যিহোশূয় 7:11 - Chakma Bible

¹¹ ইস্রায়েলীয়গুনে পাপ গোজ্যন্‌; মুই তারারে মর্‌ যে সুদোমানি পালেবাত্তে কোইয়োং সিয়েনি তারা ন-পালান্‌। যেদক্কানি জিনিস ভস্তর্ অভিশাবর তলে সিয়েনির্‌ কয়েক্কান তারা নেযেয়োন; তারা চুর্‌ গোজ্যন্‌, মিজে কধা কোইয়োন্‌ আর বেক্‌ জিনিসছানি নিইনে তারা তারার নিজো জিনিসছানি লগে রাগেয়োন্‌।

যিহোশূয় 7:11 Iomraidhean Croise

২ রাজাবলী 18:12

ইয়েনি ঘুদি যেইয়্যে, কিত্তে তারার গোজেন লগেপ্রভু কধানি তারা ন-পালান্‌, বরং তা সুদোমানি, অত্তাৎ লগেপ্রভুর চাগর্‌ মোশির বেক্‌ উগুমানি তারা অমান্য গোজ্যন্‌। সে উগুমানি তারা কান্‌ ন-পাদন্‌ আর সিয়েনি পালনঅ ন-গরন্‌।

২ রাজাবলী 5:24

তাম্বুলোর্‌ মুড়োবো ইদু এইনে গেহসি সে চাগরুনোত্তুন্‌ সিয়েনি নেযেইনে ঘরঅ ভিদিরে রাগেল। সে পরেন্দি তে তারারে বিদেয় দিলে তারা গেলাক্‌।

যিশাইয় 24:5

পিত্‌থিমীগানরে তা মানুচ্চুনে কজরা গুরি ফেল্যন্। তারা সুদোমানি অমান্য গোজ্যন; তারা সুদোমানি ভাঙ্যন্ আর লগেপ্রভুর উমরর্ সুদোম মজিম্ ন-চলন্।

যিরমিয় 31:32

মিসর দেজত্তুন্ তারার পুরোণি মানুচ্চুনোরে মুই আঢ্‌‍‍‍‍‍‍‍‍তানি ধুরিনে নিগিলেই আনিবার অক্তত্ তারাত্তে যে সুদোমান থিদেবর্ গোজ্যং এ নূয়ো সুদোমান সেই সুদোমান ধোক্ক্যেন ন-অবঅ। মুই যুনিয়ো তারার নেগ ধোক্ক্যেন এলুং তো তারা মঅ সুদোমান ভাঙ্যন্। ‍

হোশেয় 6:7

তুমি আদম ধোক্ক্যেন মর্ থিদেবর্ গোজ্যে সুদোমান অমান্য গোজ্য; তুমি মঅ উগুরে অবিশ্বেজি ওইয়ো।

লেবীয় 5:15

মনত্‌ ভান্ন্যেয়র্ আওজ্ ন-রাগেইনে যুনি কনজনে লগেপ্রভুর্ নাঙে যুদো গুরি রাগেয়ে জিনিজো পৌইদ্যেনে তার্‌ উগুম্‌ অমান্য গরন্‌, ছালে তার্‌ অন্যেয়র্‌ জরিমানা ইজেবে লগেপ্রভু ইদু তাত্তুন্‌ এক্কো থুদো নেইয়্যে পাদা ভেড়া আনা পুরিবো। ইবে এক্কো দুষ-স্বীগের পূজো। সিয়েন্‌ বাদে ধর্মীয় শেখেল মজিম যেত্তমান রূবো তুই ভেড়াবোর্‌ দামান্‌ ঠিগ গুরি দিবে সে পরিমাণ রূবো তাত্তুন্‌ ক্ষেদিপূরোণ ইজেবে দিয়্যে পুরিবো।

হবক্‌‌‌‌কূক 2:6

তারা বেক্কুনে তারে ঠাট্টা-মশ্‌কারী গুরিবাক্‌‌‌‌ আর কবাক্, অভিশাব্ পোড়োক্ তার্, যে অন্যগুনো পযাপিরানি নিজোত্তে থুবোয় আর জামিনো পযাপিরালোই তাগোয়্যে অয়। আর কয়দিন এবাবোত্যে চলিবো?

সখরিয় 5:4

বেগত্তুন্ খেমতাবলা লগেপ্রভু কত্তে, ‘মুই সেই অভিশাব্‌পান্ পাদেম্ আর তা চুরুনো ঘরত্ আহ্ মঅ নাঙে মিজে শমক্ হেইয়্যেগুনোর্ ঘরত্ যেইনে সুমিবাক্ আর তারা ঘরত্ থেইনে তক্তা আর পাত্তর্ সুদ্ধো ভস্ত গুরি ফেলেবাক্।’ ”

মথি লেখ্যে গম্ হবর্ 22:21

তারা কলাক্, “রোম-সম্রাটর্।” যীশু তারারে কলঅ, “সালে যিবে সম্রাটর্ সিবে সম্রাটরে দুয়ো, আর যিবে গোজেনর্ সিবে গোজেনরে দুয়ো।”

প্রেরিত্‌ 5:9

সেক্কে পিতরে তারে কলঅ, “প্রভুর আত্মাগানরে যগা চেবাত্যে কিত্ত্যেই তুমি একযদা অলা? চাহ্, যে মানুচ্চুনে তঅ নেক্কোরে গোর্ দুয়োন তারা দোরান কুরে এইনে লুম্মোন্দি, আর তারা তরেয়ো বারেদি নেযেবাক্।”

দ্বি’লম্বর বিররণ 17:2

তমার গোজেন লগেপ্রভুর দিয়্যে আদাম বা শঅরানির্‌ কনজাগাত্‌ অয়ত দেগা যেবঅ, তমা ভিদিরে কনঅ মরদ বা মিলে তমার গোজেন লগেপ্রভুর দিয়্যে সুদোম অমান্য গুরিনে তা চোগেদি যিয়েনি ভান্ন্যেই সিয়েনি গোজ্যে।

ইব্রীয় 4:13

সৃট্টির কিচ্চু গোজেন ইধু লুগেইয়্যে নেই। যিবে ইধু আমার ইজেব দিয়্যে পরিবো তা চোগো মুজুঙোত্ বেক্কানি মেল্যে আর ফগদাং পেইয়্যে।

যিহোশূয় 7:1

যিরীহো শঅরর্‌ ভস্তর্ অভিশাবর তলে থেইয়্যে পযারিরেনি পৌইদ্যেনে ইস্রায়েলীয়গুনে অবিশ্বেজী ওইয়োন্‌। যিহূদা-গুট্টির কর্মির পূঅ আখনে সে জিনিজোত্তুন্‌ কয়েক্কান নিজোত্তে নেযেল। কর্মি অলদে সব্দির পূঅ আর সেরহর নাদিন্‌। আখনর এ কামানত্তেই ইস্রায়েলীয়গুনো উগুরে লগেপ্রভুর রাগকান্‌ জুলি উদিলো।

যিহোশূয় 7:10

সেক্কে লগেপ্রভু যিহোশূয়রে কলঅ‌, উদিনে থিয়্যে। হিত্তেই তুই উবোত্‌ পুন্দুরী ওই পড়ি আগচ্‌?

বিচের গুরিয়্যেগুন 2:20

সেনত্তেই লগেপ্রভু ইস্রায়েলীয়গুনো উগুরে রাগে ফুলি উদিনে কলঅ‌, “এ জাদর্‌ পূরোণি মানুচ্চুনোর্‌ সময়োত্‌ মুই যে সুদোমান্‌ থিদে গোজ্যং সিয়েন ইগুনে ন-পালান্‌ আর মঅ কধানিয়ো ন-শুনোন্‌।

১ শমূয়েল 14:38

সেনত্তেই শৌল কলদে, “সৈন্যদলর নেতাগুন, তুমি ইয়েনত্‌ এজঅ। এচ্চ্যে এই পাপ্পান কেন্‌জান্ গুরি অলঅ এজঅ, আমি সিয়েন তোগেই চেই।