যিহোশূয় 6:3 - Chakma Bible

³ তুমি বেক্‌ সৈন্যগুনে মিলিনে শঅরর্‌ বারেন্দি চেরোকিত্তে একপল্লা ঘুরি এজঅ; ছঅ‌ দিন সং সিয়েনই গুরিবা।

যিহোশূয় 6:3 Iomraidhean Croise

২ বংশধর 4:3

পিলেবোর বারেন্দি কাজাগান তলে পত্তি আঢ জাগানত্‌ দোশচুয়ো গুরিনে দ্বিসুর্‌ গোরুর আরুক্‌ এলাক্‌। যে ছাজিচাজাই পিলেবো বানা ওইয়্যে সে সাজানার্‌ ভিদিরেন্দি গোরুগুনোর্‌ আরুক্কানি এলঅ বিলি বেক্কানে মিলিনে এক্কো জিনিস অলঅ।

গণাণা 14:9

সালে তুমি লগেপ্রভুর বিরুদ্ধে উল্লোমী ন-গোজ্য। তুমি সেই দেজর্‌ মানুচ্চুনোরে ন-দোরেইয়ো; তারারে গিলি খাদে আমার্‌ দেরি ন-অবঅ। তারারে আর রোক্ষ্যে গুরিয়ে নেই। তারারে তুমি ন-দোরেয়ো কিত্যে লগেপ্রভু আমা লগে আঘে।”

২ করিন্হীয় 4:7

মাত্তর্ এই ধন মাত্ত্যা পিলেত্ থুয়ো ওইয়্যে; আর আমিই সেই মাত্ত্যা পিলাগুন্। মাত্ত্যা পিলেত্ সিয়েন থুয়ো ওইয়্যে যেন মান্‌জ্যে বুঝি পারন্ যে, এ অসাধারণ দাঙর্ খেমতাগান আমা নিজোত্তুন্ ন-এজে বরং গোজেনত্তুনই এচ্চ্যে।

যিহোশূয় 6:11

ইঙিরিনে যিহোশূয়র উগুমে লগেপ্রভুর সুন্দুক্কো শঅরর্‌ চেরোকিত্তে একপল্লা ঘুরেই আনা অলঅ। পরেন্দি মানুচ্চুনে তারার তাম্বুলত্‌ ফিরি গেলাক্‌ আর রেত্‌তো সিয়োদোই কাদেলাক্‌।

যিহোশূয় 6:14

ইঙিরিনে দ্বিদিনোতঅ‌ তারা শঅরর্‌ চেরোকিত্তে একপল্লা ঘুরি এইনে তাম্বুলানত্‌ ফিরি যেদাক্‌। তারা ছদিন সেধোক্ক্যেন্‌ গুরিলাক্‌।

যিহোশূয় 6:2

লগেপ্রভু সেক্কে যিহোশূয়রে কলঅ‌, “চাহ্‌, মুই যিরীহো শঅ‌রান্‌, সিয়েনর্‌ রাজারে আর তার বেক্‌ বীর যোদ্ধাগুনোরে তঅ‌ আঢত্‌ তুলি দুয়োং।

যিহোশূয় 6:4

সাতজন ধর্মগুরু সাত্‌তো বাশি লোইনে সুদোম-সুন্দুগোর্‌ আগে আগে যেবাক্‌। সাত দিনোত্‌ তুমি শঅরর্‌ চেরোকিত্তে সাতবার ঘুরিবা আর তা লগে ধর্মগুরুগুনে বাশি বাজেবাক্‌।

যিহোশূয় 6:7

সে পরেন্দি তে মানুচ্চুনোরে উগুম দিলো্‌, “তুমি উজেই যঅ আর শঅরর্‌ বারেন্দি চেরোকিত্তে একপল্লা ঘুরি এজঅ‌। সৈন্যগুনে লগেপ্রভুর সুন্দুগোর আগে আগে যেবাক্‌।”