুঘ্ তাঙায়, মাত্তর্ যে মান্‌জ্যে ঘুষ্ ঘিনায় তে দোল্ জিংকানি পেবঅ।

উপদেশক 5:13

বেলান তলেদি মুই এক্কান্ অমকদ দুঘোর্ বেপার দেখ্যং-তাগোয়্যেবো বোউত্ ধন থুবেই রাগায় মাত্তর্ যেরেদি তার্ খেতি অয়।

যিশাইয় 65:10

মর্ যে মানুচ্চুনে মর্ আওজ্ মজিম চলদন্ তারাত্তে শারোণান অবঅ ভেড়া পাল চোড়েবার জাগা আর আখোর কলগ্‌কান অবঅ য়েমান পালর্ জিরেবার-জাগা। ‍‍‍

হোশেয় 2:15

মুই সিদু তার আংগুর খেত্‌‌‌তান তারে ফিরেই দিম আর আখোর্ কলগ্‌‌‌কানরে আজার দোর্ বানেম। তার গাবুজ্যে জিংকানি ধোক্ক্যেন গুরি তে সিদু গীদ্ গেইনে জোব্ দিবো যেবাবোত্যেগুরি তে দিয়্যে মিসরত্তুন্ নিগিলি এবার্ দিনোত্।

যিহোশূয় 15:7

সিয়েনত্তুন্ দুযির চিহ্নোগান আখোর কিঝিঙোত্তুন দবীর সং উদি গেলঅ আর সিয়েন উত্তোরেন্দি কিঝিঙোর্ দোগিণে অদুম্মীমত্‌ উদি যাইদে পদর উল্টোন্দি গিল্‌গল সং গেলঅ। গিল্‌গলত্তুন ঐন্‌-শেমশর স্রোত সং যেইনে সিয়েন ঐন্‌-রোগেলত্‌ নিগিলি এলঅ।

যিহোশূয় 22:20

যেদক্কানি জিনিস ভস্তর্ অভিশাবর্ তলে এলঅ‌ সে পৌইদ্যেনে সেরহর পূঅ‌ আখনে বিশ্বেজ্ ন-গরে বিলিনে লগেপ্রভুর রাগ্‌কান্‌ কি পুরো ইস্রায়েল সমাজ উগুরে ন-পড়ে? তে দঅ‌-তার্‌ পাবত্তে গায়্‌ গায়্ মুরি ন-যায়।’”

যিহোশূয় 6:18

মাত্তর্ যেদক্কানি জিনিস ভস্তর্ অভিশাবর্ তলে সিয়েনিত্তুন তুমি দূরোত্‌ থেবা যেনে সিয়েনিত্তুন কনঅ‌ কিজু নিজোত্তে নেযেইনে তুমি নিজো উগুরে দযা ডাগি ন-আনঅ‌। সিয়েন গুরিলে তুমি ইস্রায়েলীয়গুনোর তাম্বুলানি উগুরে দযা ডাগি আনিবা আরঅ তারারে দযাত্ ফেলেবা।

যিহোশূয় 6:21

তারা আত্যের্‌লোই মিলে-মরদ, পূঅ-বুড়ো, গোরু, ভেড়া ছাগল, গাধা সুদ্ধো বেক্‌ পরাণবলাগুনোরে শেজ্‌ গুরি দিলাক্‌।

যিহোশূয় 7:1

যিরীহো শঅরর্‌ ভস্তর্ অভিশাবর তলে থেইয়্যে পযারিরেনি পৌইদ্যেনে ইস্রায়েলীয়গুনে অবিশ্বেজী ওইয়োন্‌। যিহূদা-গুট্টির কর্মির পূঅ আখনে সে জিনিজোত্তুন্‌ কয়েক্কান নিজোত্তে নেযেল। কর্মি অলদে সব্দির পূঅ আর সেরহর নাদিন্‌। আখনর এ কামানত্তেই ইস্রায়েলীয়গুনো উগুরে লগেপ্রভুর রাগকান্‌ জুলি উদিলো।

যিহোশূয় 7:23

তারা সিয়েনি তাম্বুলানত্তুন্‌ নিগিলেনে যিহোশূয় আর বেক্‌ ইস্রায়েলীয়গুনো ইদু আনিলাক্‌ আর লগেপ্রভুর মুজুঙোত্‌ সিয়েনি বিজেই রাগেলাক্‌।

যিহোশূয় 7:26

আখনর কিয়্যের্‌ উগুরেন্দি তারা ভালোক্কুন্‌ পাত্তর্‌ এগত্তর্ গুরিনে এক্কো হুড়্ বানেলাক্‌। সিবে এজঅ‌ আঘে। ইয়েনর্ পরেন্দি লগেপ্রভু তা রাক্কানত্তুন্‌ ফিরিলো। ইয়েনত্তেই সে জাগায়ানরে ইয়েনর্‌ পরেত্তুন্‌ ধুরি আখোর কিজিং কুয়ো অদঅ‌।