যিহোশূয় 6:27 - Chakma Bible

²⁷ লগেপ্রভু যিহোশূয়র সমারে রলঅ, আর দেজর বেক্‌ জাগানিত্‌ তার সুনাং ছিদি পড়িলো।

যিহোশূয় 6:27 Iomraidhean Croise

২ শমূয়েল 7:9

তুই যেদক্কানি জাগাত্‌ যেইয়োচ্‌ মুইয়ো সিদু তঅ লগে যেইয়োং আর তঅ মুজুঙোত্তুন্‌ তর্‌ বেক্‌ শত্রুগুনোরে শেজ্‌ গুরি দুয়োং। মুই তঅ নাঙান্‌ পিত্তিমীর্ নাঙ্‌গিন্যে মানুচ্চুনোর নাঙানি ধোক্ক্যেন্‌ নাঙ্ তাই পাড়া গুরিম্।

১ বংশধর 14:17

এধোক্ক্যেন গুরিনে দায়ূদো সুনাঙান্‌ বেক্‌ দেজ্‌ছানিত্‌ ছিদি পড়িলো, আর লগেপ্রভু বেক্‌ জাত্‌তুনো ইদু তা পৌইদ্যেনে এক্কান্‌ দর্ দর্ মনভাব জাগেই দিলো।

ইষ্টের 9:4

মর্দখয়ে রাজঘরর্‌ বেগঅ দাঙর্‌বো অলঅ; তা নাঙান্‌ সে চাগালাত্‌ বেক্‌ জাগায়ানিত্‌ হবর্‌ পেলাক্‌ আর তে দিন দিন খেমতাবলা ওই উদিলো।

মথি লেখ্যে গম্ হবর্ 14:1

সে সময়োত্ যীশু পৌইদ্যেনে শুনিনে গালীল রেজ্যর্ শাসনগুরিয়্যে হেরোদে তা কাম্ গুরিয়্যেগুনোরে কলঅ, “ইবেই বাপ্তিস্মদিয়্যে যোহন; যিবে মরণত্তুন্ জেই উঠ্যে। সেনত্তে তে এই বেক্ আমক্ কামানি গোজ্যে।”

মথি লেখ্যে গম্ হবর্ 18:20

কিয়া যিয়েনত্ দুই বা তিনজন মঅ নাঙে এগত্তর্ অন্ সিয়েনত্ মুই তারা ভিদিরে থাং।”

মথি লেখ্যে গম্ হবর্ 28:20

মুই তমারে যেদক্কানি উগুম্ দুয়োং সিয়েনি পালেবাত্তে তারারে শিক্ষ্যে দুয়ো। চঅ, যুগোর্ থুম্ সং নিত্য মুই তমা সমারে সমারে আগং।”

মথি লেখ্যে গম্ হবর্ 4:24

গোদা সিরিয়া দেজত্ তা কধা ছিদি পড়িলো। যিদুক্কুন মান্‌জ্যে নানান্ বাবোত্যে পীড়েত্ আর অমকদ যন্ত্রনাত্ দুঘ্ পাদন্, যিগুনোরে ভান্ন্যেই আত্মায় ধোজ্যে আর যিগুনে মির্‍‍‍গি আর অবস্ রুগোত্ ভুগোদন, মানুচ্চুনে তারারে যীশু ইধু আনিলাক্। তে তারারে বেক্কুনোরে গম্ গুরিলো।‍

২ করিন্হীয় 13:14

আমার্ প্রভু যীশু খ্রীষ্টর্ দোয়্যে, গোজেনর্ কোচ্‌পানা আর পবিত্র আত্মালোই উদো লো-লি তমার্ বেক্কুনোর্ রিবেঙত্ থোক্।

দ্বি’লম্বর বিররণ 31:6

তুমি দরঅ মরঅ অ আর মনত্‌ বুক্‌ বানঅ। তারারে দেগিনে তুমি ন-দোরেয়ো বা গির্‌ ন গিরেবা, কিত্যে তমার গোজেন লগেপ্রভু তমার লগে লগে যেবঅ। তে কনদিনঅ তমারে ছাড়িনে ন-যেবঅ বা বাদ ন-দিবো।”

২ তীমথিয় 4:17

মাত্তর্ প্রভু মঅ সমারে এলঅ আর মরে খেমতা দান গোজ্জ্যে। সিয়েনর্ ফলে মুই পুরোপুরি গুরিনে গম হবর্ প্রচার গুরি পাজ্জ্যং আর অযিহূদীগুনে বেক্কুনে সিয়েন শুন্ন্যন্।

২ তীমথিয় 4:22

প্রভু তঅ সমারে সমারে থোক্। গোজেনর্ দোয়্যেগান তমা রিবেঙত্ থোক্।

যিহোশূয় 1:5

তুই যেদকদিন বাঁজি থেবে কনঅ জনে তর্‌ বিরুদ্ধে থিয়্যেই ন-পারিবাক্‌। মুই যেধোক্ক্যেন গুরি মোশি লগে এলুং সেধোক্ক্যেন তঅ লগেয়ো থেম্‌; মুই কনঅ‌ দিনঅ‌ তরে ছাড়ি ন যেম্‌ বা ফেলেই ন-যেম্‌।

যিহোশূয় 1:9

মুই তরে উগুম দুয়োঙর, সেনত্তেই তুই বোলী অ আর মনত্‌ সাহস আন্‌। ন-দোরেচ্‌ বা ঝিমেয়্যে ন-ওস্, কিত্যে তুই যিয়োদোই যেদে সাৎ তর্‌ গোজেন লগেপ্রভু তঅ‌ লগে থেবঅ‌।”

যিহোশূয় 9:1

যর্দন গাঙর্‌ পোজিমেন্দি রাজাগুনে এ বেক্‌ কধানি শুনিলাক্‌। ইগুনে এলাক্‌ অজল্‌ মুড়ো চাগালাত্‌‌ আর তা তলেদি মুড়ো চাগালার্‌ দেজ্‌চানিত্‌ আর লেবানন সং ভূমধ্য সাগরর্‌ বেক্‌ দুযিগুন্‌ ধুরিনে যে দেজ্‌চানি এলঅ‌ সিগুনোর রাজাগুন্‌। ইগুনে এলাক্‌ হিত্তীয়, ইমোরীয়, কনানীয়, পরিষীয়, হিব্বীয় আর যিবূষীয়গুনোর রাজাগুন্‌।

যিহোশূয় 9:3

যিরীহো আর অয়র অবস্থা যিহোশূয় যেধোক্ক্যেন্‌ গোজ্যে সিয়েনি যেক্কে গিবিয়োন শঅরর্‌ আদাম্মে হিব্বীয়গুনে শুনিলাক্‌ সেক্কে তারা এক্কান চালাগি গুরিলাক্‌। তারার্‌ পক্ষেত্তুন একদল মানুচ্‌ যিহোশূয় ইদু যাহ্ ধুরিলাক্‌। তারা গাধাগুনো উগুরে পুরোণ বস্তাগুন্‌ আর ফাদা আর তালি দিয়্যে আংগুর-রস রাগেবাত্তে পুরোণ চামর্‌ থৈল্যেগুন্‌ রাগেলাক্‌।

যিহোশূয় 9:9

জোবত্‌ তারা কলাক্‌, “তঅ‌ গোজেন লগেপ্রভুর সুনাং শুনিনে তর্‌ এই চাগরুনে বোউত্‌ দূর দেজত্তুন এচ্চ্যন্‌। তে মিসর দেজত্‌ যিয়েনি গোজ্যে সে হবরানি আমি পেইয়্যেই।

বিচের গুরিয়্যেগুন 1:19

লগেপ্রভু যিহূদা-গুট্টির মানুচ্চুনো সমারে এলঅ‌। তারা মুড়ো-মুড়ি চাগালাগানি গজক্‌ গুরি নেযেয়োন ঠিগ্‌, মাত্তর্‌‌ সংজাগাত্তুন মানুচ্চুনোরে ধাবেই দি ন-পারন্‌, কিত্যে তারার্‌ লুয়োর্‌ রথ এলঅ‌।

১ শমূয়েল 18:14

লগেপ্রভু সমারে এলঅ বিলিনে তে বেক্কানিত্‌ বুদ্ধির পরিচয় দিইনে সফলতা লাভ গরা ধুরিলো।

১ শমূয়েল 2:30

“সেনত্তেই ইস্রায়েলীয়গুনোর গোজেন লগেপ্রভু কত্তে, ‘মুই হামাক্কায় কোইয়োঙে, তর্‌ আর তর্‌ পুরোণি মানুচ্চুনোর বংশর মানুচ্চুনে সারা জিংকানিবর্‌ মর্‌ সেবা কাম গুরিবাক্’; মাত্তর্‌ ইক্কিনে লগেপ্রভু কত্তে, ‘সিয়েন আর ন-চলিবো। যিগুনে মরে সর্মান গুরিবাক্ মুই তারারে সর্মান গুরিম আর যিগুনে মরে ঈচ্ গুরিবাক্ তারারে ঈচ্ গরা অবঅ।