যিহোশূয় 6:4 - Chakma Bible

⁴ সাতজন ধর্মগুরু সাত্‌তো বাশি লোইনে সুদোম-সুন্দুগোর্‌ আগে আগে যেবাক্‌। সাত দিনোত্‌ তুমি শঅরর্‌ চেরোকিত্তে সাতবার ঘুরিবা আর তা লগে ধর্মগুরুগুনে বাশি বাজেবাক্‌।

যিহোশূয় 6:4 Iomraidhean Croise

পত্থম 2:3

এ সাত দিন্‌নোরে তে বর্ দিইনে নিজোত্যে ফারক্‌ গুরিলো, কিত্তে সে দিনোত্‌ তে কনঅ সৃট্টির কাম ন-গুরিলো।

১ রাজাবলী 18:43

পরেন্দি তে তা চাগর্‌বোরে কলঅ, “তুই যেইনে সাগরর্‌ ইন্দি চাহ্।” তে যেইনে দেগিনে কলঅ, “সিয়েনত্‌ কিচ্ছু নেই।” সাতবার এলিয় তারে ফিরি যেইনে চেবাত্তে কলঅ।

২ রাজাবলী 5:10

ইলীশায় এক্কো মানুচ্‌ দিইনে তারে কোই পাদেল, “তুই যেইনে সাতপল্লা যর্দন গাঙত্‌ গাত্‌তোই। সেক্কে তুই গম্‌ আর সিজি অবে।”

২ রাজাবলী 5:14

সেক্কে নামানে গোজেন মানুচ্চোর্‌ কধামজিম্‌ যেইনে যর্দনত্‌ সাতপল্লা বুর্‌ দিলো। সেক্কে তা কিয়্যেগান গম্‌ অলঅ আর চিগোন্‌ গুরো কিয়্যের্‌ চামঅ ধোক্ক্যেন তা চামান্‌ দোল্‌ অলঅ।

২ বংশধর 13:12

গোজেনে আমা লগে আঘে; তেয়ই আমার্‌ নেতা। তা ধর্মগুরুগুনে তারার্‌ তূরীগুন্‌ বাজেইনে তমা বিরুদ্ধে যুদ্ধোর্‌ ডাক্‌ দিবাত্তে আমা লগে আগন। ও ইস্রায়েলর মানুচ্চুন্‌, তমা পূরোণি মানুচ্চুনোর্‌ গোজেন লগেপ্রভুর বিরুদ্ধে তুমি যুদ্ধো ন-গোজ্য, কিত্তে সিয়েনত্‌ তুমি ফোলেই ন-পারিবা।”

২ বংশধর 20:17

এ যুদ্ধোগান্‌ তমাত্তুন্‌ গরা ন-পুরিবো। ও যিহূদা আর যিরূশালেম মানুচ্চুন্‌, তুমি সুর্‌ গুরিনে থিয়্যেইয়ো আর লগেপ্রভু তমারে কেধোক্ক্যেন গুরিনে উদ্ধোর্‌ গরে সিয়েন্‌ চেইয়ো। তুমি ন-দোরেয়ো, চিদে ন-গোজ্য। তুমি কেল্যে যেইনে তারাল্লোই মুয়োমি অবা আর লগেপ্রভু তমা লগে থেবঅ।’ ”

২ বংশধর 20:19

সে পরেন্দি কহাতীয় আর কোরহীয় বংশর ভালোক্কুন্‌ লেবীয় উদি থিয়্যেইনে খুব্‌ দাঙর্‌ দাঙর্‌ গুরিনে ইস্রায়েলর গোজেন লগেপ্রভুর বাঈনি গরা ধুরিলাক্‌।

২ বংশধর 20:21

যিহোশাফটে মানুচ্চুনো লগে সল্লা গুরিনে লগেপ্রভুর নাঙে গান্‌ আর তার্‌ মহিমাবলা পবিত্রগানর বাঈনী গুরিবাত্তে মানুচ্চুনোরে নেযেল যেনে তারা সৈন্যদলুনোর আগে আগে এ কধাগান কোই কোই যান্‌, “লগেপ্রভুরে ভালেদি জানঅ, কিত্তে তার্‌ কোচ্‌পানাগান উমরত্তে থিদেবর্ গোজ্যে।”

ইয়োব 42:8

সেনত্তে ইক্কিনে সাত্তো বলদ আর সাত্তো ভেড়া লোইনে মর্ চাগর্ ইয়োব ইদু যাহ্ আর নিজোত্তে পূজ্যে-উৎসর্বর অনুষ্ঠানান গর্। মর্ চাগর ইয়োবে তমাত্তে তবনা গুরিবো আর মুই সিয়েন মানি লোম, তমার্ বেদমা কাম মজিম্ ফল ন-দিম। মর্ চাগর ইয়োবে যেধোক্ক্যেন মঅ পৌইদ্যেনে ঠিগ্ কধা কোইয়্যে তুমি সেধোক্ক্যেন ন-কঅ।”

যিশাইয় 27:13

সেদিন্যে এক্কো দাঙর্ শিংগা বাঁজিবো। সেক্কে যিগুনে আসিরিয়া দেজত্ ভস্ত ওই যাদন্ আর যিগুনোরে মিসর দেজত্ ধাবেই দিয়্যে ওইয়্যে তারা এবাক্ আর যিরূশালেমর্ পবিত্র মুড়োবোত্ লগেপ্রভুর্ উবোসনা গুরিবাক্।

লেবীয় 14:16

সে পরেদি ডেন্‌ আঢর্‌ বুজ্যে আঙুল্লোর্‌ পরেদি আঙুল্লো দিইনে বাঙ্‌ আঢত্তুন্‌ তেল তুলি লোইনে সাতবার্ সিয়েন্‌ লগেপ্রভু মুজুঙোত্ ছিদিবো।

লেবীয় 4:6

তে সেই লো-গানত্ নিজোর্‌ আঙুল্লো ভুরেইনে কিজু লো লোইনে লগেপ্রভুর্ মুজুঙোত্ পবিত্র জাগানর্‌ পর্দাগান ইন্দি সাতবার্ ছিদি দিবো।

সখরিয় 4:2

তে মরে কলঅ, “তুই কি দেগর্?” জোবত্ মুই কলুং, “মুই এক্কো সনার্ চেরাগ টগ্ দেগঙর্ যিবের্ মাঢাবোত্ রোইয়্যেদে এক্কো তেলর্ পিলে। সেই চেরাগ টগ উগুরে সাত্‌‌তো চেরাগ্ আর পত্তি চেরাগত্ সাত্‌‌‌তো চেরাগ বুদ্ধি রাগেবার জাগা আঘে।‌

সখরিয় 4:6

সেক্কে তে মরে কলঅ, “লগেপ্রভু সরুব্বাবিলরে এ হবরান দের্, ‘বল্ বা খেমতালোই নয়, মাত্তর্ মুই খেমতার অধিকারী লগেপ্রভু কঙর্, মর্ আত্মাগান্দোই তুই সফল অবে।

গণাণা 23:1

পরেদি বিলিয়মে বালাকরে কলঅ, “তুই মত্তে ইয়েনত্‌ সাত্তো পূজো বানেইনে সাত্তো বলদ গোরু আর সাত্তো ভেড়া ছাগল উৎসর্বত্তে যুক্কোল্ গুরিচ্‌।”

যিহোশূয় 6:13

সাতজন ধর্মগুরু সাত্‌তো বাশি লোইনে বাঁজাদে বাঁজাদে লগেপ্রভুর সুন্দুগোর আগে আগে যাহ্ ধুরিলাক। আত্যের্‌ আদত্‌ একদল সৈন্য তারার আগে আগে গেলাক্‌ আর লগেপ্রভুর সুন্দুগোর পিচ্ছোন্দি আদিলাক্‌ পিজেন্দি থেইয়্যে রোক্ষেদলুন; পুরো সময়ান ধুরিনে বাঁশির রঅ‌বো শুনো গেলঅ।

যিহোশূয় 6:3

তুমি বেক্‌ সৈন্যগুনে মিলিনে শঅরর্‌ বারেন্দি চেরোকিত্তে একপল্লা ঘুরি এজঅ; ছঅ‌ দিন সং সিয়েনই গুরিবা।

যিহোশূয় 6:5

যেক্কে তুমি শুনিবা সে ধর্মগুরুগুনে বাশিলোই একঢাল্যে রঅ তুল্যন্‌ সেক্কে বেক্‌ মানুচ্চুনে অমকদ দাঙর্‌ গুরিনে কিজেক্‌কারি উদিবাক্‌। সেক্কে শঅরর্‌ দেবালানি ভাঙি পড়ি যেবঅ আর সেনে ইস্রায়েলীয়গুনে সিয়েনর উগুরেন্দি সোজা ভিদিরেন্দি চুমিবাক্কোই।”

ফগদাং পেইয়্যে 1:20

যে সাত্‌টো সনার চেরাগ টগ্ আর মঅ ডেন্ আঢেদি যে সাত্‌টো তারা তুই দেগিলে সিয়েনর্ গুমুরো অত্তগান ইয়েন-সেই সাত্‌টো তারা অলঅ সেই সাত্‌টো মন্ডলীর সাতজন দূত আর সাত্‌টো চেরাগ টগ্ অলঅ সেই সাত্‌টো মন্ডলী।

ফগদাং পেইয়্যে 1:4

মুই যোহন এশিয়া রেজ্যর্ সাত্‌টো মন্ডলী ইধু লেগঙর্। যিবে আঘে, যিবে এলঅ আর যিবে এজের্ তে আর তা সিংহাসনান মুজুঙোত্ যে সাত্‌টো আত্মা থায় সিগুনে আর যীশু খ্রীষ্ট তমারে দোয়্যে গোরোক্ আর শান্তি দান গোরোক্। যীশুই বিশ্বেজি-সাক্ষী আর মরণত্তুন্ তেয়ই পত্তমে জেদা ওই উঠ্যে, আর তেয়ই পিত্‌থিমীর রাজাগুনোর শাসনগুরিয়্যে। তে আমারে কোচ্‌পায় আর নিজোর্ লো-গান্দোই পাপত্তুন্ আমারে উদ্ধোর্ গোজ্জ্যে।

ফগদাং পেইয়্যে 15:1

যেরেদি মুই স্বর্গত্ আর এক্কান দাঙর্ আর আমক্ অবার্ চিহ্নো দেগিলুং। দেগিলুং, সাতজন স্বর্গদূত আর তারার্ আঢত্ শেজর্ সাত্‌তান আঘাত। ইয়েনিরে শেজর্ আঘাত কুয়ো অর্ কিয়া ইয়েনিলোই গোজেনর্ রাগর্‌অ থুম্ অবঅ।

ফগদাং পেইয়্যে 15:7

সেই চের্‌জন জেদা পরাণবলাগুনোর্ একজন সেই সাতজন স্বর্গদূতোরে সাত্‌টো সনার কদরা দিলো। গোজেন, যিবে যুগ যুগ ধুরিনে উমর্ সং জেদা আঘে, সেই কদরাগুন তার রাগে ভরা এলঅ।

ফগদাং পেইয়্যে 16:1

যেরেদি মুই শুনিলুং, সেই উবোসনা-ঘরত্তুন্ সেই সাতজন স্বর্গদূতোরে একজনে দাঙর্ দাঙর্ গুরি কত্তে, “তুমি যেইনে গোজেনর রাগে ভরা সাত্‌টো কদরা পিত্‌থিমী উগুরে উবোত্ গুরি ঢালি দুয়ো।”

ফগদাং পেইয়্যে 5:1

যিবে সেই সিংহাসনান উগুরে বৈ এলঅ তার্ ডেন্ আঢত্ মুই এক্কো বোই দেগিলুং। বোইবো ভিদিরে আর বারেদি লেগা এলঅ আর সাত্‌টো মহ্‌রলোই সীলমাজ্জ্যে এলঅ।

ফগদাং পেইয়্যে 5:6

চের্‌বো জেদা প্রাণী আর নেতাগুনো সংমধ্যে যে সিংহাসনান্ এলঅ সিয়েন উগুরে এক্কো ভেড়া-ছরে মুই থিয়্যেই থাগদে দেগিলুং। মর্ মনে অত্তে যেন সেই ভেড়া-ছবোরে মারে ফেলা ওইয়্যে। সেই ভেড়া-ছবোর্ সাত্‌টো শিং আর সাত্‌টো চোগ্ এলাক্। গোজেনর্ যে সাত্‌টান আত্মারে পিত্‌থিমীর বেক্‌ জাগানিত্ দিপাধা অয় এই চোগ্‌কুন এলাক্ সেই সাত্‌টান আত্মা।

ফগদাং পেইয়্যে 8:2

যে সাতজন স্বর্গদূত্ গোজেন মুজুঙোত্ থিয়্যেই থান্ মুই তারারে দেগিলুং। তারা আঢত্ সাত্তো তূরী দিয়্যে অলঅ।

ফগদাং পেইয়্যে 8:6

যে সাতজন স্বর্গদূতো আঢত্ সাত্‌টো তূরী এলঅ, ইয়েনর্ পরেদি তারা সিগুন বাজেবাত্যে যুক্কোল্ অলাক্।