যিহোশূয় 7:15 - Chakma Bible

¹⁵ যিয়েন ভস্তর্ অভিশাবর তলে সিয়েন যে মানুচ্চো ইদু আঘে বিলিনে ধরা পুরিবো তাত্তুন্‌ তার বেক্কানি আগুনোত্‌ পুড়ি ফেলা পুরিবো। তে লগেপ্রভুর সুদোম অমান্য গোজ্যে আর এন্‌ এক্কান কাম্‌ গোজ্যে যিয়েন্‌ ইস্রায়েলীয়গুনোর পক্ষে এক্কান লাজানার্‌ কধা।’”

যিহোশূয় 7:15 Iomraidhean Croise

পত্থম 34:7

এ ভিদিরে কধাগান্‌ শুনিনে যাকোব পুয়োগুনে মাদত্তুন্‌ ফিরি এলাক। তারা যেবাবোত্যে মনত্‌ দুঘ্ পেলাক্ সেবাবোত্যে অমকদ রাগঅ অলাক্, কিত্তে যাকোব ঝিবোর্ ইজ্জোত্‌তান বর্‌বাত্ গুরি দিইনে শিখিমে ইস্রায়েল উগুরে এক্কান্‌ অগমান কাম্‌ গোজ্যে, যিয়েন্‌ গোজ্যে সিয়েনর কনঅ উচিত্ ন এলঅ।

২ শমূয়েল 13:13

মর্‌ কি অবঅ? কেধোক্ক্যেনগুরি মুই এ কলঙ্কর মুয়োন্‌ মান্‌জ্যরে দেগেম? আর তরেয়ো ইস্রায়েলীয়গুনো ভিদিরে এক্কো বজং মানুচ্‌ বিলিনে বেক্কুনে জানিবাক্। কোজোলী গরঙর্‌, তুই বরং রাজার ইদু যেইনে কঅ; সালে তঅ আঢত্‌ মরে দিবাত্তে অমত্ ন-গুরিবো।”

যিহোশূয় 7:11

ইস্রায়েলীয়গুনে পাপ গোজ্যন্‌; মুই তারারে মর্‌ যে সুদোমানি পালেবাত্তে কোইয়োং সিয়েনি তারা ন-পালান্‌। যেদক্কানি জিনিস ভস্তর্ অভিশাবর তলে সিয়েনির্‌ কয়েক্কান তারা নেযেয়োন; তারা চুর্‌ গোজ্যন্‌, মিজে কধা কোইয়োন্‌ আর বেক্‌ জিনিসছানি নিইনে তারা তারার নিজো জিনিসছানি লগে রাগেয়োন্‌।

যিহোশূয় 7:16

তার্‌ কেল্যে বেন্যেপোত্যে যিহোশূয় গুট্টি মজিম ইস্রায়েলীয়গুনোরে লগেপ্রভুর মুজুঙোত্‌ আনিলো, সেক্কে যিহূদা-গুট্টিবো ধরা পুরিলো।

বিচের গুরিয়্যেগুন 20:10

ইস্রায়েলর বেক্‌ গুট্টিগুনোর পত্তি একশত জনত্তুন দশজন, আজারত্তুন একশত জন আর দশ আজারত্তুন এক আজার জন মানুচ্‌ বেঈ নেযেবং। তারা যেইনে সৈন্যগুনোত্তে হানা-দানা লোই এবাক্‌; আর আমি বিন্যামীন চাগালাত্‌ গিবিয়াদত্‌ যেইনে ইস্রায়েল জাদঅ ভিদিরেত্তুন তারা যেদক্কানি গুন্দোমী কাম্‌ গোজ্যন্‌ সিয়েনির যগাজ্যে সাজা দিবোং।”

বিচের গুরিয়্যেগুন 20:5

রেদোত্‌ গিবিয়ার মানুচ্চুনে মরে তোগেবাত্তে এইনে ঘরান্‌ ঘিরিলাক্‌। তারা মরে মারে ফেলেবাত্তে চেইয়োন, মাত্তর্‌ মঅ বদলে তারা মঅ দ্বিতীয় ঘরঅ মোক্কোরে নেযেইনে জোর গুরিনে তা লগে সিনেলী গুরিলাক্‌, সেক্কে তে মুরি গেলঅ।

বিচের গুরিয়্যেগুন 20:6

ইস্রায়েলর্ ভিদিরে এন্‌ গুন্দোমি আর বজং কাম গোজ্যন্‌ বিলিনে মুই মঅ দ্বিতীয় ঘরঅ মোক্কোরে কাবিনে কট্টা কট্টা গুরি ইস্রায়েলীয়গুনোর ভাগত্‌ পোজ্যে পত্তি জাগাত্‌ এক কট্টা গুরিনে পাধেই দুয়োং।

১ শমূয়েল 26:21

সেক্কে শৌল কলদে, “মুই পাপ গোজ্যং। বাবা দায়ূদ, তুই ফিরি আয়। এচ্চ্যে তুই মর্‌ জীংকানিগানর্‌ কদক্‌ দাম দিলে; মুই আর তরে ক্ষেতি গুরিবাত্যে চেট্ট্যা ন-গুরিম। সত্য সত্য এ দাঙর্‌ অন্যেয়ান গুরিনে মুই বেদমা কাম গোজ্যং।”