যিহোশূয় 7:12 - Chakma Bible

¹² সেনত্তেই ইস্রায়েলীয়গুনে তারার্‌ শত্রুগুনোর মুজুঙোত্‌ থিয়্যেই ন-পাত্তন্‌; তারা পিচ্ছো ফিরিনে ধেই যাদন্‌, কিত্যে তারা ভস্তর্ অভিশাবর তলে ওই পোজ্যন্‌। ভস্তর্ অভিশাবর তলে কদক্কানি জিনিস তমা ইদু আঘে। যুনি তুমি সিয়েনি ভস্ত গুরি ন-ফেলঅ‌ সালে মুই আর তমা লগে ন-থেম্‌।

যিহোশূয় 7:12 Iomraidhean Croise

গীতসংহিতা 44:10

শত্রুগুনোর মুজুঙোত্তুন তুই আমারে পিজেন্দি এবাত্তে বাধ্য গোজ্যস্; আমা বিপক্ষগুনে আমারে লুদেয়োন্।

গীতসংহিতা 60:10

ও গোজেন, তুই কি আমারে বাদ ন-দুয়োচ্? আমা সৈন্যগুনো সমারে তুই দঅ আর্ ন-যাচ্।

গম্ উপদেজ্ 28:1

কনজনে ন-লোড়েলেয়ো পাজি মান্‌‌জ্যে ধেই যান, মাত্তর্ গোজেন ভক্ত মান্‌‌জ্যে সিংহ ধোক্ক্যেন্ ন-দোরেয়্যেগুরি বজত্তি গরে।

যিশাইয় 59:2

মাত্তর্ তমা ভান্ন্যেয়ানিয়ে লগেপ্রভুত্তুন্ তমারে ফারগ্ গুরি দিয়্যে। তমা পাপত্তে তে তা মুয়োন তমাত্তুন্ ফিরেই নেযেয়্যে; সেনত্তে তে ন-শুনে।

যিরমিয় 23:33

লগেপ্রভু মরে কলঅ, এ মানুচ্চুনে বা কনঅ ভাববাদী বা ধর্মগুরু যেক্কে তরে পুযোর্ গুরিবো, লগেপ্রভুর কধানি কি? সেক্কে তুই তারারে কবে, লগেপ্রভু কোইয়্যেদে, তুমি মর্ বোঝা বুধি আর মুই তমারে ফেলেই দিম।

যিরমিয় 6:8

ও যিরূশালেম, উজিয়ার কধা শুন, সিয়েন ন-অলে মুই তমাত্তুন্ ফিরি যেইনে তঅ দেজ্‌‌‌‌‌চান ভস্ত আর মানুচ্ নেইয়্যে গুরিম।”

হোশেয় 9:12

যুনি বা কনজনে পুয়ো-ছা পালান্ তো সেই পুয়ো-ছাগুনোরে মুই মারে ফেলেম; তারার্ একজনঅ ন-থেবাক্। অভিশাব্ পোড়োক্ তারার্, যেক্কেনে মুই তারাত্তুন্ যেম্বোই।

হবক্‌‌‌‌কূক 1:13

তুই এদক্ আজল্ যে, তুই ভান্ন্যেয়দি রিনি চেই ন-পারচ্ আর অন্যেয় সোজ্য গুরি ন-পারচ্। সালে তুই কেধোক্ক্যেনগুরি সেই বেঈমানীগুনোরে গম্ চোগেদি দেগর্? পাজিগুনে যেক্কে তারাত্তুন্অ বেশ্ গম্ মানুচ্চুনোরে গিলোদন্ সেক্কে কিত্তে তুই জুরো গুরি থাচ্?

গণাণা 14:39

মোশি লগেপ্রভুর কধাগান্‌ বেক্‌ ইস্রায়েলীয়গুনোরে জানেল। সেক্কে মনত্‌ দুঘে তারা ভাঙি পড়িলাক।

গণাণা 14:42

তুমি ন-যেয়ো, কিত্যে লগেপ্রভু তমা সমারে নেই। শত্রুগুনো ইদু তুমি উদি যেবাগোই।

গণাণা 14:43

সিদু তুমি অমালেকীয় আর কনানীয়গুনোর মুজুঙোত্‌ পড়িবা। তুমি লগেপ্রভুত্তুন্‌ সুরি যেইয়ো বিলি তে তমা সমারে ন-থেবঅ। সেক্কে তুমি যুদ্ধোত্‌ মুরি যেবা।”

গণাণা 14:45

তারারে দেগিনে সেই মুড়োমুরি চাগালার্ অমালেকীয় আর কনানীয়গুনে লামি এইনে তারারে আক্রমণ গুরিলাক্ আর হর্মা শঅর সং তারারে লোড়েই নেযেলাক্।

দ্বি’লম্বর বিররণ 7:26

কনঅ ঘিনাইদে জিনিস তমা ঘরত্‌ ন-আনিবা। সিয়েনি তুমি মনে-পরাণে ঘিনেবা আর ঈচ্ গুরিবা, কিত্যে সিগুনো উগুরে আগেদে ভস্ত অবার্‌ অভিশাব। সিয়েনি যুনি তুমি ঘরত্‌ আনঅ সালে তমা উগুরেয়ো ভস্তর্‌ অভিশাব লামি এবঅ।

যিহোশূয় 6:18

মাত্তর্ যেদক্কানি জিনিস ভস্তর্ অভিশাবর্ তলে সিয়েনিত্তুন তুমি দূরোত্‌ থেবা যেনে সিয়েনিত্তুন কনঅ‌ কিজু নিজোত্তে নেযেইনে তুমি নিজো উগুরে দযা ডাগি ন-আনঅ‌। সিয়েন গুরিলে তুমি ইস্রায়েলীয়গুনোর তাম্বুলানি উগুরে দযা ডাগি আনিবা আরঅ তারারে দযাত্ ফেলেবা।

বিচের গুরিয়্যেগুন 16:20

সে পরেন্দি দলীলা তারে কলঅ, “শিম্‌শোন, পলেষ্টীয়গুনে তরে ধুরিবাত্তে এচ্ছোন্‌।” শিম্‌শোনে ঘুমোত্তুন জাগি উদিনে ভাবিলোদে, তে আগঅ ধোক্কেন্‌ বারেন্দি যেবঅ আর ঝাগারা দিইনে নিজোরে উদ্ধোর্‌ গুরি নিবো। মাত্তর্‌ তে হবর্‌ ন-পেদঅ, লগেপ্রভু তারে ছাড়ি যেয়েগোই।

বিচের গুরিয়্যেগুন 2:14

সেনত্তেই লগেপ্রভু রাগে লুটগুরিয়্যেগুনোর আঢত্‌ ইস্রায়েলীয়গুনোরে তুলি দিদো। তারা তারার্‌ পযাপিরানি লুদেই নিদাক্‌। তারার্‌ চেরোকিত্তে শত্রুগুনোর আঢত্‌ তে তারারে তুলি দিদো, সেনত্তেই তারা শত্রুগুনোর বিরুদ্ধে আর ঠিয়্যেই ন-পারিদাক্‌।

বিচের গুরিয়্যেগুন 2:4

লগেপ্রভুর দূত্তো যেক্কে ইস্রায়েলীয়গুনো ইদু এ কধানি কলঅ‌ সেক্কে তারা দাঙর্‌ দাঙর্‌ গুরি কাঁনা ধুরিলাক্‌।

১ শমূয়েল 14:38

সেনত্তেই শৌল কলদে, “সৈন্যদলর নেতাগুন, তুমি ইয়েনত্‌ এজঅ। এচ্চ্যে এই পাপ্পান কেন্‌জান্ গুরি অলঅ এজঅ, আমি সিয়েন তোগেই চেই।